Hardik Pandya: రీఎంట్రీలో అదుర్స్‌ అనిపిస్తోన్న టీమిండియా ఆల్‌రౌండర్‌.. తాజాగా మరికొన్ని రికార్డులు ఖాతాలో..

Hardik Pandya

ENG vs IND: మాంచెస్టర్‌ వేదికగా ఇంగ్లండ్‌తో జరిగిన నిర్ణయాత్మక మూడో వన్డేలో టీమిండియా 5 వికెట్ల తేడాతో విజయం సాధించింది. తద్వారా మూడు మ్యాచ్‌ల సిరీస్‌ను 2-1తో కైవసం చేసుకుంది. ఈ విజయంలో రిషభ్‌ పంత్‌ (Rishabh Pant) , హార్ధిక్‌ పాండ్యా (Hardik Pandya) కీలక పాత్ర పోషించారు. పంత్ ‌(113 బంతుల్లో 125 నాటౌట్‌; 16 ఫోర్లు, 2 సిక్స్‌లు) సూపర్‌ సెంచరీతో చెలరేగగా.. హార్ధిక్‌ బంతితోను, బ్యాట్‌తోను అదరగొట్టాడు. బౌలింగ్‌లో కేవలం 24 పరుగులు ఇచ్చి నాలుగు వికెట్లు పడగొట్టిన హార్ధిక్‌.. బ్యాటింగ్‌లో 71 పరుగులతో కీలక ఇన్నింగ్స్‌ ఆడాడు. ఇదిలా ఉంటే పాండ్యాకు తన వన్డే కెరీర్‌లో ఇవే అత్యుత్తమ బౌలింగ్‌ గణాంకాలు కావడం విశేషం. ఇక లక్ష్య ఛేదనలో 72 పరుగులకే 4 వికెట్లు కోల్పోయిన భారతజట్టును కీలక ఇన్నింగ్స్‌తో గాడిలో పెట్టాడీ ఆల్‌రౌండర్‌. 72 పరుగులు చేసి టీమిండియాను విజయతీరాలకు చేర్చాడు. ఈక్రమంలోనే ప్లేయర్‌ ఆఫ్‌ ది సిరీస్‌ పురస్కారంతో పాటు పలు రికార్డులను తన పేరిట లిఖించుకున్నాడు పాండ్యా. మరి అవేంటో తెలుసుకుందాం రండి.

పాండ్యా తాజా రికార్డులివే..

• మూడు ఫార్మాట్లలో ఒకే మ్యాచ్ లో నాలుగు పైగా వికెట్లు తీసి.. 50 ప్లస్‌ పరుగులు చేసిన తొలి భారత్‌ క్రికెటర్‌ పాండ్య
• టెస్టులు: 52 రన్స్‌, 5/28 వర్సెస్‌ ఇంగ్లండ్‌-2018
• వన్డేలు: 71 పరుగులు, 4/24 వర్సెస్‌ ఇంగ్లండ్‌-2022
• టీ20లు: 51 రన్స్‌, 4/33 వర్సెస్‌ ఇంగ్లండ్‌-2022
• ప్రపంచ క్రికెట్‌లో ఈ ఘనత సాధించిన రెండో క్రికెటర్‌గా హార్ధిక్‌ నిలిచాడు. అంతకుముందు పాక్ ఆల్ రౌండర్ మహ్మద్ హఫీజ్ ఈ అరుదైన ఫీట్ సాధించాడు.
• ఇక వన్డేలో ఫిప్టీ ప్లస్‌ పరుగులు నాలుగు వికెట్లు పడగొట్టిన ఐదో భారత ఆటగాడిగా పాండ్యా రికార్డులకెక్కాడు. అంతుముం‍దు కృష్ణమాచారి శ్రీకాంత్, సచిన్ టెండూల్కర్, సౌరవ్ గంగూలీ, యువరాజ్ సింగ్ మాత్రమే ఈ ఘనత సాధించారు.
• కాగా మాంచెస్టర్‌లో వన్డేలలో అత్య్తుమ బౌలింగ్‌ గణాంకాలు నమోదు చేసిన మూడో భారత ఆటగాడిగా హార్దిక్‌ మరో రికార్డు తన ఖాతాలో వేసుకున్నాడు.

మరిన్ని క్రీడావార్తల కోసం క్లిక్ చేయండి..