స్టైల్ మారింది నా నడక మారింది.. ఆసియా కప్‌కు ముందు పాండ్యా న్యూ లుక్

వైట్-బాల్ సిరీస్ కోసం భారత జట్టు ఆస్ట్రేలియా పర్యటన అక్టోబర్ 19న ప్రారంభమై నవంబర్ 8న ముగుస్తుంది. బీసీసీఐ వర్గాల సమాచారం ప్రకారం, పాండ్యా ప్రస్తుత గాయం కోలుకోవడానికి నాలుగు వారాల సమయం పట్టవచ్చు.

Hardik Pandya’s Gets a New Look: ఆసియా కప్ 2025 ప్రారంభానికి మరికొద్ది రోజులే మిగిలి ఉండగా, టీమిండియా స్టార్ ఆల్ రౌండర్ హార్దిక్ పాండ్యా సరికొత్త లుక్‌తో అభిమానులను ఆకట్టుకున్నాడు. తన అభిమానులను ఆశ్చర్యపరిచేలా, హార్దిక్ తన హెయిర్ స్టైల్‌ను పూర్తిగా మార్చుకున్నాడు. ఈ కొత్త లుక్ ఇప్పుడు సోషల్ మీడియాలో వైరల్ అవుతోంది.

ఆసియా కప్‌లో భారత జట్టు తమ ప్రయాణాన్ని ప్రారంభించడానికి సిద్ధమవుతున్న వేళ, హార్దిక్ పాండ్యా తన ఇన్‌స్టాగ్రామ్‌లో తన కొత్త హెయిర్ స్టైల్ ఫోటోలను షేర్ చేశారు. ఈ ఫొటోలలో హార్దిక్ పొట్టి జుట్టుతో, దానికి సాండీ బ్లోండ్ కలర్ వేసుకుని కనిపించాడు. ఈ ఫొటోలకు “న్యూ మీ!” (New Me!) అనే క్యాప్షన్ ఇచ్చాడు.

ఈ కొత్త లుక్ హార్దిక్ అభిమానుల నుంచి విపరీతమైన స్పందనను పొందింది. చాలా మంది అతని స్టైల్‌ను మెచ్చుకుంటూ కామెంట్లు పెడుతున్నారు. కొంతమంది అభిమానులు అతని కొత్త హెయిర్ స్టైల్‌ను ఇంగ్లాండ్ స్టార్ క్రికెటర్ బెన్ స్టోక్స్, వెస్టిండీస్ ఆటగాడు నికోలస్ పూరన్‌తో పోల్చుతున్నారు. ఈ లుక్ హార్దిక్ స్టైలిష్ పర్సనాలిటీకి మరో ఉదాహరణగా నిలిచిందని అంటున్నారు.

ఆసియా కప్ 2025లో టీమ్ ఇండియాకు హార్దిక్ పాండ్యా ఒక కీలకమైన ఆటగాడు కానున్నాడు. బ్యాటింగ్, బౌలింగ్, ఫీల్డింగ్‌లో అతని అనుభవం జట్టుకు చాలా అవసరం. ముఖ్యంగా రోహిత్ శర్మ, విరాట్ కోహ్లీ వంటి సీనియర్ ఆటగాళ్లు లేని ఈ టోర్నమెంట్‌లో, హార్దిక్ సీనియర్ ప్లేయర్‌గా కీలక పాత్ర పోషించాల్సి ఉంది.

గతంలో ఐపీఎల్‌లో ముంబై ఇండియన్స్‌కు నాయకత్వం వహించిన హార్దిక్, ఈసారి ఆసియా కప్‌లో తన కొత్త లుక్‌తో పాటు, మైదానంలో తన ఆటతీరుతో కూడా అదరగొడతాడని అభిమానులు ఆశిస్తున్నారు.