Watch Video: నా బౌలింగ్‌నే సిక్సులు కొడతావా.. రియాన్ పరాగ్‌తో దుర్భాషలాడిన హర్షల్ పటేల్.. వైరల్ వీడియో..

Riyan Parag vs Harshal Patel Fight: రాజస్థాన్ రాయల్స్ యువ ఆల్ రౌండర్ రియాన్ పరాగ్ అద్భుతంగా ఆడి హాఫ్ సెంచరీతో ఆకట్టుకున్నాడు.ఈ సమయంలో హర్షల్ పటేల్ ఓవర్లో రెండు సిక్సర్లు బాదడంతో..

Watch Video: నా బౌలింగ్‌నే సిక్సులు కొడతావా.. రియాన్ పరాగ్‌తో దుర్భాషలాడిన హర్షల్ పటేల్.. వైరల్ వీడియో..
Riyan Parag Vs Harshal Patel Fight Video Viral
Venkata Chari

|

Apr 27, 2022 | 7:35 AM

IPL 2022: యువ ఆల్‌రౌండర్ రియాన్ పరాగ్ (56 నాటౌట్) ఆడిన అద్భుత ఇన్నింగ్స్ ఆధారంగా మహారాష్ట్ర క్రికెట్ అసోసియేషన్ స్టేడియంలో మంగళవారం జరిగిన ఐపీఎల్ 2022 39వ మ్యాచ్‌లో రాజస్థాన్ రాయల్స్ (RR) రాయల్ ఛాలెంజర్స్ బెంగళూరు (RCB)ని ఓడించింది. తొలుత బ్యాటింగ్ చేసిన రాజస్థాన్ 20 ఓవర్లలో 8 వికెట్ల నష్టానికి 144 పరుగులు చేసింది. రియాన్ పరాగ్ చివరి ఓవర్‌లో హర్షల్ పటేల్‌ బౌలింగ్‌లో ఒక ఫోర్, రెండు సిక్సర్లతో సహా 18 పరుగులు బాదేశాడు. ఇన్నింగ్స్ ఆఖరి బంతికి డీప్ మిడ్ వికెట్ మీదుగా భారీ సిక్సర్ కొట్టిన రియాన్ పరాగ్.. పెవిలియన్‌కు తిరిగి వస్తున్న సమయంలో బౌలర్ హర్షల్ పటేల్ అతని దగ్గర ఏదో మాట్లాడాడు. అనంతరం ఇద్దరి మధ్య వాగ్వాదం చోటుచేసుకుంది. అయితే, తోటి ఆటగాళ్లు జోక్యం చేసుకోవడంతో గొడవ పెద్దదిగా మారలేదు. ఈ హాట్ టాక్‌కు సంబంధించిన వీడియో, ఫోటోలు సోషల్ మీడియాలో వైరల్ అవుతున్నాయి.

ఈ మ్యాచ్‌లో బెంగళూరు తరపున మహ్మద్ సిరాజ్, జోష్ హేజిల్‌వుడ్, వనిందు హసరంగా రెండేసి వికెట్లు తీశారు. అదే సమయంలో హర్షల్ పటేల్ ఒక వికెట్ తీశాడు. అంతకుముందు టాస్ ఓడి తొలుత బ్యాటింగ్ చేసిన రాజస్థాన్ పవర్‌ప్లేలో మూడు వికెట్ల నష్టానికి 43 పరుగులు చేసింది. కాగా, దేవదత్ పడిక్కల్ (7), రవిచంద్రన్ అశ్విన్ (17), జోస్ బట్లర్ (8) వెంటనే పెవిలియన్ బాట పట్టారు. ఇంతలో, కెప్టెన్ సంజు శాంసన్ కొన్ని భారీ షాట్లు కొట్టాడు. మరో ఎండ్‌లో డారిల్ మిచెల్ కెప్టెన్‌కు మద్దతుగా నిలిచాడు. అయితే, 9.3 ఓవర్లలో హస్రంగ వేసిన బంతికి వేగంగా పరుగులు చేసే క్రమంలో కెప్టెన్ శాంసన్ (27) బౌల్డ్ అయ్యాడు. దీంతో రాజస్థాన్‌కు 68 పరుగుల వద్ద నాలుగో దెబ్బ తగిలింది.

దీని తర్వాత ఆరో నంబర్‌లో వచ్చిన రియాన్ పరాగ్, మిచెల్‌తో కలిసి ఇన్నింగ్స్‌ను ముందుకు తీసుకెళ్లాడు. 15వ ఓవర్లో మిచెల్ (16)ను హాజిల్ వుడ్, 16వ ఓవర్లో షిమ్రాన్ హెట్మెయర్ (3)ని పెవిలియన్ చేరారు. దీంతో రాజస్థాన్ జట్టు 103 పరుగులకే ఆరు వికెట్లు కోల్పోయింది. 18వ ఓవర్లో ట్రెంట్ బౌల్ట్ (5)కు క్యాచ్ ఇచ్చి ఔటయ్యాడు. ఆ తర్వాత ప్రసిద్ధ్ కృష్ణ (2) రనౌట్ అయ్యాడు. అయితే, పరాగ్ మరో ఎండ్‌లో జట్టుకు కీలకమైన పరుగులు చేస్తూనే ఉన్నాడు.

ఇదిలా ఉండగా, 20వ ఓవర్‌లో పరాగ్ 29 బంతుల్లో పటేల్ బౌలింగ్‌లో ఒక ఫోర్, ఒక సిక్సర్‌తో తన యాభైని పూర్తి చేయడంతో పాటు ఆ ఓవర్‌లో 18 పరుగులు చేయడంతో రాజస్థాన్ 20 ఓవర్లలో 8 వికెట్ల నష్టానికి 144 పరుగులు చేసింది. పరాగ్ 31 బంతుల్లో మూడు ఫోర్లు, నాలుగు సిక్సర్ల సాయంతో 56 పరుగులతో నాటౌట్‌గా నిలిచాడు.

Also Read: RR vs RCB IPL 2022 Match Result: కుల్దీప్, అశ్విన్‌ల దెబ్బకు ఆర్‌సీబీ ఢమాల్.. ఆరో విజయంతో అగ్రస్థానం చేసిన రాజస్థాన్..

RCB vs RR Highlights: బెంగళూరుపై రాజస్థాన్ గెలుపు.. రాణించిన అశ్విన్‌, కుల్దీప్‌సేన్

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu