IPL 2023: కేకేఆర్ వద్దంది.. గుజరాత్ ముద్దంది.. కట్‌చేస్తే.. ఫ్యూచర్ కెప్టెన్గా ప్రమోషన్?
గత సీజన్‌లో అరంగేట్రం చేసిన ఐపీఎల్ టైటిల్‌ను గుజరాత్ టైటాన్స్ గెలుచుకుంది. ఇందులో యువ ఓపెనర్ శుభ్‌మాన్ గిల్ పెద్ద పాత్ర పోషించాడు. జట్టు కోసం 483 పరుగులు చేశాడు.
భారత క్రికెట్ జట్టు అంతర్జాతీయ సీజన్ ప్రస్తుతం ముగిసింది. ఇప్పుడు అందరి చూపు మార్చి 31 నుంచి ప్రారంభం కానున్న ఇండియన్ ప్రీమియర్ లీగ్‌పై పడింది. లీగ్ 16వ సీజన్‌లో గత సీజన్ విజేత గుజరాత్ టైటాన్స్ వైపే అంతా ఆసక్తిగా చూస్తున్నారు. అందులోనూ విపరీతమైన ఫామ్‌లో ఉన్న శుభ్‌మన్ గిల్‌పై ప్రత్యేక శ్రద్ధ ఉంటుందనడంలో ఎలాంటి సందేహం లేదు.
కాగా, అభిమానుల చూపు గిల్‌పైనే కాదు.. గుజరాత్ టైటాన్స్ మేనేజ్‌మెంట్‌పై కూడా పూర్తి దృష్టి సారించారు. గిల్ గుజరాత్ జట్టుకు స్టార్ బ్యాట్స్‌మెన్, క్రికెట్ డైరెక్టర్ విక్రమ్ సోలంకి ప్రకారం గిల్ కాబోయే కెప్టెన్ అంటూ చెప్పుకొచ్చాడు.
IPL 2023 సీజన్ ప్రారంభానికి ముందు, మార్చి 23, గురువారం నాడు సోలంకి శుభ్‌మాన్ గిల్‌ను ప్రశంసించాడు. శుభ్‌మన్ గిల్‌ను బాధ్యతాయుతమైన ఆటగాడిగా అభివర్ణిస్తూ, అతన్ని తనలో తాను లీడర్‌గా పేర్కొన్నాడు.
సోలంకి గుజరాత్ టైటాన్స్ భవిష్యత్తు కెప్టెన్గా శుభ్‌మన్ గిల్‌ను కూడా పేర్కొన్నాడు. అతని కమాండ్ ప్రస్తుతం హార్దిక్ పాండ్యా చేతిలో ఉంది. కాగా, అవసరమైతే జట్టుకు సారథిగా పనిచేస్తాడు. అయితే ఈ అంశంపై ఇంకా ఎలాంటి నిర్ణయం తీసుకోలేదని సోలంకీ స్పష్టం చేశారు.
ఐపీఎల్ నుంచి అంతర్జాతీయ క్రికెట్ వరకు గిల్‌కి గత ఏడాది చాలా అద్భుతంగా సత్తా చాటుతున్నాడు. 2021 సీజన్ తర్వాత అతన్ని కోల్‌కతా నైట్ రైడర్స్ విడుదల చేసింది. ఆ తర్వాత గుజరాత్ అతన్ని కొనుగోలు చేసింది. మళ్లీ ఓపెనింగ్ చేసిన గిల్ ఈ సీజన్‌లో 16 ఇన్నింగ్స్‌ల్లో 483 పరుగులు చేశాడు. ఫైనల్లో గిల్ అజేయ ఇన్నింగ్స్ ఆడి టైటిల్ గెలుచుకున్నాడు.
అదే సమయంలో గిల్ అంతర్జాతీయ క్రికెట్‌లో సత్తా చాటుతూనే ఉన్నాడు. గతేడాది ఆగస్టులో జింబాబ్వే పర్యటనలో గిల్ తొలి అంతర్జాతీయ సెంచరీ సాధించాడు. అప్పటి నుంచి అతను మూడు ఫార్మాట్లలో సెంచరీలు సాధించాడు. అలాగే వన్డేల్లో డబుల్ సెంచరీ చేసిన అతి పిన్న వయస్కుదిగా నిలిచాడు.
మరిన్ని క్రికెట్ వార్తల కోసం ఇక్కడ క్లిక్ చేయండి..
