Team India: పాపం రోహిత్.. ఒక్క రోజులోనే పూర్తిగా మారిన భారత జట్టు.. స్వ్కాడ్‌లో అంతా వాళ్లేగా..

Ind Vs Eng 3rd Test

India vs England: భారత్, ఇంగ్లండ్ జట్ల మధ్య రెండో టెస్టు మ్యాచ్‌ విశాఖపట్నంలోని వైఎస్ రాజశేఖరరెడ్డి స్టేడియంలో శుక్రవారం (ఫిబ్రవరి 2) నుంచి మ్యాచ్ ప్రారంభం కానుంది. అయితే ఈ మ్యాచ్‌లో టీమిండియా అనివార్యంగా అనుభవం లేని ఆటగాళ్లతో బరిలోకి దిగాల్సి వస్తోంది. ఎందుకంటే టీమిండియాలోని స్టార్ ఆటగాడు విరాట్ కోహ్లీ వ్యక్తిగత కారణాలతో రెండో టెస్టుకు దూరమయ్యాడు. తొడ నొప్పి సమస్య కారణంగా కేఎల్ రాహుల్ అందుబాటులో లేడు. అలాగే స్నాయువు గాయంతో బాధపడుతున్న రవీంద్ర జడేజా కూడా ఈ మ్యాచ్‌లో ఆడడం లేదు. అలాగే, మరో అనుభవజ్ఞుడైన పేసర్ మహ్మద్ షమీ చీలమండ నొప్పి కారణంగా ఈ సిరీస్‌కు అందుబాటులో లేడు.

ఈ నలుగురు కీలక ఆటగాళ్ల గైర్హాజరీ మధ్య టీమిండియా యువ జట్టును రంగంలోకి దించింది. అయితే బ్యాట్స్‌మెన్‌ల జాబితాలో ఎక్కువ మంది ఆటగాళ్లు టెస్టు క్రికెట్‌లో అనుభవం లేని వారే కావడం గమనార్హం.

ఎందుకంటే రోహిత్ శర్మ తప్ప ఏ బ్యాట్స్‌మెన్ కూడా టెస్టుల్లో 50 మ్యాచ్‌లు ఆడలేదు. ఇక్కడ ఓపెనర్‌గా ఉన్న యశస్వి జైస్వాల్ కేవలం 5 టెస్టు మ్యాచ్‌లు మాత్రమే ఆడాడు.

ఇప్పటి వరకు శుభ్‌మన్ గిల్ 21 టెస్టు మ్యాచ్‌లు మాత్రమే ఆడాడు. అలాగే శ్రేయాస్ అయ్యర్ 13 టెస్టు మ్యాచ్‌లు మాత్రమే ఆడాడు. వికెట్ కీపర్ బ్యాట్స్‌మెన్ కేఎస్ భరత్ ఖాతాలో కేవలం 6 టెస్టు మ్యాచ్‌లు మాత్రమే ఉన్నాయి.

రెండో టెస్టు మ్యాచ్‌లో ఆడే బ్యాట్స్‌మెన్‌ల జాబితాలో అనుభవం ఉన్న బ్యాట్స్‌మెన్ లేరన్నది వాస్తవం. ముఖ్యంగా 100 టెస్టు మ్యాచ్‌లు ఆడిన ప్లేయర్ జట్టులో ఒక్కరు కూడా లేరు.

అదే విధంగా, జట్టులోని రజత్ పాటీదార్, సర్ఫరాజ్ ఖాన్, ధ్రువ్ జురెల్ ఇంకా టెస్టు క్రికెట్‌లో అరంగేట్రం చేయలేదు. కాబట్టి ఈ ముగ్గురు బ్యాటర్లు అరంగేట్రం అవకాశం కోసం ఎదురు చూస్తున్నారు.

ఇక్కడ మరో ఆసక్తికరమైన అంశం ఏమిటంటే.. టీమ్ ఇండియా ఆటగాళ్లందరి టెస్టు పరుగులు కలిపినా.. ఇంగ్లండ్ బ్యాట్స్ మెన్ జో రూట్ కంటే వెనుకే ఉన్నారు. అంటే 136 టెస్టు మ్యాచ్‌లు ఆడిన జో రూట్ ఇప్పటివరకు 11447 పరుగులు చేశాడు. ఇందులో 5 డబుల్ సెంచరీలు, 30 సెంచరీలు, 60 అర్ధసెంచరీలు ఉన్నాయి.

మరోవైపు రెండో మ్యాచ్‌కు ఎంపికైన భారత జట్టులోని ఆటగాళ్లందరూ చేసిన మొత్తం పరుగులు 10726 కాగా.. ప్రస్తుత భారత జట్టులో ఏ బ్యాట్స్‌మెన్ కూడా 5 వేలకు మించి పరుగులు చేయకపోవడం ఇక్కడ గమనార్హం. అందుకే పటిష్టమైన ఇంగ్లండ్ పై అనుభవం లేని భారత జట్టు ఎలా రాణిస్తుందనేది ఇప్పుడు ఉత్కంఠగా మారింది.

భారత జట్టు బ్యాటర్ల టెస్ట్ అనుభవం..

రోహిత్ శర్మ – 55 టెస్టులు

యశస్వి జైస్వాల్ – 5 టెస్టులు

శుభమాన్ గిల్ – 21 టెస్టులు

శ్రేయాస్ అయ్యర్ – 13 టెస్టులు

కేఎస్ భారత్ – 6 టెస్టులు

రజత్ పాటిదార్ – 0

సర్ఫరాజ్ ఖాన్ – 0

ధృవ్ జురెల్ – 0

భారత టెస్టు జట్టు:

రోహిత్ శర్మ (కెప్టెన్), శుభమన్ గిల్, యస్సవి జైస్వాల్, శ్రేయాస్ అయ్యర్, కెఎస్ భరత్ (వికెట్ కీపర్), ధృవ్ జురెల్ (వికెట్ కీపర్), రవిచంద్రన్ అశ్విన్, అక్షర్ పటేల్, కుల్దీప్ యాదవ్, మహ్మద్ సిరాజ్, ముఖేష్ కుమార్, జస్ప్రీత్ బుమ్రా, సర్ఫరాజ్ ఖాన్, సర్ఫరాజ్ ఖాన్ వాషింగ్టన్ సుందర్, సౌరభ్ కుమార్, అవేష్ ఖాన్.

మరిన్ని క్రీడా వార్తల కోసం ఇక్కడ క్లిక్ చేయండి..