టీ20 వరల్డ్ కప్ 2022లో షాకిచ్చేందుకు సిద్ధమైన 4 జట్లు.. చిన్నవే అయినా.. ఫలితాలపై భారీ ఎఫెక్ట్..
T20 World Cup 2022: టీ20 ప్రపంచ కప్ అక్టోబర్ 16 నుంచి ప్రారంభమవుతుంది. ఈసారి టీ20 ప్రపంచకప్‌లో ఈ నాలుగు జట్లు అండర్‌డాగ్‌లుగా నిరూపించుకోగలవు. వీటిలో ఏయే జట్లను చేర్చారో తెలుసుకుందాం.
T20 ప్రపంచ కప్ 2022కు మరికొన్ని రోజులు మాత్రమే ఉంది. ఈ టైటిల్ కోసం తమ అభిమాన జట్లను చూడాలని ఫ్యాన్స్ మరోసారి తహతహలాడుతున్నారు. అక్టోబర్ 16 నుంచి టీ20 ప్రపంచకప్ ప్రారంభం కానుంది. ఈసారి టీ20 ప్రపంచకప్‌లో మొత్తం 16 జట్లు పాల్గొననుండగా, అందులో 12 జట్లు సూపర్-12లోకి వెళ్లనున్నాయి. వాటి మ్యాచ్‌లు అక్టోబర్ 22 నుంచి ప్రారంభం కానున్నాయి. ప్రస్తుతం 8 జట్లు సూపర్-12కి అర్హత సాధించాయి. మిగిలిన ఎనిమిది జట్లు అక్టోబర్ 16 నుంచి రౌండ్-1తో తలపడతాయి. ఇందులో 4 జట్లు చివరి సూపర్-12లో చోటు దక్కించుకుంటాయి. ఈ 16 జట్లలో, ఈ చిన్న జట్లు ఈసారి T20 ప్రపంచకప్‌లో అండర్‌డాగ్‌లుగా నిరూపించుకోగలవని భావిస్తున్నారు.
ఈ జట్లు ముప్పుగా మారవచ్చు..
ఆఫ్ఘనిస్తాన్, బంగ్లాదేశ్, జింబాబ్వే, ఐర్లాండ్ జట్లు ఈ లిస్టులో ఉన్నాయి. ఇందులో ఆస్ట్రేలియా, ఇంగ్లండ్, న్యూజిలాండ్‌లతో పాటు ఆఫ్ఘనిస్తాన్ సూపర్-12 గ్రూప్-1లో చేరాయి. అదే సమయంలో బంగ్లాదేశ్‌ను భారత్, పాకిస్థాన్, దక్షిణాఫ్రికాతో పాటు సూపర్-12 గ్రూప్-2లో చేర్చారు. ఈ నాలుగు జట్లు అండర్‌డాగ్‌లుగా ఎందుకు నిరూపించుకుంటాయో ఇప్పుడు తెలుసుకుందాం..
జోరుమీదున్న ఆఫ్ఘనిస్తాన్..
ఆఫ్ఘనిస్తాన్ ఈసారి టీ20 ప్రపంచకప్ 2022కు అర్హత సాధించి సూపర్-12కి చేరుకుంది. ఇటీవల జరిగిన ఆసియా కప్‌లో అఫ్గానిస్థాన్ 8 వికెట్ల తేడాతో ఆసియాకప్ ఫైనలిస్ట్ శ్రీలంకను ఓడించింది. అదే సమయంలో బంగ్లాదేశ్‌పై 7 వికెట్ల తేడాతో ఓడింది.
బంగ్లాదేశ్ ముప్పుగా మారవచ్చు..
బంగ్లాదేశ్ జట్టును తక్కువ అంచనా వేయలేం. ముఖ్యంగా బంగ్లాదేశ్‌పై టీమ్‌ ఇండియా జాగ్రత్తగా ఉండాలి. గతేడాది టీ20 ప్రపంచకప్‌కు ముందు బంగ్లాదేశ్ 4-1తో ఆస్ట్రేలియాను, 3-2తో న్యూజిలాండ్‌ను ఓడించింది. బంగ్లాదేశ్ ఏ జట్టునైనా ఎప్పుడైనా ఓడించగలదు.
పాకిస్థాన్‌ను ఓడించిన ఐర్లాండ్..
టీ20 ప్రపంచకప్‌లో చోటు దక్కించుకోవడానికి ఐర్లాండ్ మొదటి రౌండ్‌లో క్వాలిఫయర్స్ ఆడాల్సి ఉంటుంది. 2007 వన్డే వరల్డ్‌లో పాకిస్థాన్‌ను ఓడించి అవుట్ చేసిన ఐర్లాండ్ జట్టు.. అదే టీంతో బరిలోకి దిగనుంది.
జింబాబ్వే కూడా..
జింబాబ్వే జట్టును తేలిగ్గా తీసుకోకూడదు. ప్రస్తుతం జింబాబ్వే జట్టులో ఉన్న సికందర్ రజా అద్భుతమైన ఫామ్‌లో కొనసాగుతున్నాడు. అతని బ్యాట్ ఏ జట్టుకైనా ముప్పుగా పరిణమిస్తుంది. ఇటీవల జరిగిన మ్యాచ్‌లో జింబాబ్వే ఆస్ట్రేలియాను ఓడించింది.