IPL 2023: రూ.20లక్షల నుంచి రూ.3.80 కోట్లు పెరిగిన విలువ.. కట్‌చేస్తే.. 5 ఏళ్లుగా పేలవ ఫాంతోనే పోరాటం.. నెటిజన్ల ఫైర్..

Riyan Parag

Riyan Parag IPL 2023: రాజస్థాన్ రాయల్స్ ఆల్ రౌండర్ రియాన్ పరాగ్ IPLలో 50 మ్యాచ్‌లు ఆడాడు. కానీ, అతని బ్యాటింగ్ సగటు 20కి కూడా చేరుకోలేదు. రాజస్థాన్ రాయల్స్, ఢిల్లీ క్యాపిటల్స్ మధ్య జరిగిన మ్యాచ్‌లో రియాన్ తన IPL కెరీర్‌లో 50వ మ్యాచ్ ఆడాడు. ఈ మ్యాచ్‌లో, అతను నాలుగో నంబర్‌లో బ్యాటింగ్‌కు వచ్చాడు. అయితే ఈ మ్యాచ్‌లో కూడా పరాగ్ 11 బంతుల్లో 7 పరుగులు మాత్రమే చేశాడు.

రియాన్ ప్రయాగ్‌కు రాజస్థాన్ రాయల్స్ పూర్తి మద్దతు ఇచ్చింది. ఈ ఆటగాడు IPL 2019 సమయంలో రాజస్థాన్ రాయల్స్ జట్టులో రూ. 20 లక్షల బేస్ ధరతో చేరాడు. ఆ తర్వాత, IPL 2022 మెగా వేలంలో, ఈ ఆటగాడిని రాజస్థాన్ రాయల్స్ రూ.3.80 కోట్లకు కొనుగోలు చేసింది. IPL 2023లో మరోసారి దక్కించుకుంది. రాజస్థాన్ రాయల్స్ జట్టు మొదటి నుంచి రియాన్ పరాగ్‌పై పూర్తి విశ్వాసం వ్యక్తం చేసిందని ఈ ప్రయాణంలో స్పష్టమైంది. అతను ప్రతి సీజన్‌లో దాదాపు ప్రతి మ్యాచ్‌లో ఆడే అవకాశం కూడా పొందుతున్నాడు. కానీ, ఇప్పటికీ అతను ఐపీఎల్‌లో ఎటువంటి ప్రత్యేక ఫీట్‌ను చూపించలేకపోయాడు.

కొనసాగుతోన్న పేలవమైన ఫామ్..

రాజస్థాన్ రాయల్స్ అభిమానులు ప్రతి కొత్త మ్యాచ్‌లో అతని నుంచి ఎక్కువగా ఆశిస్తున్నారు. కానీ, ప్రతిసారీ రియాన్ పరాగ్ నిరాశపరుస్తూనే ఉన్నాడు. దీంతో సోషల్ మీడియాలో ఆయన్ను ట్రోల్ చేయడం మొదలుపెట్టారు. రియాన్ ప్రయాగ్ ఇప్పటి వరకు ఐపీఎల్‌లో 50 మ్యాచ్‌ల్లో మొత్తం 40 ఇన్నింగ్స్‌లు ఆడాడు. ఈ ఇన్నింగ్స్‌లలో అతను 16.35 సగటు, 124.38 స్ట్రైక్ రేట్‌తో 556 పరుగులు మాత్రమే చేశాడు.

ఈసారి ఐపీఎల్ ఐదో సీజన్ ఆడుతున్నాడు. కానీ, ఇప్పటి వరకు కేవలం 2 సార్లు మాత్రమే హాఫ్ సెంచరీ ఇన్నింగ్స్ ఆడాడు. ఈ సమయంలో, అతని అత్యుత్తమ స్కోరు 56 పరుగులు మాత్రమే. రియాన్ పరాగ్ పార్ట్ టైమ్ బౌలింగ్ కూడా చేస్తుంటాడు. అతను కుడి చేతితో లెగ్‌బ్రేక్ బౌలింగ్ చేయడంలో ప్రసిద్ధి చెందాడు. 50 ఐపీఎల్ మ్యాచ్‌ల్లో 19 మ్యాచ్‌ల్లో బౌలింగ్ చేసి 4 వికెట్లు మాత్రమే తీశాడు. ఈ లెక్కలు చూస్తుంటే రియాన్ ప్రయాగ్‌లో ప్రతిభకు కొదవ లేదని, ఐపీఎల్ ఐదు సీజన్లలో అతని ప్రతిభ కనపడలేదని స్పష్టమవుతోంది.

మరిన్ని క్రికెట్ వార్తల కోసం ఇక్కడ క్లిక్ చేయండి..