IPL 2021: నేను కోలుకున్నాను.. IPL 2021 మిగతా మ్యాచ్‌లు జరిగితే ఆడేందుకు రెడీ…
IPL 2021 మిగతా మ్యాచ్‌లు జరిగితే ఆడేందుకు తాను సిద్ధంగా ఉన్నానని ప్రకటించాడు జోఫ్రా ఆర్చర్. ఇంగ్లాండ్‌ ఆల్‌రౌండర్‌ జోఫ్రా ఆర్చర్ చేతి గాయం నుంచి పూర్తిగా కోలుకొని ఫిట్‌నెస్‌ సాధించాడు.
IPL 2021 మిగతా మ్యాచ్‌లు జరిగితే ఆడేందుకు తాను సిద్ధంగా ఉన్నానని ప్రకటించాడు జోఫ్రా ఆర్చర్. ఇంగ్లాండ్‌ ఆల్‌రౌండర్‌ జోఫ్రా ఆర్చర్ చేతి గాయం నుంచి పూర్తిగా కోలుకొని ఫిట్‌నెస్‌ సాధించాడు. చేతి గాయం నుంచి కోలుకోవడంతో కౌంటీ క్రికెట్‌లో ఆర్చర్ ససెక్స్‌ తరఫున పోటీ క్రికెట్‌లోకి తిరిగి ఎంట్రీ ఇచ్చాడు. గాయం కారణంగా ఈ ఏడాది ఇండియన్‌ ప్రీమియర్‌ లీగ్‌(ఐపీఎల్‌) 2021 సీజన్‌కు దూరమయ్యాడు. ఐపీఎల్‌లో అతడు రాజస్థాన్‌ రాయల్స్‌కు ఆడుతున్నాడు.
కోవిడ్ కారణంగా 14వ సీజన్‌ నిరవధికంగా వాయిదా పడిన సంగతి తెలిసిందే… అయితే.. మరికొన్ని నెలల్లో ఐపీఎల్‌లోని మిగతా మ్యాచ్‌లను నిర్వహించాలని బీసీసీఐ ప్లాన్ చేస్తోంది. ఈ నేపథ్యంలోనే ఆర్చర్ స్పందించాడు. ఈ ఏడాది చివర్లో టోర్నమెంట్‌ మళ్లీ జరిగితే లీగ్‌లో రాజస్తాన్ తరఫున ఆడాలనుకుంటున్నట్లు ఆర్చర్ ఆశాభావం వ్యక్తం చేశాడు. టీ20 ప్రపంచకప్‌నకు ముందు సెప్టెంబర్‌ విండోలో లీగ్‌లోని మిగతా మ్యాచ్‌లను నిర్వహించాలని బీసీసీఐ భావిస్తోంది.