IPL 2026 Points Table : సీఎస్కే, కేకేఆర్, ముంబై.. దిగ్గజ జట్ల పరిస్థితి అగమ్యగోచరం.. పాయింట్ల పట్టికలో పెను మార్పులు
IPL 2026 Points Table : ఐపీఎల్ 2026 సీజన్ రసవత్తరంగా సాగుతోంది. గుజరాత్ టైటాన్స్, ఢిల్లీ క్యాపిటల్స్ మధ్య జరిగిన నరాలు తెగే ఉత్కంఠ పోరులో గుజరాత్ కేవలం ఒక్క పరుగు తేడాతో విజయం సాధించింది. ఈ మ్యాచ్ తర్వాత పాయింట్ల పట్టికలో సమీకరణాలు ఆసక్తికరంగా మారాయి.
IPL 2026 Points Table : ఐపీఎల్ 2026 సీజన్ రసవత్తరంగా సాగుతోంది. గుజరాత్ టైటాన్స్, ఢిల్లీ క్యాపిటల్స్ మధ్య జరిగిన నరాలు తెగే ఉత్కంఠ పోరులో గుజరాత్ కేవలం ఒక్క పరుగు తేడాతో విజయం సాధించింది. ఈ మ్యాచ్ తర్వాత పాయింట్ల పట్టికలో సమీకరణాలు ఆసక్తికరంగా మారాయి. ఓడిపోయినా ఢిల్లీ తన స్థానాన్ని పదిలం చేసుకోగా, గెలిచిన గుజరాత్ ఒక మెట్టు పైకి ఎగబాకింది. అదే సమయంలో ఐపీఎల్ చరిత్రలో అత్యంత విజయవంతమైన జట్లు ఈ సీజన్లో అట్టడుగున పడి ఉండటం అందరినీ ఆశ్చర్యపరుస్తోంది.
ఓడినా తగ్గని ఢిల్లీ క్రేజ్
గుజరాత్ టైటాన్స్తో జరిగిన మ్యాచ్లో ఢిల్లీ క్యాపిటల్స్ ఒక పరుగు తేడాతో ఓటమి పాలైంది. ఈ ఓటమితో ఢిల్లీ ఒక వింతైన రికార్డును తన ఖాతాలో వేసుకుంది. ఐపీఎల్ చరిత్రలో అత్యధికంగా 4 సార్లు ఒక్క పరుగు తేడాతో ఓడిపోయిన జట్టుగా ఢిల్లీ నిలిచింది. ఇంతకుముందు ఈ రికార్డు రాజస్థాన్ రాయల్స్ (3 సార్లు) పేరిట ఉండేది. అయితే, ఈ ఓటమి ఢిల్లీ పాయింట్ల స్థానాన్ని మార్చలేకపోయింది. నెట్ రన్ రేట్ మెరుగ్గా ఉండటంతో ఢిల్లీ ఇప్పటికీ పాయింట్ల పట్టికలో 4వ స్థానంలోనే కొనసాగుతోంది.
టాప్-3 లో ఎవరెవరు?
ఐపీఎల్ 2026 పాయింట్ల పట్టికలో రాజస్థాన్ రాయల్స్ తన అగ్రస్థానాన్ని పదిలం చేసుకుంది. ఆ తర్వాత పంజాబ్ కింగ్స్ రెండో స్థానంలో, రాయల్ ఛాలెంజర్స్ బెంగళూరు (RCB) మూడో స్థానంలో స్థిరంగా కొనసాగుతున్నాయి. గుజరాత్ టైటాన్స్ ఈ మ్యాచ్లో సాధించిన విజయంతో ఒక స్థానాన్ని మెరుగుపరుచుకుంది. గతంలో 7వ స్థానంలో ఉన్న గుజరాత్, ఇప్పుడు 6వ స్థానానికి చేరుకుంది. ఢిల్లీకి ఇది 3 మ్యాచ్ల్లో మొదటి ఓటమి కాగా, గుజరాత్కు ఇది 3 మ్యాచ్ల్లో మొదటి విజయం.
చాంపియన్ జట్ల దారుణ పరిస్థితి
ఈ సీజన్లో అందరినీ షాక్కు గురిచేస్తున్న విషయం ఏమిటంటే.. ఐపీఎల్ లో అత్యంత విజయవంతమైన జట్లు అట్టడుగున ఉండటం. ఐదుసార్లు చాంపియన్గా నిలిచిన చెన్నై సూపర్ కింగ్స్ (CSK) 10వ స్థానంలో ఉంది. కోల్కతా నైట్ రైడర్స్ (KKR) 9వ స్థానంలో, ముంబై ఇండియన్స్ 8వ స్థానంలో ఉన్నాయి. చెన్నై, కోల్కతా జట్లు ఆడిన మూడు మ్యాచ్ల్లోనూ ఓడిపోయి కనీసం ఒక్క పాయింట్ కూడా సాధించలేకపోయాయి. ముంబై ఇండియన్స్ మాత్రం 3 మ్యాచ్ల్లో ఒక విజయం సాధించి కాస్త పర్వాలేదనిపిస్తోంది.
ముందుకు సాగుతున్న పోరు
లీగ్ దశ ప్రారంభంలోనే పాయింట్ల పట్టికలో ఇలాంటి మార్పులు జరగడం చూస్తుంటే, ప్లేఆఫ్ రేసు చాలా రసవత్తరంగా సాగేలా కనిపిస్తోంది. పెద్ద జట్లు ఫామ్లోకి రాకపోతే, ఈసారి కొత్త చాంపియన్ను చూసే అవకాశం మెండుగా ఉంది. ఢిల్లీ, గుజరాత్ జట్లు తమ తదుపరి మ్యాచ్ల్లో గెలిచి టాప్-3 లోకి రావాలని చూస్తుండగా, దిగ్గజ జట్లు తమ ఉనికిని కాపాడుకోవడానికి పోరాడాల్సి వస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..