IPL 2025: వైజాగ్ బరిలో ఐపీఎల్ అత్యంత ఖరీదైన ప్లేయర్.. గంట సంపాదన తెలిస్తే కళ్లు బైర్లు కమ్మాల్సిందే?
IPL Most Expensive Player: ఐపీఎల్ చరిత్రలో అత్యంత ఖరీదైన ఆటగాడు రిషబ్ పంత్. కానీ, ఐపీఎల్ 2025 లో ప్రతి మ్యాచ్ లో అతను గంటకు ఎంత సంపాదిస్తాడో మీకు తెలుసా? అత్యంత ఖరీదైన ఆటగాడిగా మారిన తర్వాత, రిషబ్ పంత్ తన పాత ఫ్రాంచైజీ ఢిల్లీ క్యాపిటల్స్కు వ్యతిరేకంగా తన తొలి ఐపీఎల్ మ్యాచ్ ఆడనున్నాడు.
Updated on: Mar 24, 2025 | 5:38 PM
IPL Most Expensive Player: ఐపీఎల్ (IPL) 2025 మెగా వేలంలో, రిషబ్ పంత్ ధర ఆకాశాన్ని తాకింది. ఈ మొత్తం గతంలో ఐపీఎల్లో ఏ ఆటగాడూ అందుకోలేదు. రిషబ్ పంత్ను లక్నో సూపర్ జెయింట్స్ రూ.27 కోట్ల భారీ ధరకు కొనుగోలు చేసింది. ఇప్పుడు ఐపీఎల్ చరిత్రలో అత్యంత ఖరీదైన ఆటగాడైన రిషబ్ పంత్ తన తొలి మ్యాచ్ ఆడబోతున్నాడు. కీలక విషయం ఏమిటంటే పంత్ LSG కెప్టెన్ కూడా. ఇటువంటి పరిస్థితిలో పంత్ ఆటతో పాటు, అందరి కళ్ళు అతని కెప్టెన్సీపై ఉంటాయనడంలో ఎలాంటి సందేహం లేదు. రూ. 27 కోట్లకు అమ్ముడైన పంత్ ప్రతి ఐపీఎల్ మ్యాచ్లో గంటకు ఎంత సంపాదిస్తాడనేది ఫ్యాన్స్ తెలుసుకోవాలనుకుంటున్నారు.
తొలి మ్యాచ్ ఆడనున్న పంత్..
రిషబ్ పంత్ ఐపీఎల్ 2025 లో తన తొలి మ్యాచ్ ఢిల్లీ క్యాపిటల్స్తో ఆడనున్నాడు. ఐపీఎల్ చరిత్రలో పంత్ ఢిల్లీ క్యాపిటల్స్తో కాకుండా వేరే జట్టుతో ఆడటం ఇదే మొదటిసారి. నిజానికి, దీనికి ముందు, అంటే 2016 నుంచి 2024 వరకు, రిషబ్ పంత్ ఢిల్లీ క్యాపిటల్స్లో భాగంగా ఉన్నాడు. అతను ఢిల్లీ తరపున మొత్తం 111 మ్యాచ్లు ఆడాడు. కానీ, అతను IPL 2025లో తన తొలి మ్యాచ్ ఆడే సమయానికి, అతను LSG తరపున అరంగేట్రం చేయడం కూడా కనిపిస్తుంది.
ప్రతి గంటకు రిషబ్ పంత్కు ఎంత డబ్బు వస్తుందంటే?
రిషబ్ పంత్కు ఎల్ఎస్జీ రూ.27 కోట్లు ఇచ్చింది. ఇప్పుడు తన మొదటి మ్యాచ్ ఆడటానికి వెళ్ళినప్పుడు, గంటకు ఎంత డబ్బు సంపాదిస్తాడు? దీనికి సమాధానం దాదాపు రూ.65 లక్షలు అని తెలుస్తోంది. రిషబ్ పంత్ గంటకు రూ. 64 లక్షల 28 వేల ఐదు వందల 71 పొందవచ్చు. ఐపీఎల్ 2025 గ్రూప్ దశలో పంత్ 14 మ్యాచ్లు ఆడాలి. ఇప్పుడు ప్రతి మ్యాచ్ ఒక గంట జరిగితే, దాని ప్రకారం, రిషబ్ పంత్ మొత్తం 42 గంటలు మైదానంలో గడుపుతాడు. ఆ 42 గంటల్లో అతను సంపాదించిన రూ.27 కోట్ల మొత్తాన్ని ప్రతి గంటకు వచ్చే డబ్బుతో భాగిస్తే, మొత్తం రూ.64,28,571 అవుతుంది.
ఐపీఎల్లో రిషబ్ పంత్ ప్రదర్శన..
ఐపీఎల్లో రిషబ్ పంత్ ప్రదర్శన గురించి చెప్పాలంటే, లక్నో సూపర్ జెయింట్స్ తరఫున అరంగేట్రం చేయడానికి ముందు, అతను తన పాత ఫ్రాంచైజీ ఢిల్లీ క్యాపిటల్స్ తరపున మొత్తం 111 మ్యాచ్లు ఆడాడు. దీనిలో అతను 1 సెంచరీ, 18 హాఫ్ సెంచరీల సహాయంతో 3284 పరుగులు చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..
