ఒత్తిడి లేదు, పరుగు తీసే ఛాన్స్ లేదు.. అయినా రన్ ఔటైన తోపులు.. లిస్ట్లో 2వ పేరు మనోడిదే..!
Most run outs in Test cricket: క్రికెట్ చరిత్రలో ఎన్నో అద్భుత రికార్డులు సృష్టించిన ఈ ఐదుగురు దిగ్గజాలు, రన్ అవుట్ల విషయంలో ఈ విచిత్రమైన జాబితాలో చోటు సంపాదించారు. వికెట్ల మధ్య పరుగు తీసే సమయంలో ఎంతటి జాగ్రత్త వహించాలో చెప్పడానికి ఈ గణాంకాలే ప్రత్యక్ష తారకాణం.
Updated on: Aug 09, 2026 | 1:27 PM
Most Run Outs in Test Cricket: సుదీర్ఘ ఫార్మాట్ అయిన టెస్టు క్రికెట్లో వికెట్ పారేసుకోవడం నేరంగా భావిస్తారు. పరుగులు తీసే ఒత్తిడి లేకపోయినా రన్ అవుట్ అయి పెవిలియన్ చేరిన దురదృష్టవంతమైన బ్యాటర్ల జాబితాలో దిగ్గజాలు ఉండటం విశేషం. ప్రపంచకప్ గెలిచిన ఆస్ట్రేలియన్ కెప్టెన్తో పాటు టీమిండియా దిగ్గజం కూడా ఈ జాబితాలో నిలిచారు.
క్రికెట్లో అవుట్ కావడానికి ఎన్నో మార్గాలు ఉన్నాయి. క్యాచ్, బోల్డ్, ఎల్బీడబ్ల్యూ కావడం సాధారణమే అయినా రన్ అవుట్ కావడాన్ని అత్యంత దురదృష్టకరమైన విషయంగా పరిగణిస్తారు. వన్డేలు, టీ20ల్లో ఆఖరి ఓవర్లలో వేగంగా పరుగులు సాధించే క్రమంలో రన్ అవుట్ కావడం సహజం, కానీ నిలకడగా ఆడే టెస్టుల్లో అలా అవుట్ కావడం బ్యాటర్లను ఎంతో కలచివేస్తుంది. సుదీర్ఘ టెస్ట్ చరిత్రలో అత్యధిక సార్లు రన్ అవుట్ అయిన టాప్ 5 దిగ్గజ బ్యాటర్ల వివరాలు క్రికెట్ ప్రపంచాన్ని ఆశ్చర్యపరుస్తున్నాయి.
ఎక్కువమంది చదివినది: వరల్డ్ కప్ 2027 రేసు నుంచి ఆ 2 దిగ్గజ టీంలు ఔట్.. టీమిండియా పరిస్థితి ఏంటంటే?
శ్రీలంక డిపెండబుల్ బ్యాటర్ నుంచి ఆస్ట్రేలియా దిగ్గజాల వరకు..
ఈ అరుదైన జాబితాలో ఐదో స్థానంలో శ్రీలంక మిడిల్ ఆర్డర్ బ్యాటర్ తిలన్ సమరవీర నిలిచాడు. 2001 నుంచి 2013 మధ్య లంక తరఫున 81 టెస్టుల్లో ఆడి 5000కు పైగా పరుగులు సాధించిన సమరవీర, క్రీజులో రన్నింగ్ చేసే క్రమంలో 11 సార్లు రన్ అవుట్గా వెనుతిరిగాడు. ఇక నాలుగో స్థానంలో ఆస్ట్రేలియా లెజెండరీ కెప్టెన్ అలన్ బోర్డర్ ఉన్నాడు. 156 టెస్టుల్లో 11 వేలకు పైగా పరుగులు సాధించిన బోర్డర్, వికెట్ల మధ్య అవగాహన లోపంతో 12 సార్లు రన్ అవుట్ అయ్యాడు.
మూడో స్థానంలో మాథ్యూ హెడెన్.. రెండో స్థానంలో ‘ది వాల్’..
అత్యంత వేగవంతమైన రన్నర్గా పేరున్న ఆస్ట్రేలియా మాజీ ఓపెనర్ మాథ్యూ హెడెన్ ఈ జాబితాలో మూడో స్థానాన్ని దక్కించుకున్నాడు. 103 టెస్టుల్లో ఆస్ట్రేలియాకు ప్రాతినిధ్యం వహించిన హెడెన్, బోర్డర్ మాదిరిగానే 12 సార్లు రన్ అవుట్ అయ్యాడు. తక్కువ మ్యాచ్ల్లో ఎక్కువ సార్లు అవుట్ అవ్వడం వల్ల ఆయన మూడో స్థానానికి చేరాడు. ఇక రెండో స్థానంలో టీమిండియా ‘ది వాల్’ రాహుల్ ద్రవిడ్ నిలవడం అభిమానులకు మింగుడుపడని నిజం. 1996 నుంచి 2012 వరకు 164 టెస్టుల్లో భారత్కు ప్రాతినిధ్యం వహించిన ద్రవిడ్, 13 సార్లు దురదృష్టవశాత్తు రన్ అవుట్ ద్వారా తమ వికెట్ను సమర్పించుకున్నాడు.
ఎక్కువమంది చదివినది: ఇది ఇండియన్ టీమా లేక హాస్పిటల్ వార్డా..? ఆ దెబ్బకు రంగంలోకి బిగ్ బాస్..!
అగ్రస్థానంలో వరల్డ్ కప్ విన్నింగ్ ఆసీస్ కెప్టెన్..
టెస్ట్ క్రికెట్ చరిత్రలోనే అత్యధిక సార్లు రన్ అవుట్ అయిన వికెట్గా మొదటి స్థానంలో నిలిచాడు ఆస్ట్రేలియాకు రెండుసార్లు వన్డే ప్రపంచకప్ అందించిపెట్టిన దిగ్గజ కెప్టెన్ రికీ పాంటింగ్. సుమారు 17 ఏళ్ల సుదీర్ఘమైన టెస్ట్ కెరీర్లో 13378 పరుగులు సాధించిన పాంటింగ్, 168 మ్యాచ్ల్లో ఏకంగా 15 సార్లు రన్ అవుట్ అయ్యి అగ్రస్థానంలో నిలిచాడు. ప్రపంచంలో ఎంతటి గొప్ప బ్యాటర్ అయినా వికెట్ల మధ్య సహచరుడితో సమన్వయం తప్పితే తీవ్ర పరిణామాలు ఎదుర్కోవాల్సి వస్తుందనడానికి ఈ ఘాంభీర్యమైన రికార్డులే ఉదాహరణ.
మరిన్ని క్రీడా వార్తల కోసం ఇక్కడ క్లిక్ చేయండి..
