Team India: ప్లేయింగ్ 11లో రిషబ్ పంత్‌కు ఛాన్స్ రాకపోవడానికి అసలు కారణం ఇదా.. బాంబ్ పేల్చిన గంభీర్

Rishabh Pant Lsg Captain

Gautam Gambhir On Rishabh Pant: ఛాంపియన్స్ ట్రోఫీ 2025లో టీమిండియా అద్భుతంగా ఆడి ఫైనల్‌కు చేరుకుంది. దుబాయ్‌లో జరిగిన సెమీ-ఫైనల్ మ్యాచ్‌లో భారత్ ఆస్ట్రేలియాను ఓడించి, మరోసారి ఫైనల్స్‌కు చేరుకుంది. టీం ఇండియా నిరంతరం ఛాంపియన్స్ ట్రోఫీని గెలుచుకునే దిశగా సాగుతోంది. కానీ, అభిమానుల మదిలో ఒక ప్రశ్న మిగిలిపోయింది. రిషబ్ పంత్‌కు ప్లేయింగ్ ఎలెవన్‌లో అవకాశాలు ఎందుకు రావడం లేదు. కేఎల్ రాహుల్‌ను ఎందుకు నిరంతరం ఆడిస్తున్నారనేది ప్రశ్నగా మారింది.

ఛాంపియన్స్ ట్రోఫీ గురించి మాట్లాడుకుంటే, రిషబ్ పంత్‌కు ఇంకా ఒక్క మ్యాచ్ లోనూ అవకాశం రాలేదు. భారత జట్టు సెమీ-ఫైనల్స్‌తో సహా మొత్తం నాలుగు మ్యాచ్‌లు ఆడింది. కేఎల్ రాహుల్ 4 మ్యాచ్‌లలోనూ ఆడాడు. కేఎల్ రాహుల్ గురించి మాట్లాడుకుంటే, అతని ప్రదర్శన ఇప్పటివరకు అంత బాగా లేదు. ఆస్ట్రేలియాతో జరిగిన సెమీ-ఫైనల్ మ్యాచ్‌లో మాత్రమే అతను 42 పరుగులు చేశాడు. అయితే, మిగిలిన మ్యాచ్‌లలో కేఎల్ రాహుల్ అంత బాగా ఆకట్టుకోలేకపోయాడు.

రిషబ్ పంత్‌ను ఆడించకపోవడానికి గౌతమ్ గంభీర్ పలు కారణాలు చెప్పుకొచ్చాడు. కేఎల్ రాహుల్ నిరంతర పరాజయాలు, వికెట్ కీపింగ్‌లో సగటు ప్రదర్శన ఉన్నప్పటికీ, రిషబ్ పంత్‌ను ఆడించడం లేదు. ఆస్ట్రేలియాతో జరిగిన సెమీఫైనల్ మ్యాచ్ తర్వాత టీమిండియా ప్రధాన కోచ్ గౌతమ్ గంభీర్ విలేకరుల సమావేశానికి వచ్చారు. ఈ సమయంలో అతనికి రిషబ్ పంత్ గురించి ఒక ప్రశ్న ఎదురైంది. రిషబ్ పంత్‌కు బదులుగా కేఎల్ రాహుల్‌కు ప్లేయింగ్ ఎలెవన్‌లో స్థిరమైన అవకాశాలు ఎందుకు వస్తున్నాయని గౌతమ్ గంభీర్‌ని అడిగారు. దీనిపై చాలా విమర్శలు వస్తున్నాయి. దీనికి సమాధానంగా గౌతమ్ గంభీర్ మాట్లాడుతూ, వన్డేల్లో కేఎల్ రాహుల్ సగటు 50 కంటే ఎక్కువగా ఉందని అన్నాడు. ఇంతకు మించి నేను ఏమీ చెప్పదలచుకోలేదు అంటూ తెలిపాడు.

ఈ మ్యాచ్‌లో మొదట బ్యాటింగ్ చేసిన ఆస్ట్రేలియా జట్టు 49.3 ఓవర్లలో 264 పరుగులు చేసి ఆలౌట్ అయింది. అనంతరం టీమిండియా 48.1 ఓవర్లలో 6 వికెట్లు కోల్పోయి ఈ లక్ష్యాన్ని చేరుకుంది. భారత జట్టు తరపున విరాట్ కోహ్లీ అత్యధికంగా 84 పరుగులతో కీలక ఇన్నింగ్స్ ఆడాడు.