IND vs PAK: భారత్, పాక్ హై ఓల్టేజీ పోరుకు ముందే ఫ్యాన్స్‌కు బ్యాడ్ న్యూస్.. మ్యాచ్‌కు వర్షం ఎఫెక్ట్?

Rain Threaten India vs Pakistan Match: భారత్-పాకిస్తాన్ ప్రపంచ కప్ మ్యాచ్ ఉత్కంఠ మధ్యలోనే ఆగిపోయే అవకాశాలు ఉన్నట్లు తెలుస్తోంది. ఎందుకంటే, వర్షం కూడా ఈ మ్యాచ్ చూసేందుకు ఎంట్రీ ఇచ్చే ఛాన్స్ ఉందని వార్తలు వస్తున్నాయి. దీంతో టీ20 ప్రపంచకప్ 2026లోనే హై ఓల్టేజీ మ్యాచ్ కు వర్షం అడ్డుపడితే ఫ్యాన్స్ అంతా డల్ అయ్యే ఛాన్స్ ఉంది. ఈ రెండు జట్లు ఫిబ్రవరి 15న కొలంబోలో టీ20 ప్రపంచ కప్ గ్రూప్ దశలో తలపడనున్నాయి. కానీ ఈ రోజు నగరంలో 60% వరకు వర్షం పడే అవకాశం ఉంది. ఇదే జరిగితే, అభిమానులు క్రికెట్‌లో అతిపెద్ద పోటీలలో ఒకదాన్ని కోల్పోతారు.

టీం ఇండియా ఫిబ్రవరి 13న రాత్రి 9:30 గంటలకు కొలంబోకు చేరుకుంది. అదే సమయంలో పాకిస్తాన్ తన అన్ని మ్యాచ్‌లను కొలంబోలోనే ఆడుతోంది. పాక్ జట్టు తమ ప్రారంభ మ్యాచ్‌లలో అమెరికా, నెదర్లాండ్స్‌ను ఓడించింది. మరోవైపు భారత జట్టు అమెరికా, నమీబియాను ఓడించింది.

ఫిబ్రవరి 15న 24 గంటల వర్షంఫిబ్రవరి 15న పూర్తి 24 గంటల పాటు వర్షం పడే అవకాశం ఉంది. ఉదయం 9 గంటల నుంచి మధ్యాహ్నం 3 గంటల వరకు, వర్షం పడే అవకాశం 60% నుంచి 50% వరకు ఉంటుంది. మ్యాచ్ సమయంలో, సాయంత్రం 7 గంటల నుంచి అర్ధరాత్రి 12 గంటల వరకు, 10% నుండి 20% వరకు వర్షం పడే అవకాశం కూడా ఉంది.

అంచనా: మ్యాచ్ కు ఒక రోజు ముందు వర్షం మొదలవుతుంది.

మ్యాచ్ కు ముందు రోజు ఫిబ్రవరి 14న ఉదయం 9 గంటల నుంచి మధ్యాహ్నం 3 గంటల వరకు కొలంబోలో వర్షం పడే అవకాశం 35% ఉంది. సాయంత్రం 6 గంటల వరకు 25% ప్రాంతాల్లో వర్షం పడే అవకాశం ఉంది. అర్ధరాత్రి వరకు వర్షం పడే అవకాశం 10% మాత్రమే ఉంది.

కొలంబోలో వర్షాకాలం ఉంటుందా?

శ్రీలంకలో వర్షపాతం రెండు కాలాల్లో సంభవిస్తుంది. మే నుంచి సెప్టెంబర్ వరకు, కొలంబో, యాల, నెగోంబో దక్షిణ ప్రాంతాలలో అత్యధిక వర్షపాతం నమోదవుతుంది.

డిసెంబర్, ఫిబ్రవరి మధ్య జాఫ్నా, పుట్టలం, కల్పిటియా ఉత్తర ప్రాంతాలలో వర్షాలు కురుస్తాయని అంచనా.

ప్రస్తుతం, గాలులు ఉత్తరం నుంచి దక్షిణం వైపు వీస్తున్నాయి. దీని వలన కొలంబోలో వర్షం పడే అవకాశం పెరుగుతుంది. వాతావరణ మార్పు కొన్నిసార్లు వర్షపాత అంచనాలను కష్టతరం చేస్తుంది.

శుక్రవారం రాత్రి 9:30 గంటలకు టీం ఇండియా కొలంబో చేరుకుంది. ముంబైలో జరిగిన తొలి మ్యాచ్‌లో అమెరికాను ఓడించి, ఆ తర్వాత ఢిల్లీలో నమీబియాపై గెలిచింది. పాకిస్తాన్ కూడా రెండు మ్యాచ్‌ల్లో గెలిచింది. ఫిబ్రవరి 15న జరిగే మ్యాచ్‌లో గెలిచిన జట్టు పాయింట్ల పట్టికలో నంబర్ వన్ స్థానంలో తన స్థానాన్ని పదిలం చేసుకుంటుంది.

వర్షం కారణంగా మ్యాచ్ జరగకపోతే?

మ్యాచ్ డ్రాగా ముగిస్తే, రెండు జట్లకు చెరొక పాయింట్ లభిస్తుంది. గ్రూప్ దశ మ్యాచ్‌లకు రిజర్వ్ డేలు లేవు, కాబట్టి ఫిబ్రవరి 15న మ్యాచ్ ఆడలేకపోతే, దానిని డ్రాగా పరిగణిస్తారు.