Team India: టీమిండియాలో చోటు కోసం తీవ్రమైన పోటీ.. లిస్టులో ఐదుగురు.. రూ. 8.50 కోట్ల ప్లేయర్‌కు ఈసారైన ఛాన్స్ దక్కేనా?

Team India Schedule

ఐపీఎల్ 2022 (IPL 2022) సీజన్ ముగింపు దశకు చేరుకుంది. ప్రతి సీజన్‌లాగే, ఈ సీజన్‌లో వారి ఆటతో బాగా ఆకట్టుకున్న కొత్త ఆటగాళ్ల గురించి మళ్లీ చర్చ ప్రారంభమైంది. వారిని టీమ్ ఇండియా(Team India)లో చేర్చమని డిమాండ్స్ వస్తున్నాయి. ఈ సీజన్‌లో తిలక్ వర్మ, ఉమ్రాన్ మాలిక్, అర్ష్‌దీప్ సింగ్, దీపక్ హుడా వంటి ఆటగాళ్ల చుట్టూ తిరుగుతోంది. అయితే గత రెండు-మూడు సీజన్‌లుగా నిలకడగా రాణిస్తున్న ఒక ఆటగాడు కూడా ఇందులో ఉన్నాడు. ఎందుకంటే, ఈ బ్యాట్స్‌మెన్ తన జట్టులో అత్యధిక పరుగులు చేసిన బ్యాట్స్‌మన్‌గా నిలిచాడు. అతనెవరో కాదు.. సన్‌రైజర్స్ హైదరాబాద్ ప్లేయర్ రాహుల్ త్రిపాఠి(Rahul Tripathi). అనేక పేర్ల చర్చల మధ్య తనకు కూడా టీమిండియాలో అవకాశం ఇవ్వాలని మంగళవారం మరోసారి చూపించాడు.

Also Read: IPL 2022: బుమ్రా ఖాతాలో స్పెషల్ రికార్డ్.. ఆ లిస్టులో చేరిన తొలి పేస్ బౌలర్‌..

సన్‌రైజర్స్ హైదరాబాద్ ఈ సీజన్‌లో ఇప్పటివరకు 13 మ్యాచ్‌లలో 6 విజయాలు నమోదు చేసింది. ఈ మ్యాచ్‌లలో చాలా వరకు, మూడో స్థానంలో బ్యాటింగ్ చేస్తున్న రాహుల్ త్రిపాఠి.. కీలక సహకారాన్ని అందించాడు. మహారాష్ట్ర క్రికెట్ జట్టుకు చెందిన ఈ బ్యాట్స్‌మెన్ గత కొన్ని సీజన్‌ల నుంచి నిలకడ ప్రదర్శన చేస్తున్నాడు. ఈ సీజన్‌లోనూ అతే ఊపును కొనసాగించి హైదరాబాద్ తన కోసం వెచ్చించిన రూ.8.50 కోట్లకు తగిన న్యాయం చేస్తున్నాడు. దీనితో పాటు, అతను మరోసారి భారత జట్టు సెలెక్టర్ల ముందు మరొక ఆడిషన్ ఇచ్చాడు. తద్వారా బ్లూ జెర్సీలో తన ప్రదర్శనను చూపించే అవకాశం అతనికి లభిస్తుందని భావిస్తున్నారు.

రాహుల్ త్రిపాఠి అద్బుత ప్రదర్శన..

ప్రతి ఐపీఎల్ సీజన్ లాగే ఈసారి కూడా కొంతమంది కొత్త ఆటగాళ్లు రాణించడంతో వచ్చే నెలలో దక్షిణాఫ్రికాతో జరిగే టీ20 సిరీస్‌లో వారికి టీమిండియాలో అవకాశం దక్కే అవకాశం ఉంది. అదే సమయంలో, రాహుల్ త్రిపాఠి వంటి బ్యాట్స్‌మెన్ కూడా ఉన్నాడు, అతను గత కొన్ని సీజన్‌లుగా నిరంతరం తన పనిని చేస్తున్నాడు. ఈ సమయంలో, అతను జస్ప్రీత్ బుమ్రా ఓవర్‌లో వరుసగా 3 బౌండరీలు కూడా సాధించాడు.

ఈ ఇన్నింగ్స్‌లోనే కాదు, ఈ సీజన్‌లోనూ తిప్రాఠి ప్రదర్శన బలంగా ఉంది. ఈ సీజన్‌లో, త్రిపాఠి ఇప్పటివరకు 13 ఇన్నింగ్స్‌లలో 393 పరుగులు చేశాడు. ఇందులో అతని పేరు మీద 3 అర్ధ సెంచరీలు ఉన్నాయి. అతని స్ట్రైక్ రేట్ 161.72 కాగా, సగటు 39గా నిలిచింది. అతను 19 సిక్స్‌లు, 39 ఫోర్లు కూడా బాదేశాడు.

భారత జట్టులో చోటు దక్కించుకోగలడా?

ఈ సీజన్‌లో విరాట్ కోహ్లీ, రోహిత్ శర్మ, ఇషాన్ కిషన్, సూర్యకుమార్ యాదవ్, శిఖర్ ధావన్, కేఎల్ రాహుల్ వంటి కీలక భారత బ్యాట్స్‌మెన్స్ కంటే ఈ ప్రదర్శన చాలా అద్భుతంగా ఉంది. అలాగే దీపక్ హుడా, యశస్వి జైస్వాల్, శుభమాన్ గిల్ వంటి యంగ్ స్టార్స్ కంటే ప్రస్తుతం చర్చలో ఉన్న వీరి కంటే తిలక్ వర్మ కచ్చితంగా ముందున్నాడు. ఈ ప్రదర్శన చేసిన తర్వాత టీమ్ ఇండియాలో అవకాశం ఇస్తారా.. లేదా అనే ప్రశ్న తలెత్తుతుంది. ప్రస్తుతం ఈ ప్రశ్నకు సమాధానం ఎలా ఉంటుందో చూడాల్సి ఉంది.

మరిన్ని ఐపీఎల్ అప్‌డేట్స్ కోసం ఇక్కడ క్లిక్ చేయండి..

Also Read: IPL 2022: ఐపీఎల్‌ 2022 నుంచి నిష్క్రమించిన కేన్ విలియమ్సన్.. కారణం ఏంటో తెలుసా..?

IPL 2022: హైదరాబాద్‌ ప్లేఆఫ్ ఆశలు సజీవం.. కానీ ఆ జట్లు ఓడితేనే సన్‌రైజర్స్‌కు అవకాశం..