IND vs ENG: టీమిండియాకు భారీ షాక్.. ఇంగ్లాండ్ పర్యటనకు ముందే ఇద్దరు స్టార్ ప్లేయర్లు దూరం..?
India vs England: ప్రస్తుతం భారత ఆటగాళ్లు ఐపీఎల్ 2026లో బిజీగా ఉన్నారు. ఐపీఎల్ తర్వాత ఇంగ్లాండ్, ఆఫ్ఘాన్ జట్లతో తలపడనుంది. ఈ క్రమంలో భారత జట్టుకు బిగ్ షాక్ తగిలింది. ఇద్దరు స్టార్ ప్లేయర్లు ఈ సిరీస్ నుంచి తప్పుకునే అవకాశం ఉన్నట్లు తెలుస్తోంది.
India vs England: భారత క్రికెట్ అభిమానులకు చేదువార్త. ఇంగ్లాండ్ పర్యటన, ఆఫ్ఘనిస్తాన్తో జరగనున్న కీలక సిరీస్లకు ముందు టీమ్ ఇండియాకు గట్టి ఎదురుదెబ్బ తగిలింది. జట్టులోని ప్రధాన ఫాస్ట్ బౌలర్లు ఆకాష్ దీప్, హర్షిత్ రాణా గాయాల కారణంగా జట్టుకు అందుబాటులో ఉండటం లేదని సమాచారం. ఈ ఇద్దరు కీలక బౌలర్లు లేకపోవడం భారత బౌలింగ్ విభాగాన్ని ఆందోళనలో పడేస్తోంది. భారత క్రికెట్ నియంత్రణ మండలి (బీసీసీఐ) సమాచారం ప్రకారం, ఆకాష్ దీప్, హర్షిత్ రాణా ఇంకా పూర్తిస్థాయి ఫిట్నెస్ సాధించలేదు. ఆకాష్ దీప్ ప్రస్తుతం వెన్నునొప్పితో బాధపడుతుండగా, హర్షిత్ రాణా మోకాలి శస్త్రచికిత్స తర్వాత కోలుకుంటున్నారు. వీరిద్దరూ ప్రస్తుతం పునరావాస కేంద్రంలో చికిత్స పొందుతున్నారు. అయితే, రాబోయే ఆఫ్ఘనిస్తాన్ సిరీస్, యునైటెడ్ కింగ్డమ్ (యూకే) పర్యటన నాటికి వారు కోలుకునే అవకాశం లేదని స్పష్టమవుతోంది.
కీలక సిరీస్లకు దూరం..
ఇంగ్లాండ్లో జరిగే వైట్ బాల్ సిరీస్ భారత జట్టుకు ఎంతో కీలకం. గత ఏడాది బర్మింగ్హామ్లో ఇంగ్లాండ్పై 12 వికెట్లు పడగొట్టి సంచలనం సృష్టించిన ఆకాష్ దీప్ లేకపోవడం జట్టుకు పెద్ద లోటు. మరోవైపు, 2025లో వన్డేల్లో అత్యధిక వికెట్లు తీసిన బౌలర్గా నిలిచిన హర్షిత్ రాణా పరిమిత ఓవర్ల క్రికెట్లో కీలక ఆటగాడు. ఈ ఇద్దరు స్టార్ బౌలర్లు ఐపీఎల్లో కూడా కోల్కతా నైట్ రైడర్స్ తరపున ఆడలేకపోయారు. వారు కోలుకునే ప్రక్రియ ఇంకా ప్రాథమిక దశలోనే ఉందని, మైదానంలోకి అడుగుపెట్టడానికి మరికొంత సమయం పడుతుందని తెలుస్తోంది.
పునరాగమనం ఎప్పుడు?
బీసీసీఐ వర్గాల కథనం ప్రకారం, వీరిద్దరూ నేరుగా అంతర్జాతీయ క్రికెట్ ఆడటం కంటే ముందు దేశవాళీ క్రికెట్లో తమ ఫిట్నెస్ను నిరూపించుకోవాల్సి ఉంటుంది. ఆగస్టు నెలలో ప్రారంభమయ్యే దులీప్ ట్రోఫీ నాటికి వీరు కోలుకునే అవకాశం ఉందని విశ్లేషకులు భావిస్తున్నారు. ప్రస్తుతం వారు కేవలం స్ట్రెంథనింగ్ మాత్రమే చేస్తున్నారు. ఆ తర్వాత రన్నింగ్, బౌలింగ్ ప్రాక్టీస్ వంటి కఠినమైన ప్రక్రియలను పూర్తి చేయాల్సి ఉంటుంది.
జట్టు ఎంపికపై ప్రభావం..
ముఖ్యంగా ఇంగ్లాండ్ వంటి పిచ్లపై వేగవంతమైన బౌలర్ల అవసరం ఎంతో ఉంటుంది. ఆకాష్ దీప్ వంటి ఎర్ర బంతి నిపుణుడు, రాణా వంటి టీ20 స్పెషలిస్ట్ లేకపోవడం సెలెక్టర్లకు సవాలుగా మారింది. వీరి స్థానంలో యువ బౌలర్లకు అవకాశం దక్కే సూచనలు కనిపిస్తున్నాయి. భారత పేస్ దళంపై పడిన ఈ భారం జట్టు ప్రదర్శనను ఏ విధంగా ప్రభావితం చేస్తుందో చూడాలి.
మరిన్ని క్రీడా వార్తల కోసం ఇక్కడ క్లిక్ చేయండి..