IPL 2026: 14 ఏళ్ల ఐపీఎల్ బుడ్డోడికి భయపడిన శాంసన్.. రాజస్థాన్ రాయల్స్ నుంచి తప్పుకునే రీజన్ అదేనా..?
రాజస్థాన్ రాయల్స్ కెప్టెన్ సంజు సామ్సన్ ఇండియన్ ప్రీమియర్ లీగ్ (IPL) 2026లో వేరే జట్టు తరపున ఆడేందుకు సిద్ధమౌతున్నట్లు వార్తలు వినిపిస్తున్నాయి. ఈ వికెట్ కీపర్ కం బ్యాటర్ రాజస్థాన్ రాయల్స్ను విడిచిపెట్టడానికి ఓ కీలక కారణం బయటకు వస్తోంది. అదేంటో ఇప్పుడు తెలుసుకుందాం..
IPL 2026: గత 8 సంవత్సరాలుగా ఇండియన్ ప్రీమియర్ లీగ్ (IPL)లో రాజస్థాన్ రాయల్స్ (RR) తరపున ఆడుతున్న సంజు శాంసన్, ఐపీఎల్ 2026లో వేరే జట్టు తరపున ఆడుతున్నట్లు కనిపించవచ్చు. అతను తన నిర్ణయం గురించి ఇప్పటికే ఫ్రాంచైజీకి తెలియజేసినట్లు వార్తలు వినిపిస్తున్నాయి. ఇంతలో, మాజీ క్రికెటర్ ఆకాష్ చోప్రా శాంసన్ తీసుకున్న ఈ నిర్ణయం ఆర్ఆర్ ఓపెనర్ వైభవ్ సూర్యవంశీ ప్రభావం పెరగడం వల్లేనని చెబుతున్నాడు. ఐపీఎల్ 2025లో సంజు శాంసన్ గాయపడిన తర్వాత, వైభవ్ ప్లేయింగ్ XIలో చోటు సంపాదించాడు. గుజరాత్ టైటాన్స్పై సెంచరీ సాధించడం ద్వారా సంచలనం సృష్టించాడు.
ఆకాష్ చోప్రా ఏం చెప్పాడంటే?
గుజరాత్ టైటాన్స్పై కేవలం 35 బంతుల్లోనే సెంచరీ చేసిన వైభవ్ సూర్యవంశీ జట్టులో తన స్థానాన్ని పదిలం చేసుకున్నాడని ఆకాష్ చోప్రా తన యూట్యూబ్ ఛానల్లో చెప్పుకొచ్చాడు. ఇలాంటి పరిస్థితిలో 2025 ఐపీఎల్లో గాయం తర్వాత సంజు శాంసన్ తిరిగి వచ్చినప్పుడు, అతను మూడవ స్థానంలో బ్యాటింగ్కు రావాల్సి వచ్చింది. యశస్వి జైస్వాల్, వైభవ్ సూర్యవంశీ ఓపెనింగ్ స్థానంలోకి వస్తారని సంజుకు తెలుసు కాబట్టి తన భవిష్యత్తు ప్రశ్నార్థకంగా మారుతుందని ఈ మాజీ క్రికెటర్ అన్నారు.
“సంజు శాంసన్ ఎందుకు వెళ్లాలనుకుంటున్నాడు? ఇది ఆసక్తికరంగా ఉంది. ఎందుకంటే, గత మెగా వేలం జరిగినప్పుడు, ఆర్ఆర్ జోస్ బట్లర్ను వెళ్లనిచ్చింది. సంజు యశస్వితో కలిసి ఓపెనర్గా ఆడాలని కోరుకున్నందున వారు జోస్ బట్లర్ను వెళ్లనిచ్చారని నేను అనుకుంటున్నాను.
సంజు శాంసన్ నిష్క్రమణకు ఇదే కారణం..
ఐపీఎల్ 2025 వేలానికి ముందు రిటైన్ చేసిన లేదా రిటైన్ చేసిన ఆటగాళ్లలో సంజు కీలక పాత్ర పోషించి ఉంటాడని నేను అనుకున్నానని మాజీ టీం ఇండియా ఓపెనర్ అన్నారు. అయితే, ఇప్పుడు అది జరగదని అనిపిస్తుంది. వైభవ్ సూర్యవంశీ వచ్చాడు. కాబట్టి, ఇద్దరు ఓపెనర్లు ఇప్పటికే సిద్ధంగా ఉన్నారు. ధ్రువ్ జురెల్ కూడా టాప్ ఆర్డర్లో బ్యాటింగ్ చేయాల్సి ఉంది. కాబట్టి, సంజు వెళ్లాలనుకుంటున్నాడు. సంజు శాంసన్ కోల్కతా నైట్ రైడర్స్ (KKR) లేదా చెన్నై సూపర్ కింగ్స్ (CSK)కి వెళ్లడంపై ఊహాగానాలు ఉన్నాయి. సంజు KKRకి వెళ్లాలని ఆకాష్ చోప్రా అభిప్రాయపడ్డాడు.
సంజు సామ్సన్ కోల్కతాకు..
సంజు శాంసన్ కేకేఆర్ జట్టులోకి వెళ్లడం మంచిదని నేను భావిస్తున్నానని ఆకాష్ చోప్రా అన్నాడు. ఎందుకంటే, వారి దగ్గర భారత వికెట్ కీపర్ కం బ్యాట్స్మన్ లేడు. రెండవది, కెప్టెన్గా వస్తే అందులో తప్పేముంది? అజింక్య రహానే కెప్టెన్గా బాగానే వ్యవహరించాడని, పరుగులు కూడా చేశాడని నేను కాదనడం లేదని మాజీ క్రికెటర్ అన్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..