IND vs WI: చివరి మ్యాచ్లో ఇండియాకు ఎదురు దెబ్బ.. గాయం కారణంగా మధ్యలోనే వెళ్లిపోయిన బౌలర్..
వెస్టిండీస్‌తో జరిగిన టీ 20 సిరీస్ చివరి మ్యాచ్లో టీమ్ ఇండియాకు భారీ ఎదురుదెబ్బ తగిలింది. ఆదివారం కోల్‌కతాలోని ఈడెన్ గార్డెన్స్ స్టేడియంలో..
వెస్టిండీస్‌తో జరిగిన టీ 20 సిరీస్ చివరి మ్యాచ్లో టీమ్ ఇండియాకు భారీ ఎదురుదెబ్బ తగిలింది. ఆదివారం కోల్‌కతాలోని ఈడెన్ గార్డెన్స్ స్టేడియంలో జరిగిన మూడో, చివరి మ్యాచ్లో ఫాస్ట్ బౌలర్ దీపక్ చాహర్(deepak chahar ) గాయపడ్డాడు చాహర్‌కి ఇన్నింగ్స్‌లో రెండో ఓవర్‌లో గాయపడ్డాడు. రన్‌అప్‌లో పరుగెత్తుతున్న సమయంలో కాలి కండరాలు నొప్పితో అతను మైదానాన్ని వీడాడు. ప్రస్తుతం చాహర్ పరిస్థితిపై బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా(BCCI) ఎటువంటి అప్‌డేట్ ఇవ్వలేదు.
సిరీస్‌లోని చివరి మ్యాచ్లో భారత్ ఘన విజయం సాధించింది. తొలుత బ్యాటింగ్ చేసిన భారత జట్టు 184 పరుగులకు ఆలౌటైంది. లక్ష్య ఛేదనకు బరిలోకి దిగిని వెస్టిండీస్ను దీపక్ ఆదిలోనే దెబ్బ కొట్టాడు. తన తొలి ఓవర్‌లోనే కైల్ మేయర్స్ వికెట్ తీశాడు. ఆ తర్వాత మూడో ఓవర్‌లో పునరాగమనం చేసిన చాహర్, షీ హోప్‌ను కూడా ఔట్ చేసి టీమ్ ఇండియాకు అద్భుతమైన ఆరంభాన్ని అందించాడు. అయితే హోప్ వికెట్ తీసిన తర్వాత గాయపడ్డాడు.
మూడో ఓవర్‌లో, చివరి బంతికి రన్-అప్‌పై పరిగెత్తిన వెంటనే, అతని కాలికి కొంత దెబ్బ తగిలి, అతను మధ్యలో ఆగి, రన్-అప్ పూర్తి చేయకుండా పక్కకు వెళ్లిపోయాడు. చాహర్ నొప్పితో మూలుగుతూ కనిపించాడు. అతను తన కుడి కాలు పట్టుకున్నాడు. అటువంటి పరిస్థితిలో, వెంటనే భారత జట్టు ఫిజియో నితిన్ పటేల్ మైదానానికి చేరుకుని, అతను చాహర్‌ను పరీక్షించాడు. అతను మరింత బౌలింగ్ చేయలేనని భారత బౌలర్ సూచించడంతో, అతను మైదానం నుండి బయటకు వెళ్లాడు.
వెంకటేష్ అయ్యర్ తన ఓవర్ పూర్తి చేశాడు. మైదానం వీడే ముందు దీపక్ 1.5 ఓవర్లు వేసిన 15 పరుగులిచ్చి 2 వికెట్లు పడగొట్టాడు. అయితే, చాహర్ గాయం ఎంత తీవ్రంగా ఉందో బీసీసీఐ ఇంకా ఎలాంటి అప్‌డేట్ ఇవ్వలేదు. శ్రీలంకతో ఫిబ్రవరి 24 నుంచి ప్రారంభం కానున్న టీ20 సిరీస్‌కు అతడు అందుబాటులో ఉంటాడా లేదా అన్నదే ఇప్పుడు అందరూ ఎదురుచూస్తున్న విషయం.
Read Also.. IND vs WI: హిట్ మ్యాన్ హ్యాట్రిక్.. మ్యాచ్లే కాదు.. సిరీస్లు కూడా.. విండీస్ని వైట్ వాష్ చేసిన భారత్..
