Team India: ఈ ఓపెనర్లకు అందని ద్రాక్షలా మారిన టెస్ట్ సెంచరీ.. లిస్టులో ముగ్గురు భారత ఆటగాళ్లు
3 Openers Never Score Test Hundred: భారత క్రికెట్ చరిత్రలో, చాలా మంది అద్భుతమైన ఓపెనింగ్ బ్యాట్స్మెన్లు కనిపించారు. ఈ ఆటగాళ్లు పరుగులతోపాటు సెంచరీలు సాధించి, సత్తా చాటారు. కానీ, తమ కెరీర్లో ఒక టెస్ట్ సెంచరీ కూడా చేయని కొంతమంది దురదృష్టకర ఓపెనర్లు కూడా ఉన్నారని మీకు తెలుసా?
Updated on: Oct 27, 2024 | 6:19 PM
Team India: భారత క్రికెట్ చరిత్రలో, చాలా మంది అద్భుతమైన ఓపెనింగ్ బ్యాట్స్మెన్లు కనిపించారు. ఈ ఆటగాళ్లు పరుగులతోపాటు సెంచరీలు సాధించి, సత్తా చాటారు. కానీ, తమ కెరీర్లో ఒక టెస్ట్ సెంచరీ కూడా చేయని కొంతమంది దురదృష్టకర ఓపెనర్లు కూడా ఉన్నారని మీకు తెలుసా? ఈ జాబితాలో చాలా ఆశ్చర్యకరమైన పేర్లు చేరాయి. అలాంటి ముగ్గురు అద్భుతమైన ఓపెనింగ్ బ్యాట్స్మెన్లను ఓసారి చూద్దాం..
1. అభినవ్ ముకుంద్..
అభినవ్ ముకుంద్ 2011లో ఓపెనర్గా భారత జట్టులో చోటు సంపాదించాడు. దేశవాళీ క్రికెట్లో నిలకడగా రాణించిన అభినవ్ ముకుంద్ భారత జట్టు తరపున టెస్టుల్లో అరంగేట్రం చేసే అవకాశం దక్కించుకున్నాడు. అభినవ్ ముకుంద్ కెరీర్లో అంతగా రాణించలేకపోయాడు. అభినవ్ ముకుంద్ భారత జట్టు తరపున 7 టెస్టు మ్యాచ్లు మాత్రమే ఆడాడు. అందులో అతను 320 పరుగులు చేశాడు. ఈ క్రమంలో ఒక్క సెంచరీ కూడా చేయలేదు. అతను వన్డే, T20 జట్టులో చోటు దక్కించుకోలేకపోయాడు. టెస్టు క్రికెట్లో ఓపెనర్గా అవకాశం వచ్చినా సద్వినియోగం చేసుకోలేదు. టెస్టుల్లో అతని అత్యుత్తమ స్కోరు 81 పరుగులు. ముకుంద్ ఎన్నడూ సెలెక్టర్లను మెప్పించలేకపోవడానికి ఇదే కారణం. దీంతో అతను జట్టుకు దూరంగా ఉండాల్సి వచ్చింది.
2. ఆకాశ్ చోప్రా..
ఆకాశ్ చోప్రా కూడా ఓపెనర్గా టెస్టు క్రికెట్లో భారత్ తరపున ఒక్క సెంచరీ కూడా చేయలేకపోయాడు. 2003లో న్యూజిలాండ్పై అరంగేట్రం చేసిన ఆకాశ్ చోప్రా ఓపెనర్గా సెంచరీ చేయలేకపోయాడు. ఆకాశ్ చోప్రా భారత జట్టు తరపున ఒక సంవత్సరం మాత్రమే టెస్ట్ క్రికెట్ ఆడాడు. అందులో అతను 10 మ్యాచ్లలో 437 పరుగులు చేశాడు. కానీ, ఒక్క సెంచరీ కూడా చేయలేకపోయాడు. ఆకాశ్ చోప్రా టెస్టుల్లో రెండు హాఫ్ సెంచరీలు సాధించాడు. టెస్టులో అతని అత్యధిక స్కోరు 60 పరుగులు. పేలవమైన ప్రదర్శన కారణంగా, ఆకాష్ చోప్రాను భారత జట్టు నుంచి తొలగించవలసి వచ్చింది. దాని కారణంగా అతని కెరీర్ కూడా ముగిసింది.
3. అజయ్ జడేజా..
ఈ లిస్టులో అజయ్ జడేజా కూడా ఉన్నాడు. ఓపెనర్గా తన టెస్ట్ కెరీర్లో ఎప్పుడూ సెంచరీ చేయలేదు. వన్డే మ్యాచ్ల్లో 6 సెంచరీలు చేశాడు. అజయ్ జడేజా 1992లో దక్షిణాఫ్రికాపై తన అరంగేట్రం చేశాడు. అతని మొత్తం టెస్ట్ కెరీర్లో 15 టెస్ట్ మ్యాచ్లు ఆడాడు. కానీ, అతను ఒక్క టెస్టు సెంచరీ కూడా సాధించలేకపోయాడు. అజయ్ జడేజా సెంచరీకి చేరువగా వచ్చినా పూర్తి చేయలేకపోయాడు. అజయ్ జడేజా తన టెస్టు కెరీర్లో అత్యధిక స్కోరు 96 పరుగులు. అజయ్ జడేజా తన టెస్ట్ కెరీర్లో 576 పరుగులు చేశాడు. 4 హాఫ్ సెంచరీలు చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..
