Champions Trophy: రోహిత్ సేనపై కాసుల వర్షం.. ఏకంగా రూ. 58 కోట్లు ప్రకటించిన బీసీసీఐ.. ఎందుకంటే?
BCCI Cash Prize for Team India: ఛాంపియన్స్ ట్రోఫీని గెలుచుకున్న టీం ఇండియాపై బీసీసీఐ కాసుల వర్షం కురిపించింది. రోహిత్ శర్మ నాయకత్వంలో ఛాంపియన్‌గా నిలిచిన జట్టుకు బీసీసీఐ రూ.58 కోట్ల నగదు బహుమతిని ప్రకటించింది. ఆటగాళ్లు, కోచింగ్, సపోర్ట్ సిబ్బంది, సెలక్షన్ కమిటీ సభ్యులకు బోర్డు ప్రైజ్ మనీ ప్రకటించింది.
Champions Trophy: 2025 ఛాంపియన్స్ ట్రోఫీని గెలుచుకున్న టీం ఇండియాపై బీసీసీఐ డబ్బుల వర్షం కురిపించింది. రోహిత్ శర్మ నాయకత్వంలో ఛాంపియన్‌గా నిలిచిన జట్టుకు బీసీసీఐ రూ.58 కోట్ల నగదు బహుమతిని ప్రకటించింది. ఆటగాళ్లు, కోచింగ్, సపోర్ట్ సిబ్బంది, సెలక్షన్ కమిటీ సభ్యులకు బోర్డు ప్రైజ్ మనీ ప్రకటించింది.
రోహిత్ శర్మ కెప్టెన్సీలో భారత జట్టు టోర్నమెంట్‌లో ఆధిపత్యం చెలాయించింది. టోర్నమెంట్ అంతటా అపజయం లేకుండా నిలిచింది. భారత జట్టు బంగ్లాదేశ్‌పై ఆరు వికెట్ల తేడాతో భారీ విజయంతో తన ప్రచారాన్ని ప్రారంభించింది. ఆ తర్వాత పాకిస్తాన్‌పై 6 వికెట్ల తేడాతో అద్భుతమైన విజయం సాధించింది. ఆ తర్వాత చివరి గ్రూప్ మ్యాచ్‌లో న్యూజిలాండ్‌పై 44 పరుగుల తేడాతో విజయం సాధించి తమ జోరును కొనసాగించారు. సెమీ-ఫైనల్లో ఆస్ట్రేలియాను నాలుగు వికెట్ల తేడాతో ఓడించారు. ఆ తర్వాత, మార్చి 9న దుబాయ్‌లో జరిగిన ఫైనల్లో న్యూజిలాండ్‌ను నాలుగు వికెట్ల తేడాతో ఓడించి టైటిల్‌ను గెలుచుకున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..