ఏరికోరి రూ. 7 కోట్లతో కొన్నారు.. కట్చేస్తే.. IPL 2026కి ముందే RCBకి తలనొప్పిలా మారిన టీమిండియా ఆల్ రౌండర్
Venkatesh Iyer's Poor Form: విజయ్ హజారే ట్రోఫీలో వెంకటేష్ అయ్యర్ దారుణమైన ప్రదర్శన కనబరిచాడు, మూడు మ్యాచ్ల్లో దారుణంగా విఫలమయ్యాడు. RCB 7 కోట్లకు కొనుగోలు చేసిన అయ్యర్, రాబోయే IPL కోసం జట్టుకు పెద్ద తలనొప్పిగా మారాడు. అతని స్థానంలో జట్టులో ఇతర ఎంపికల కోసం ప్రయత్నాలు మొదలు పెట్టాల్సి వస్తోంది.
Venkatesh Iyer’s Poor Form: విజయ్ హజారే ట్రోఫీ మూడో రౌండ్లో మధ్యప్రదేశ్, కేరళ జట్లు తలపడ్డాయి. మధ్యప్రదేశ్ తరపున ఆడిన స్టార్ ఆల్ రౌండర్ వెంకటేష్ అయ్యర్ ఈ మ్యాచ్లో దారుణమైన ప్రదర్శన ఇచ్చాడు. అహ్మదాబాద్లోని నరేంద్ర మోడీ స్టేడియంలో జరిగిన ఈ మ్యాచ్లో వెంకటేష్ అయ్యర్ కేవలం 8 పరుగులు చేసి పెవిలియన్కు తిరిగి వచ్చాడు. విజయ్ హజారే ట్రోఫీలో ఇప్పటివరకు 3 మ్యాచ్లు జరిగాయి. ఈ మూడు మ్యాచ్లలో వెంకటేష్ ఒక్క ప్రదర్శన కూడా చేయలేకపోయాడు. ఈ మ్యాచ్కు ముందు మొదటి రెండు మ్యాచ్లలో వెంకటేష్ మంచి ఆరంభం ఇచ్చాడు. కానీ, దానిని భారీ ఇన్నింగ్స్గా మార్చడంలో విఫలమయ్యాడు.
రాజస్థాన్ తో జరిగిన తొలి మ్యాచ్ లో వెంకటేష్ 34 పరుగుల ఇన్నింగ్స్ తో మంచి ఆరంభం ఇచ్చాడు. కానీ దాన్ని భారీ ఇన్నింగ్స్ గా మలచడంలో విఫలమయ్యాడు. అదేవిధంగా తమిళనాడు తో జరిగిన మ్యాచ్ లో కూడా వెంకటేష్ 32 పరుగులు చేసి పెవిలియన్ చేరాడు.
నిజానికి, రాబోయే ఐపీఎల్లో వెంకటేష్ అయ్యర్ రాయల్ ఛాలెంజర్స్ బెంగళూరు తరఫున ఆడనున్నాడు. ఐపీఎల్ 2026 మినీ వేలంలో వెంకటేష్ అయ్యర్ను ఆర్సిబి 7 కోట్లకు కొనుగోలు చేసింది.
గత మెగా వేలంలో, KKR వెంకటేష్ అయ్యర్ను రూ. 23.75 కోట్లకు కొనుగోలు చేసింది. కానీ వెంకటేష్ ప్రదర్శన ఆశించిన స్థాయిలో లేదు. అందుకే, KKR అతన్ని తొలగించింది. ఇప్పుడు RCB అతన్ని రూ. 7 కోట్లకు కొనుగోలు చేసింది. అలాగే, వెంకటేష్ మిడిల్ ఆర్డర్లో ఆడే అవకాశం పొందుతాడు.
కానీ ప్రస్తుతం పేలవమైన ఫామ్తో బాధపడుతున్న వెంకటేష్ ఆర్సిబికి పెద్ద తలనొప్పిగా మారతాడని అభిమానులు ఆందోళన చెందుతున్నారు. అయితే, వెంకటేష్ స్థానంలో జట్టులో ఇతర ఎంపికలు ఉన్నాయి. వెంకటేష్ బాగా రాణించకపోతే, అతని స్థానంలో మరొకరికి అవకాశం లభిస్తుంది.
మరిన్ని క్రీడా వార్తల కోసం ఇక్కడ క్లిక్ చేయండి..