IND vs SL 2nd ODI: రెండో వన్డేలో కీలక మార్పు.. భారత జట్టు నుంచి ఆ ప్లేయర్ ఔట్.. ఎంట్రీ ఇచ్చేది ఎవరంటే?

Ind Vs Sl 2nd Odi

India vs Sri Lanka: భారత్-శ్రీలంక మధ్య జరిగిన తొలి వన్డే మ్యాచ్ ఉత్కంఠగా సాగింది. శ్రీలంక భారత్‌కు 231 పరుగుల లక్ష్యాన్ని అందించింది. అయితే టీమిండియా బ్యాట్స్‌మెన్స్ పేలవమైన బ్యాటింగ్ కారణంగా మ్యాచ్ టై అయింది. శ్రీలంక కెప్టెన్ చరిత్ అసలంక వరుస బంతుల్లో చివరి రెండు వికెట్లు పడగొట్టి 13 బంతుల్లో 230 పరుగులకే టీమ్ ఇండియాను కట్టడి చేశాడు. ఈ మ్యాచ్ తర్వాత భారత జట్టుపై అనేక ప్రశ్నలు తలెత్తుతున్నాయి.

ఈ మ్యాచ్‌లో టీమిండియా అవకాశాలను చేజార్చుకున్న తీరు చూస్తుంటే రెండో మ్యాచ్‌లో కొంత మంది ఆటగాళ్లు తప్పుకోవడం ఖాయమని తెలుస్తోంది. అదే సమయంలో, రెండవ వన్డే మ్యాచ్‌కు భారత జట్టులోకి ఒక ప్రత్యేక ఆటగాడు ప్రవేశించవచ్చని సోషల్ మీడియాలో వార్తలు వినిపిస్తున్నాయి.

శ్రీలంకతో జరిగే రెండో వన్డేలో భారత జట్టులో రియాన్ పరాగ్‌కు అవకాశం కల్పించవచ్చు. వాషింగ్టన్ సుందర్‌ను తొలగించడం ద్వారా రియాన్ పరాగ్‌కు ప్లేయింగ్ ఎలెవన్‌లో చోటు కల్పించవచ్చు. శ్రీలంకతో జరిగిన తొలి వన్డేలో వాషింగ్టన్ సుందర్ అంతగా ఆకట్టుకోలేకపోయాడు. బౌలింగ్‌లో అతను కేవలం 1 వికెట్ మాత్రమే తీయగలిగాడు. 9 ఓవర్లలో 1 మెయిడిన్ ఓవర్ వేసి 46 పరుగులిచ్చి 1 వికెట్ తీశాడు. ఆ తర్వాత బ్యాటింగ్‌లో కూడా 5 పరుగులు మాత్రమే చేయగలిగాడు. అతను అవసరమైన సమయంలో జట్టుకు సహకరించలేకపోయాడు. ఈ కారణంగా అతను బెంచ్‌కే పరిమితం కావొచ్చు.

ప్లేయింగ్ ఎలెవన్‌లో రియాన్ పరాగ్ చోటు..

రెండో వన్డేలో వాషింగ్టన్ సుందర్ స్థానంలో రియాన్ పరాగ్ ఆడొచ్చు. రియాన్ పరాగ్ బ్యాటింగ్, బౌలింగ్ రెండింటిలోనూ సమర్థుడు కావడమే దీనికి కారణం. శ్రీలంకతో జరిగిన మూడో టీ20 మ్యాచ్‌లో అతను అద్భుతమైన స్పిన్ బౌలింగ్‌తో ఆకట్టుకున్నాడు. బౌలింగ్‌లో కూడా అతనికి చాలా సత్తా ఉందని ఇది తెలియజేస్తుంది. అంతే కాకుండా వేగంగా బ్యాటింగ్ చేయడంలో కూడా నిష్ణాతుడు. ఈ కారణంగా రియాన్ పరాగ్ సరైన ఎంపికని తెలుస్తోంది.

తొలి వన్డే మ్యాచ్‌ టై అయిన తీరు టీమ్‌ఇండియాను బాగా దెబ్బతీస్తోంది. ఈ మ్యాచ్‌లో భారత్ సులువుగా విజయం సాధించగలిగినా చివరి క్షణాల్లో అవకాశాన్ని చేజార్చుకుంది.

మరిన్ని క్రీడా వార్తల కోసం ఇక్కడ క్లిక్ చేయండి..