Rohit Sharma : అట్టహాసంగా రోహిత్ శర్మ కొడుకు బర్త్ డే.. ఫ్యామిలీతో హిట్‌మ్యాన్ సెలబ్రేషన్స్, ఎమోషనల్ పోస్ట్!

భారత క్రికెట్ స్టార్ రోహిత్ శర్మ ఇంట్లో పండుగ వాతావరణం నెలకొంది. రోహిత్ రెండో సంతానం, కొడుకు అహాన్ శర్మ తన మొదటి పుట్టినరోజును ఇటీవల జరుపుకున్నాడు. నవంబర్ 15, 2024న జన్మించిన అహాన్ మొదటి బర్త్‌డే సందర్భంగా రోహిత్ శర్మ తన భార్య రితికా సజ్దే, కూతురితో కలిసి వేడుకలను ఘనంగా నిర్వహించారు.

Rohit Sharma

Rakesh |
Updated on: Nov 16, 2025 | 6:22 PM

Rohit Sharma : భారత క్రికెట్ స్టార్ రోహిత్ శర్మ ఇంట్లో పండుగ వాతావరణం నెలకొంది. రోహిత్ రెండో సంతానం, కొడుకు అహాన్ శర్మ తన మొదటి పుట్టినరోజును ఇటీవల జరుపుకున్నాడు. నవంబర్ 15, 2024న జన్మించిన అహాన్ మొదటి బర్త్‌డే సందర్భంగా రోహిత్ శర్మ తన భార్య రితికా సజ్దే, కూతురితో కలిసి వేడుకలను ఘనంగా నిర్వహించారు. ఈ వేడుకకు సంబంధించిన ఫొటోలను రోహిత్, రితికా ఇద్దరూ తమ సోషల్ మీడియా ఖాతాల్లో పంచుకున్నారు. ప్రస్తుతం టెస్ట్ సిరీస్ జరుగుతున్నా, రోహిత్ రాబోయే సౌత్ ఆఫ్రికా వన్డే సిరీస్‌కు సన్నద్ధమవుతున్నారు.

రోహిత్ శర్మ, రితికా సజ్దే ఒక ఉమ్మడి పోస్ట్ ద్వారా అభిమానులతో పుట్టినరోజు ఫొటోలను షేర్ చేసుకున్నారు. ఈ ఫొటోల్లో కొడుకు అహాన్ బొమ్మలతో ఆడుకుంటున్న దృశ్యాలు ఉన్నాయి. అయితే ప్రైవసీ కారణంగా రోహిత్ తన కొడుకు ముఖాన్ని మాత్రం ఎక్కడా చూపించలేదు. మరొక ఫొటోలో, రితికా తన కూతురు, కొడుకుతో బాల్కనీలో నిలబడి ఉన్నారు.

రోహిత్ శర్మ మొత్తం కుటుంబం కలిసి ఉన్న ఒక అందమైన ఫొటోను కూడా షేర్ చేశారు. ఆ ఫొటోల్లో కొడుకు అహాన్ రితికా ఒడిలో ఉన్నాడు. ఈ ఫొటోలను షేర్ చేస్తూ రోహిత్ శర్మ.. “మా అబ్బాయికి ఒక సంవత్సరం పూర్తయింది. సమయం ఇంత త్వరగా ఎలా గడిచిపోయిందో తెలియదు, కానీ ప్రతి క్షణాన్ని మేం చాలా ఆస్వాదించాం” అని ఎమోషనల్ క్యాప్షన్ రాశారు.

రోహిత్ శర్మ మళ్లీ మైదానంలోకి ఎప్పుడు?

ప్రస్తుతం సౌతాఫ్రికాతో టెస్ట్ సిరీస్ జరుగుతున్నా, టెస్ట్, టీ20 ఫార్మాట్‌ల నుంచి రిటైర్ అయిన రోహిత్ శర్మ.. వన్డే ఫార్మాట్‌లో మాత్రమే ఆడనున్నారు. ఆయన డిసెంబర్ 30 నుంచి ప్రారంభం కానున్న భారత్ vs సౌతాఫ్రికా వన్డే సిరీస్‌లో జట్టు తరఫున ఆడనున్నారు.