IND vs AUS Records: చారిత్రాత్మక మ్యాచ్‌లో బద్దలవ్వనున్న రికార్డులు ఇవే.. లిస్టులో ఎవరున్నారంటే?

ICC Cricket World Cup 2023: కీలక సమరానికి రంగం సిద్ధమైంది. ఫైనల్ పోరులో భారత్ వర్సెస్ ఆస్ట్రేలియా జట్లు సిద్ధమయ్యాయి. అహ్మదాబాద్ వేదికగా ఇరుజట్లు ట్రోఫీలో ఢీకొట్టనున్నాయి. ఇప్పటికే ఈ మ్యాచ్ కోసం సన్నాహాలు పూర్తయ్యాయి. ఇరుజట్లు కూడా తుది సన్నాహాలు చేస్తున్నాయి. అయితే, ఈ మ్యాచ్‌లో ఎన్నో రికార్డులు బద్దలు కానున్నాయి. అవేంటో ఓసారి చూద్దాం..

India Vs Australia, Final

Venkata Chari |

Updated on: Nov 19, 2023 | 1:05 PM

ICC Cricket World Cup 2023: కీలక సమరానికి రంగం సిద్ధమైంది. ఫైనల్ పోరులో భారత్ వర్సెస్ ఆస్ట్రేలియా జట్లు సిద్ధమయ్యాయి. అహ్మదాబాద్ వేదికగా వన్డే ప్రపంచకప్‌లో ఇరుజట్లు ట్రోఫీలో ఢీకొట్టనున్నాయి. ఇప్పటికే ఈ మ్యాచ్ కోసం సన్నాహాలు పూర్తయ్యాయి. ఇరుజట్లు కూడా తుది సన్నాహాలు చేస్తున్నాయి. అయితే, ఈ మ్యాచ్‌లో ఎన్నో రికార్డులు బద్దలు కానున్నాయి. అవేంటో ఓసారి చూద్దాం..

భారత్ తరపున బద్దలయ్యే రికార్డులు ఇవే..

– భారత్ విజయం సాధిస్తే.. 1983, 2011 తర్వాత పురుషుల క్రికెట్ ప్రపంచ కప్ చరిత్రలో సొంతగడ్డపై రెండుసార్లు టోర్నమెంట్ గెలిచిన మొదటి దేశంగా అవతరిస్తుంది.

ఇవి కూడా చదవండి

– విరాట్ కోహ్లీ (711) సెమీ-ఫైనల్‌లో న్యూజిలాండ్‌పై అతని 50వ ODI సెంచరీ చేసిన సంగతి తెలిసిందే. ఒకే పురుషుల క్రికెట్ ప్రపంచ కప్‌లో అత్యధిక పరుగుల రికార్డును బద్దలు కొట్టాడు. ఈ స్కోర్‌కు నేడు మరిన్ని పరుగులు చేర్చే అవకాశం ఉంది.

IND vs AUS: భారత్ వర్సెస్ ఆస్ట్రేలియా లైవ్ బ్లాగ్ కోసం ఇక్కడ క్లిక్ చేయండి..

– రోహిత్ శర్మ ఇప్పటికే పురుషుల క్రికెట్ ప్రపంచ కప్ చరిత్రలో (ఏడు) అత్యధిక సెంచరీల రికార్డును కలిగి ఉన్నాడు. ఆసీస్‌పై ట్రిపుల్ ఫిగర్‌లను చేరుకోగలిగితే, భారత కెప్టెన్ ఈ విభాగంలో అగ్రస్థానికి చేరుకుని, సరికొత్త రికార్డ్ నెలకొల్పుతాడు.

– రోహిత్ ఈ టోర్నమెంట్‌లో 550 పరుగులు చేశాడు. 2019లో సాధించిన 648 పరుగులను అధిగమించడానికి ఆస్ట్రేలియాపై మరో 99 పరుగులు చేయాల్సి ఉంది. దీంతో పురుషుల క్రికెట్ ప్రపంచ కప్ ఒకే ఎడిషన్‌లో అత్యధిక పరుగుల కోసం తన వ్యక్తిగత రికార్డును బద్దలు కొట్టే ఛాన్స్ ఉంది.

– మహ్మద్ షమీ మూడు వేర్వేరు పురుషుల క్రికెట్ ప్రపంచ కప్‌లలో మొత్తం 54 వికెట్లు పడగొట్టాడు. ఆస్ట్రేలియాపై మూడు వికెట్లు పడగొడితే.. అతను పాకిస్తాన్ గ్రేట్ ప్లేయర్ వసీం అక్రమ్ (55), శ్రీలంక ఆటగాడు లసిత్ మలింగ (56)లను అధిగమించి నాల్గవ అత్యధిక వికెట్‌ టేకర్‌గా నిలుస్తాడు.

– శ్రేయాస్ అయ్యర్ ఫైనల్‌లో 24 పరుగులు చేయడం ద్వారా సచిన్ టెండూల్కర్, రోహిత్ శర్మ, విరాట్ కోహ్లీలతో కూడిన భారత దిగ్గజాల లిస్టులో చేరనున్నాడు భారత్ నుంచి ఒకే ఎడిషన్‌లో 550 కంటే ఎక్కువ పరుగులు చేసిన నాల్గవ బ్యాటర్‌గా నిలుస్తాడు.

– కేఎల్ రాహుల్ పురుషుల క్రికెట్ ప్రపంచ కప్ చరిత్రలో భారతదేశం తరపున అత్యధిక పరుగులు చేసి, ఎనిమిదో స్థానంలో నిలిచాడు. ఆస్ట్రేలియాపై 34 పరుగులు చేయడం ద్వారా గ్రేట్ ఎంఎస్ ధోని (780 పరుగులు)ని అధిగమించాడు.

ఆస్ట్రేలియా తరపున బద్దలయ్యే రికార్డులు..

– ఆస్ట్రేలియా మరో ప్రపంచ కప్ ట్రోఫీని గెలిస్తే – 1987, 1999, 2003, 2007, 2015 తర్వాత ఆరు ప్రపంచ కప్ టైటిళ్లను గెలుచుకుని చరిత్ర నెలకొల్పే అవకాశం ఉంది.

– పాట్ కమ్మిన్స్ పురుషుల క్రికెట్ ప్రపంచ కప్‌లలో మొత్తం 32 వికెట్లు సాధించాడు. భారత్‌పై మరో నాలుగు వికెట్‌లు తీస్తే బ్రెట్ లీ (35)ని అధిగమించి టోర్నమెంట్ చరిత్రలో ఆస్ట్రేలియా తరపున అత్యధిక వికెట్లు తీసిన మూడో బౌలర్‌గా నిలుస్తాడు.

– ఆడమ్ జంపా ఈ ఏడాది టోర్నమెంట్‌లో 22 వికెట్లతో ఆస్ట్రేలియా తరపున అత్యధిక వికెట్లు తీసిన బౌలర్‌గా నిలిచాడు. భారత్‌పై ఐదు వికెట్లు పడగొట్టాడు. పురుషుల ఒకే ఎడిషన్‌లో ఏ బౌలర్‌గానైనా అత్యధిక వికెట్లు తీసిన ఈ స్పిన్నర్.. తన దేశానికే చెందిన మిచెల్ స్టార్క్ (2019లో 27)తో సమానంగా నిలిచాడు.

– డేవిడ్ వార్నర్ పురుషుల క్రికెట్ ప్రపంచ కప్ చరిత్రలో ఆరు సెంచరీలు సాధించాడు. ఫైనల్‌లో మూడు అంకెలను చేరుకోవడం ద్వారా ఈ ఈవెంట్‌లో అత్యధిక సెంచరీలు చేసిన భారత కెప్టెన్ రోహిత్ శర్మ (ఏడు)తో సమం చేసే ఛాన్స్ ఉంది.

– ఫైనల్‌లో వార్నర్ 75 లేదా అంతకంటే ఎక్కువ పరుగులు చేయగలిగితే 7000 ODI పరుగుల మైలురాయిని సాధించిన ఆస్ట్రేలియా తరుపున ఆరో ఆటగాడిగా కూడా మారవచ్చు.

– గ్లెన్ మాక్స్‌వెల్ ఫైనల్‌లో 101 పరుగులు చేయగలిగితే, పురుషుల క్రికెట్ ప్రపంచ కప్ చరిత్రలో 1000 కంటే ఎక్కువ పరుగులు చేసిన ఏడవ ఆస్ట్రేలియా ఆటగాడిగా మారునన్నాడు.