IND vs NZ: ముంబైలో ఫాస్టెస్ట్ ఫిఫ్టీతో ఆరాచకం.. కట్చేస్తే.. కెప్టెన్ కూల్ రికార్డ్ బ్రేక్ చేసిన పంత్..
Rishabh Pant's Fastest Test Half-Century: భారత్-న్యూజిలాండ్ మధ్య ముంబైలో జరుగుతున్న మూడో టెస్టులో భారత్ 263 పరుగులకు ఆలౌటైంది. న్యూజిలాండ్పై ఇదే వేగవంతమైన టెస్టు అర్ధశతకం. పంత్, గిల్ అర్ధసెంచరీలు భారత్ తొలి ఇన్నింగ్స్ విజయానికి దారితీశాయి. పంత్ 100 స్ట్రైక్ రేట్తో అత్యధిక అర్ధసెంచరీలు సాధించిన భారత వికెట్ కీపర్.
Updated on: Nov 03, 2024 | 7:40 AM
Rishabh Pant’s Fastest Test Half-Century: ముంబైలోని వాంఖడే మైదానంలో భారత్, న్యూజిలాండ్ జట్ల మధ్య జరుగుతున్న మూడో టెస్టులో తొలి ఇన్నింగ్స్ను 263 పరుగులకు ముగించిన భారత జట్టు.. రెండో ఇన్నింగ్స్లో కివీస్ను తక్కువ పరుగులకే పరిమితం చేసేందుకు ప్రయత్నిస్తోంది. అంతకుముందు తొలి ఇన్నింగ్స్లో రిషబ్ పంత్, గిల్ అర్ధసెంచరీలతో టీమిండియా తన తొలి ఇన్నింగ్స్లో 17 పరుగుల ఆధిక్యాన్ని కొనసాగించేందుకు ప్రధాన కారణం. ముఖ్యంగా కివీస్పై తుఫాన్ బ్యాటింగ్ చేసిన రిషబ్ పంత్.. ఫాస్టెస్ట్ ఫిఫ్టీ రికార్ట్ సృష్టించాడు. నిజానికి తొలిరోజు చివరి సెషన్లో భారత్ 4 వికెట్లు కోల్పోయి 86 పరుగులు చేసి కష్టాల్లో పడింది.
ఎప్పటిలాగే రిషబ్ పంత్ మరోసారి తనదైన శైలిలో అద్భుత అర్ధ సెంచరీ సాధించాడు. కేవలం 36 బంతుల్లోనే అర్ధ సెంచరీ పూర్తి చేశాడు. అతను ఈ అద్భుతమైన ఇన్నింగ్స్తో టీమ్ ఇండియాకు సహాయం చేయడమే కాకుండా కొత్త రికార్డును కూడా సృష్టించాడు.
రెండో రోజు క్రీజులోకి వచ్చిన వెంటనే రిషబ్ పంత్ గేమ్కు ముందుకు వచ్చాడు. ఇలా రెండో రోజు తొలి గంటలో పంత్ 138 స్ట్రైక్ రేట్తో కేవలం 36 బంతుల్లో 50 పరుగులు చేశాడు. దీంతో న్యూజిలాండ్పై టెస్టుల్లో అత్యంత వేగంగా అర్ధశతకం సాధించిన భారత బ్యాట్స్మెన్గా నిలిచాడు.
In this Team India critical condition, if Team India Won this Test Match, I will give 5-5 Rupees to everyone who likes the tweet 🇮🇳.#INDvsNZ #RishabhPant @BCCI #RohitSharma𓃵 #ViratKohli #INDvsNZTEST #NZvsIND #SRK59 #HappyBirthdaySRK #Sreeleela #Encounter Vote Trump Siraj pic.twitter.com/FS0vtY1vex
— Vinitparmar (@Vinitparmar99) November 2, 2024
దీని ద్వారా పుణె టెస్టులో 41 బంతుల్లో ఫిఫ్టీ సాధించిన యశస్వి జైస్వాల్ రికార్డును పంత్ తన ఖాతాలో వేసుకున్నాడు. చివరకు పంత్ 59 బంతుల్లో 60 పరుగులు చేసి ఇష్ సోధికి బలయ్యాడు. ఇది కాకుండా, టెస్టు క్రికెట్లో అత్యంత వేగంగా అర్ధశతకం సాధించిన భారత బ్యాట్స్మెన్ల జాబితాలో పంత్ పేరు మొదటి స్థానంలో ఉంది. 2022లో శ్రీలంకపై పంత్ కేవలం 28 బంతుల్లోనే ఫిఫ్టీ సాధించాడు.
అలాగే, పంత్ 100 స్ట్రైక్ రేట్తో టెస్ట్ క్రికెట్లో అత్యధిక అర్ధ సెంచరీలు సాధించిన భారత వికెట్ కీపర్గా మహేంద్ర సింగ్ ధోనిని అధిగమించాడు. ఇంతకుముందు ఈ రికార్డు 100 స్ట్రైక్ రేట్తో 4 టెస్టు అర్ధసెంచరీలు చేసిన ధోని పేరిట ఉంది. అయితే ఇప్పుడు పంత్ 100 స్ట్రైక్ రేట్తో 5 అర్ధ సెంచరీలు చేశాడు.
ముంబై టెస్టులో తొలి రోజు భారత జట్టు 6 పరుగులు మాత్రమే చేసి 3 వికెట్లు కోల్పోయింది. అనంతరం శుభ్మన్ గిల్తో కలిసి రిషబ్ పంత్ 96 పరుగుల భాగస్వామ్యాన్ని నెలకొల్పాడు. ఈ ముఖ్యమైన భాగస్వామ్యం తర్వాత, టీమిండియా ఇన్నింగ్స్ తిరిగి ట్రాక్లోకి వచ్చింది.
మరిన్ని క్రీడా వార్తల కోసం ఇక్కడ క్లిక్ చేయండి..
