Video: చిన్న తప్పిదంతో భారీ మూల్యం.. కట్‌చేస్తే.. మెట్లపై కూర్చుని బోరున ఏడ్చేసిన హైదరాబాద్ ప్లేయర్..
Rahul Tripathi Viral Video: IPL మొదటి క్వాలిఫయర్‌లో SRHపై గెలిచిన KKR ఫైనల్లోకి ప్రవేశించింది. ఓడిన సన్ రైజర్స్ హైదరాబాద్ 2వ క్వాలిఫయర్ ఆడనుంది. అంటే రాజస్థాన్ రాయల్స్, రాయల్ ఛాలెంజర్స్ బెంగళూరు మధ్య జరిగే ఎలిమినేటర్ మ్యాచ్ విజేతతో SRH తలపడనుంది.
IPL 2024 KKR vs SRH: ఇండియన్ ప్రీమియర్ లీగ్ (IPL 2024) సీజన్ 17 తొలి క్వాలిఫయర్ మ్యాచ్‌లో కోల్‌కతా నైట్ రైడర్స్ అలవోకగా గెలిచింది. అహ్మదాబాద్‌లోని నరేంద్ర మోదీ స్టేడియంలో జరిగిన ఈ మ్యాచ్‌లో కేకేఆర్ 8 వికెట్ల తేడాతో సన్రైజర్స్ హైదరాబాద్‌పై విజయం సాధించి ఫైనల్‌కు చేరుకుంది. ఈ మ్యాచ్‌లో SRH కెప్టెన్ పాట్ కమిన్స్ టాస్ గెలిచి బ్యాటింగ్ ఎంచుకున్నాడు. అందుకు తగ్గట్టుగానే అద్భుత బ్యాటింగ్‌ను ఆశిస్తున్న సన్రైజర్స్ హైదరాబాద్ జట్టుకు మిచెల్‌ స్టార్క్ తొలి షాక్ ఇచ్చాడు.
తొలి ఓవర్ 2వ బంతికే ప్రమాదకరమైన ట్రావిస్ హెడ్ (0)ని స్టార్క్ బౌల్డ్ చేశాడు. అభిషేక్ శర్మ (3) వైభవ్ అరోరా వికెట్ తీశాడు. ఈ దశలో బరిలోకి దిగిన రాహుల్ త్రిపాఠి మంచి బ్యాటింగ్ కనబరిచాడు.
ఓ వైపు వికెట్లు కోల్పోతుండగా, మరోవైపు రాహుల్ త్రిపాఠి 35 బంతుల్లో 1 భారీ సిక్స్, 7 ఫోర్లతో 55 పరుగులు చేశాడు.
ఈ దశలో అబ్దుల్ సమద్ ఇచ్చిన రన్ కాల్ కారణంగా రాహుల్ త్రిపాఠి రనౌట్ కావాల్సి వచ్చింది. ఒక ముఖ్యమైన మ్యాచ్‌లో రనౌట్ కావడంతో పెవిలియన్‌కు వెళ్లిన తర్వాత త్రిపాఠి డ్రెస్సింగ్ రూమ్ మెట్లపై ఏడుస్తూ కనిపించాడు.
Yes…No…and eventually run-out at the strikers end!
Momentum back with @KKRiders 😎#SRH 123/7 after 14 overs
Watch the match LIVE on @JioCinema and @StarSportsIndia 💻📱#TATAIPL | #KKRvSRH | #Qualifier1 | #TheFinalCall pic.twitter.com/I6SJLghAqc
— IndianPremierLeague (@IPL) May 21, 2024
అంటే ఇక్కడ బాగా బ్యాటింగ్ చేస్తున్న రాహుల్ త్రిపాఠి వికెట్ కేకేఆర్‌కు కీలకం. ఈ క్రమంలో తన బాధ్యతను పూర్తిగా నిర్వర్తించడంలో విఫలమవడంతో రాహుల్ త్రిపాఠి కూడా భావోద్వేగానికి గురయ్యారు. SRH బ్యాట్స్‌మెన్ బయటకు వెళ్లి కన్నీళ్లు పెట్టుకున్న ఫొటోలు ఇప్పుడు సోషల్ మీడియాలో వైరల్‌గా మారాయి.
ఈ మ్యాచ్‌లో సన్రైజర్స్ హైదరాబాద్ 19.3 ఓవర్లలో 159 పరుగులకు ఆలౌటైంది. 160 పరుగుల సులువైన లక్ష్యంతో బరిలోకి దిగిన కోల్‌కతా నైట్ రైడర్స్ జట్టుకు రహ్మానుల్లా గుర్బాజ్, సునీల్ నరైన్ శుభారంభం అందించారు.
ఆ తర్వాత బరిలోకి దిగిన వెంటకేష్ అయ్యర్ (51), శ్రేయాస్ అయ్యర్ (58) అజేయ అర్ధశతకాలు బాది 13.4 ఓవర్లలో లక్ష్యాన్ని చేధించారు. దీంతో కేకేఆర్ జట్టు 8 వికెట్ల తేడాతో విజయం సాధించి ఫైనల్లోకి ప్రవేశించింది.
KKRపై ఓడిన సన్రైజర్స్ హైదరాబాద్, రాజస్థాన్ రాయల్స్ వర్సెస్ రాయల్ ఛాలెంజర్స్ బెంగళూరు మధ్య ఎలిమినేటర్ మ్యాచ్ విజేతతో 2వ క్వాలిఫయర్ ఆడుతుంది. ఈ మ్యాచ్‌లో గెలిచిన జట్టు కేకేఆర్‌తో ఫైనల్ ఆడుతుంది.
మరిన్ని క్రీడా వార్తల కోసం ఇక్కడ క్లిక్ చేయండి..
