New Zealand vs England:అత్యంత అరుదైన రికార్డు నెలకొల్పిన ఇంగ్లాండ్: భారత జట్టు స్థానం ఎక్కడ ఉంది అంటే?

England Test Team

ఇంగ్లండ్ క్రికెట్ జట్టు 147 ఏళ్ల టెస్ట్ క్రికెట్ చరిత్రలో ఒక అద్భుతమైన ఘనతను సాధించింది. న్యూజిలాండ్‌తో వెల్లింగ్‌టన్‌లో జరిగిన రెండో టెస్టులో, రెండవ రోజు ముగిసే సమయానికి 533 పరుగుల భారీ ఆధిక్యాన్ని నెలకొల్పింది. దీంతో టెస్ట్ క్రికెట్ చరిత్రలో 500,000 పరుగులు చేసిన తొలి జట్టుగా ఇంగ్లండ్ నిలిచింది. ఇప్పటి వరకు ఇంగ్లాండ్ జట్టు మొత్తం1082 టెస్ట్ మ్యాచ్ లు ఆడింది.

ఇంగ్లండ్ కెప్టెన్ బెన్ స్టోక్స్ నాయకత్వంలోని జట్టు ఆతిథ్య న్యూజిలాండ్‌ను తొలి ఇన్నింగ్స్‌లో కేవలం 125 పరుగులకు ఆలౌట్ చేసి, దాన్ని కొనసాగిస్తూ రెండవ ఇన్నింగ్స్‌లో 378/5 స్కోర్‌ చేసింది. బెన్ స్టోక్స్ డిక్లరేషన్ నిర్ణయాన్ని వాయిదా వేయగా, జో రూట్ 73 పరుగులతో క్రీజులో నిలిచాడు. జాక్ బెథెల్ (96), బెన్ డకెట్ (92) రెండో వికెట్‌కు 187 పరుగుల భాగస్వామ్యాన్ని నెలకొల్పారు.

ఈ మ్యాచ్‌లో ఇంగ్లండ్ బౌలర్ గస్ అట్కిన్సన్ హ్యాట్రిక్ సాధించడం విశేషం. టెస్ట్ క్రికెట్‌లో హ్యాట్రిక్ సాధించిన మొట్టమొదటి ఇంగ్లీష్ బౌలర్‌గా అట్కిన్సన్ నిలిచాడు, చివరిసారి 2016లో మొయిన్ అలీ ఈ ఘనత సాధించాడు.

ఇంగ్లండ్ బ్యాటింగ్ ఈ మైలురాయిని చేరుకోవడంతో, ఆస్ట్రేలియా 428,868 పరుగులతో రెండో స్థానంలో, భారత జట్టు 278,751 పరుగులతో మూడో స్థానంలో ఉన్నాయి.

న్యూజిలాండ్ జట్టు, 125 పరుగుల వద్ద చివరి ఐదు వికెట్లు కోల్పోయిన తర్వాత, ఈ మ్యాచ్‌లో తిరిగి నిలబడేందుకు తీవ్రంగా ఇబ్బంది పడుతోంది. పైగా, బేసిన్ రిజర్వ్‌లో ఇప్పటివరకు నాల్గవ ఇన్నింగ్స్‌లో అత్యధిక విజయవంతమైన ఛేజ్ 274 మాత్రమే, అది కూడా 2003లో పాకిస్థాన్ సాధించింది.

ఈ నేపథ్యంలో ఇంగ్లండ్ విజయానికి మరింత దగ్గరగా ఉంది. జట్టు బ్యాటింగ్, బౌలింగ్ విభాగాల్లో అసాధారణ ప్రదర్శనను చూపిస్తూ, న్యూజిలాండ్‌పై పూర్తి ఆధిపత్యాన్ని చాటింది.