Video: GOAT అంటార్రా బాబు! మరోసారి రికార్డుల దుమ్ముదులిపిన కింగ్.. ఈ సారి మాత్రం స్పెషల్
విరాట్ కోహ్లీ ఐపీఎల్ 2025లో మరోసారి తన స్థిరతను చాటుతూ 500 పరుగుల మార్కును 8వ సారి దాటాడు. ఇప్పటి వరకు 11 ఇన్నింగ్స్ల్లో 505 పరుగులు చేసి ఆరెంజ్ క్యాప్ను తన పేరిట ముద్రించాడు. అతని బ్యాటింగ్ సగటు 63.12 కాగా, స్ట్రైక్రేట్ 143.46తో కొనసాగుతున్నాడు. ఐపీఎల్ చరిత్రలోనే అత్యధిక 500+ పరుగుల సీజన్లు కోహ్లీ ఖాతాలో ఉండటమే అతని గొప్పతనాన్ని చూపుతోంది.
భారత క్రికెట్ దిగ్గజం విరాట్ కోహ్లీ ఐపీఎల్ చరిత్రలో ఎనిమిదో సారి 500 పరుగుల మార్కును దాటాడు. ఐపీఎల్ 2024లో 741 పరుగులు చేసిన కోహ్లీ, ఇప్పటి వరకు 2025 సీజన్లో 11 మ్యాచ్ల్లో 505 పరుగులు సాధించాడు. ఇంకా కనీసం నాలుగు మ్యాచ్లు మిగిలివుండటంతో, అతని పరుగుల సంఖ్య మరింత పెరిగే అవకాశం ఉంది. టీ20 ఇంటర్నేషనల్స్కు వీడ్కోలు పలికినప్పటికీ, కోహ్లీ తన స్థిరత్వంతో విమర్శకుల నోరులు మూయించాడు.
ఐపీఎల్ చక్రవర్తిగా విరాట్ కోహ్లీ
ఈ సీజన్లో కోహ్లీ ఇప్పటికే ఏడు అర్ధ సెంచరీలు నమోదు చేశాడు. అతని బ్యాటింగ్ సగటు 63.12 కాగా, స్ట్రైక్ రేట్ 143.46గా ఉంది. 2016లో కోహ్లీ తన అత్యుత్తమ సీజన్ను కనబరిచాడు. 973 పరుగులతో, 4 శతకాలు, 7 అర్ధ సెంచరీలతో. ప్రస్తుతం 2025 సీజన్లో అతను శతకం సాధించనప్పటికీ, అతని నిలకడ ఆర్సీబీకి మద్దతుగా నిలుస్తోంది.
2025 సీజన్లో ఈ 500+ పరుగులు కోహ్లీకి వరుసగా మూడో సంవత్సరం ఈ ఘనతను సాధించేందుకు దోహదం చేశాయి. ప్రస్తుతం అతను ఆరెంజ్ క్యాప్ను స్వాధీనం చేసుకున్నాడు. సాయి సుదర్శన్ కంటే కేవలం ఒక్క పరుగుతో ముందున్నాడు.
అతని ఏడాది అర్ధ సెంచరీల్లో ఐదు అవుట్ స్టేడియాల్లో రాగా, రెండు బెంగళూరులోని చిన్నస్వామి స్టేడియంలో నమోదయ్యాయి.
ఐపీఎల్లో అత్యధిక సీజన్లలో 500+ పరుగులు చేసిన ఆటగాళ్లు:
8 సార్లు – విరాట్ కోహ్లీ*
7 సార్లు – డేవిడ్ వార్నర్
6 సార్లు – కేఎల్ రాహుల్
5 సార్లు – శిఖర్ ధవన్
అంతే కాదు విరాట్ కోహ్లీ ఐపీఎల్ 2016 – 973 పరుగులు (ఒకే సీజన్లో అత్యధిక పరుగులు – రికార్డు) ను నమోదు చేశాడు. 8 సార్లు ఐపీఎల్ సీజన్లో 500+ పరుగులు. ఐపీఎల్ ఆరంభమైన 2008 నుంచి RCB తరఫున మాత్రమే ప్రాతినిధ్యం. ఇప్పటి వరకు ఐపీఎల్ టోర్నీలోనే అత్యధిక సెంచరీలు నమోదు చేశాడు. అర్ధ సెంచరీలు: 62 కూడా విరాట్ కోహ్లీ పేరు మీదే ఉన్నాయి. ఇక ఐపీఎల్ ఆరెంజ్ క్యాప్ ను పలు సీజన్లలో విజేతగా నిలిచాడు. ఈ గణాంకాలతో విరాట్ కోహ్లీ ఐపీఎల్లో నిస్సందేహంగా ఓ దిగ్గజ బ్యాట్స్మన్. అతని స్థిరత్వం, క్లాస్, ఆటపై పట్టుదల అతన్ని టోర్నమెంట్ చరిత్రలో ఒక దిగ్గజంగా నిలిపాయి.
విరాట్ కోహ్లీ ఫిట్నెస్ గురించి మాట్లాడితే, అది క్రికెట్లో ఓ ప్రతీకం (benchmark) లా మారింది. అతని ఫిట్నెస్ ప్రయాణం, నిబద్ధత, దానికి తగిన ఫలితాలు ఎన్నో క్రికెటర్లకు ప్రేరణగా నిలిచాయి. వికెట్ల మధ్యలో సుడిగాల రన్నింగ్ చేయడం.. వేగంగా పరుగులు పూర్తి చేయడంలో అతను అత్యుత్తమ స్థాయిని కనబరుస్తాడు. 2015 తర్వాత తన బరువు తగ్గించి, మసిల్స్తో కూడిన, lean శరీరాన్ని సాధించాడు. డైట్ కంట్రోల్.. కోహ్లీ strict vegan diet తీసుకుంటున్నాడు (2018 నుంచి), జంక్ ఫుడ్, మిఠాయిలు, నాన్ వెజ్ పూర్తిగా మానేశాడు. అంతే కాదు జిమ్లో కఠిన వ్యాయామం చేయడం. మానసిక స్థితిని మెరుగుపరిచేందుకు యోగా, మెడిటేషన్ చేయడం కూడా అతని జీవితంలో భాగమే.
These 2 consecutive sixes of Virat Kohli will forever live rent free in every RCB fan's mind .pic.twitter.com/fNZYl8u8WN
— ` (@was_kohlify) May 4, 2025
మరిన్ని ఐపీఎల్ వార్తల కోసం ఇక్కడ క్లిక్ చేయండి..