ఇండియా vs పాక్ మ్యాచ్తో హీరోగా.. కట్చేస్తే.. ఆయన కోసం ప్రాణాలు సైతం లెక్కచేయని తెలుగబ్బాయ్
భారత యువ క్రికెటర్ తిలక్ వర్మ ప్రస్తుతం దేశవ్యాప్తంగా చర్చనీయాంశంగా మారారు. పాకిస్తాన్పై ఇండియా సాధించిన విజయంలో తిలక్ వర్మ కీలక పాత్ర పోషించిన సంగతి తెలిసిందే. ఈ క్రమంలో తిలక్ వర్మ కెరీర్, వ్యక్తిత్వం, భవిష్యత్తు లక్ష్యాలపై సమగ్ర విశ్లేషణ సీనియర్ స్పోర్ట్స్ ఎనలిస్ట్ చంద్రశేఖర్ తెలిపాడు. ఆ వివరాలేంటో ఓసారి చూద్దాం..
Updated on: Jan 06, 2026 | 11:54 AM
Tilak Varma: టీమిండియా యువ సంచలనం తిలక్ వర్మ గురించి ప్రత్యేకంగా చెప్పాల్సిన పనిలేదు. వచ్చిన అవకాశాలను తనకు అనుకూలంగా మార్చుకుంటూ, మంచి ఇన్నింగ్స్ లతో దూసుకెళ్తున్నాడు. ఇటీవల పాకిస్తాన్తో జరిగిన ఓ మ్యాచ్లో తిలక్ వర్మ అద్భుత ప్రదర్శనతో భారత్ ఘన విజయం సాధించింది. దేశమంతా ఆ సమయంలో ఈ తెలుగబ్బాయ్ గురించే మాట్లాడుకుంది. ఈ క్రమంలో సీనియర్ విశ్లేషకుడు చంద్రశేఖర్ షాకింగ్ విషయాలు తెలిపాడు. తిలక్ వర్మతో 13 ఏళ్ల వయస్సు నుంచే వ్యక్తిగత పరిచయం కలిగి ఉన్నానని, అతనికి అంపైరింగ్ చేశానని తెలిపారు.
తిలక్ వర్మ అణకువ, గురువు పట్ల గౌరవానికి ఒక ఉదాహరణగా, కోవిడ్ సమయంలో తన కోచ్ ఎ. సలాం బైష్ ప్రాణాంతక స్థితిలో ఉన్నప్పుడు, ప్రాణాలకు తెగించి 24 గంటలు ఆసుపత్రిలో ఉండి సేవ చేశాడని చంద్రశేఖర్ వివరించారు. అప్పటికే తిలక్ అండర్-19 వరల్డ్ కప్ ఆడి క్రికెట్ ప్రపంచంలో గుర్తింపు తెచ్చుకున్నప్పటికీ, ఈ ఘటన అతని ఉన్నతమైన వ్యక్తిత్వాన్ని చాటుతుందని ఆయన అన్నారు. తిలక్ వర్మ ఆర్థిక సహాయం చేయగల పరిస్థితిలో ఉన్నా, తన ప్రాణాలను పణంగా పెట్టి సేవ చేయడం తిలక్ ప్రత్యేకత అని ఆయన పేర్కొన్నారు. తిలక్ వర్మ టెస్ట్ క్రికెట్ ఆడాలని లక్ష్యంగా పెట్టుకున్నాడని, టీ20 ఫార్మాట్లో తన స్థానాన్ని పదిలం చేసుకున్నట్లే, త్వరలో వన్డేల్లోనూ చోటు దక్కించుకునే అవకాశం ఉందని చంద్రశేఖర్ అంచనా వేశారు. భారత టెస్ట్ జట్టులో మూడవ, నాల్గవ స్థానాల్లో ఖాళీలు ఉన్నాయని, క్రమశిక్షణ గల ప్లేయర్గా తిలక్ ఉన్నత స్థాయికి చేరుకునే అవకాశం ఉందని ఆయన ధీమా వ్యక్తం చేశారు.
తిలక్ వ్యక్తిగత లక్ష్యం టెస్ట్ క్రికెట్ ఆడటమేనని, దేశానికి టెస్ట్ ఫార్మాట్లో సేవలు అందించాలని తపనతో ఉన్నాడని ఆయన వివరించారు. టెస్ట్ క్రికెట్కు రావడానికి కొంత సమయం పట్టినప్పటికీ, టీ20 ఫార్మాట్లో భారత జట్టులో తిలక్ తన స్థానాన్ని పదిలం చేసుకున్నారని, త్వరలో 50 ఓవర్ల ఫార్మాట్లో కూడా అతని ఎంట్రీకి అవకాశాలు ఉన్నాయని చంద్రశేఖర్ అంచనా వేశారు. గతంలో డిఫెన్సివ్ బ్యాటింగ్తో కొంత బోరింగ్గా ఉన్న తిలక్, ఇప్పుడున్న తరం క్రికెట్కు అనుగుణంగా తన బ్యాటింగ్ టెక్నిక్ను మార్చుకొని దూకుడు నేర్చుకున్నాడని, అయితే అవసరమైతే డిఫెన్స్ ఆడగల సామర్థ్యం కూడా ఉందని ఆయన అన్నారు.
భారత టెస్ట్ జట్టులో 3, 4 స్థానాల్లో ఖాళీలు ఏర్పడ్డాయని, విరాట్ కోహ్లీ, చేతేశ్వర్ పుజారా, రాహుల్ ద్రావిడ్ లాంటి ఆటగాళ్ల రిటైర్మెంట్ తర్వాత ఆ స్థానాలు ఖాళీగా ఉన్నాయని, తిలక్ వర్మ ఈ స్థానాలకు సరిపోతాడా అనే ప్రశ్నకు, ఇది ఇప్పుడే చెప్పడం తొందరపాటు అవుతుందని, సోషల్ మీడియా వల్ల ఆటగాళ్లపై ఎక్కువ అంచనాలు ఏర్పడుతున్నాయని ఆయన హెచ్చరించారు. ఇర్ఫాన్ పఠాన్ లాంటి ప్రతిభావంతుడి కెరీర్ కూడా ఇలాంటి అంచనాలతోనే ముగిసిందని గుర్తు చేశారు. అయితే, తిలక్ వర్మ చాలా ప్రతిభావంతుడని, అణకువ, క్రమశిక్షణ కలిగిన వ్యక్తి కాబట్టి సచిన్ టెండూల్కర్ లాగే ఉన్నత శిఖరాలకు చేరుకుంటాడని ఆయన విశ్వాసం వ్యక్తం చేశారు.
యువరాజ్ సింగ్తో పోలిక గురించి మాట్లాడుతూ, ఇద్దరి స్వభావాలు వేరని, కాబట్టి పోల్చాల్సిన అవసరం లేదని చంద్రశేఖర్ గారు స్పష్టం చేశారు. అయితే, ఇద్దరూ ఎటువంటి పరిస్థితుల్లోనైనా ఆశ వదులుకోకుండా చివరి నిమిషం వరకు పోరాడే తత్వం ఉన్న ఫైటింగ్ క్రికెటర్లని ఆయన చెప్పారు. మొత్తం మీద, తిలక్ వర్మ భారత క్రికెట్ భవిష్యత్తుకు ఒక నక్షత్రం అవుతాడని, అతని టెస్ట్ క్రికెట్ ఆడే లక్ష్యం త్వరలోనే నెరవేరాలని తాము ఆశిస్తున్నానిని తెలిపాడు.
మరిన్ని క్రీడా వార్తల కోసం ఇక్కడ క్లిక్ చేయండి..
