IPL 2024 Auction: దుబాయ్‌లో ఐపీఎల్ వేలం.. రిటెన్షన్, రిలీజ్ డేట్‌ పొడిగించిన బీసీసీఐ.. ఎప్పుడంటే?

ఇండియన్ ప్రీమియర్ లీగ్ (IPL) 2024 వేలం డిసెంబర్ 19న దుబాయ్‌లో జరగనుంది. చాలా మంది ఆటగాళ్లు IPL వేలంలో మొదటిసారి నామినేట్ కానున్నారు. అయితే, కొంతమంది లెజెండ్‌లు సుదీర్ఘ విరామం తర్వాత ఈ రిచ్ లీగ్‌లోకి తిరిగి రానున్నారు. IPL 2024 వేలానికి ముందు, రాబోయే వేలంలో IPL అత్యధిక బిడ్ పొందే ఆటగాళ్ల జాబితాను ఓసారి చూద్దాం..

IPL 2024: ఐసీసీ వన్డే వరల్డ్ కప్ చివరి దశకు చేరుకుంది. ఆ తర్వాత IPL గురించి చర్చ ప్రారంభమవుతుంది. ఐపీఎల్ 2024 కోసం ఫ్రాంచైజీలు సన్నాహాలు ప్రారంభించాయి. ఫ్రాంచైజీలు IPL 2024 కోసం ఆటగాళ్లను సిద్ధం చేసుకునే పనిలో పడ్డాయి. అయితే కొనసాగుతున్న పండుగ సెలవులు, క్రికెట్ ప్రపంచ కప్ కారణంగా బీసీసీఐ ఐపీఎల్ 2024 నిలుపుదల కోసం గడువును పొడిగించింది.

ఐపీఎల్ 2024 రిటెన్షన్ గడువు ముందుగా నవంబర్ 15న నిర్ణయించింది. కానీ, ఇప్పుడు అది నవంబర్ 26 వరకు పొడిగించింది. అంతకుముందు గడువు ఉంటే, ప్రపంచ కప్ సెమీ-ఫైనల్ మ్యాచ్ సందర్భంగా ప్రసారకర్త స్టార్ స్పోర్ట్స్ IPL 2024 రిటెన్షన్ జాబితాను విడుదల చేయాల్సి ఉంటుంది.

IPL 2024 వేలం ఎప్పుడు జరుగుతుంది?

నివేదికల ప్రకారం, ఐపీఎల్ 2024 వేలం డిసెంబర్ 19 న దుబాయ్‌లో జరగనుంది. అదే సమయంలో టీమిండియా కూడా దక్షిణాఫ్రికా పర్యటనకు వెళ్లనుంది. అయితే, ఐపీఎల్ 2024 వేలంలో ఏ ఆటగాళ్లను చేర్చుకోవడానికి ప్రయత్నిస్తాయో చూడాలి. డిసెంబర్‌లో జరిగే వేలంలో ఆటగాళ్లను కొనుగోలు చేసే పది ఐపీఎల్ జట్లలో ఏ జట్టు పర్స్‌లో ఎంత డబ్బు మిగిలి ఉందో ఓసారి చూద్దాం..

పంజాబ్ కింగ్స్: ₹12.20 కోట్లు

ముంబై ఇండియన్స్: ₹50 లక్షలు

సన్‌రైజర్స్ హైదరాబాద్: ₹6.55 కోట్లు

గుజరాత్ టైటాన్స్: ₹4.45 కోట్లు

ఢిల్లీ క్యాపిటల్స్: ₹4.45 కోట్లు

లక్నో సూపర్ జెయింట్స్: ₹3.55 కోట్లు

రాజస్థాన్ రాయల్స్: ₹3.35 కోట్లు

రాయల్ ఛాలెంజర్స్ బెంగళూరు: ₹1.75

కోల్‌కతా నైట్ రైడర్స్: ₹1.65 కోట్లు

చెన్నై సూపర్ కింగ్స్: ₹1.5 కోట్లు

ఈ ఏడాది విజేతగా చెన్నై సూపర్ కింగ్స్..

ఐపీఎల్ చివరి సీజన్‌లో మహేంద్ర సింగ్ ధోనీ సారథ్యంలో చెన్నై సూపర్ కింగ్స్ విజయం సాధించింది. IPL 2023లో చెన్నైలో ఐదవసారి IPL టైటిల్‌ను గెలుచుకోవడం ద్వారా, ఐదుసార్లు IPL ఛాంపియన్‌గా నిలిచిన ముంబై ఇండియన్స్‌ను సమం చేసింది. ఐపీఎల్ 2023 ఫైనల్ మ్యాచ్ హార్దిక్ పాండ్యా గుజరాత్ టైటాన్స్, చెన్నై సూపర్ కింగ్స్ మధ్య జరిగింది. ఐపీఎల్ 2024లో ఏజట్లు ఫైనల్ ఆడతాయో చూడాలి.

మరిన్ని క్రీడా వార్తల కోసం ఇక్కడ క్లిక్ చేయండి..