IND Vs SA: 6 ఏళ్లలో 9గురు ప్లేయర్ల కెరీర్ మటాష్.. ఆ పిచ్ టీమిండియా ఆటగాళ్లకు పెద్ద శాపం

Team India

భారత్-దక్షిణాఫ్రికా మధ్య 4 మ్యాచ్‌ల టీ20 సిరీస్‌లో డిసైడర్ మ్యాచ్ ఇవాళ జరగనుంది. ఇప్పటివరకు 3 మ్యాచ్‌లు జరగ్గా.. అందులో 2 మ్యాచ్‌లు గెలిచిన టీమిండియా 2-1తో సిరీస్‌లో ముందంజలో ఉంది. ఇప్పుడు సిరీస్‌లోని నాలుగో మ్యాచ్ జోహన్నెస్‌బర్గ్‌ స్టేడియం వేదికగా జరగనుంది. ఈ మైదానంలో భారత్-దక్షిణాఫ్రికా మధ్య చివరి మ్యాచ్ 2018 ఫిబ్రవరిలో జరిగింది. ఇప్పుడు ఆరేళ్ల తర్వాత ఈ మైదానంలో టీ20 ఆడేందుకు భారత జట్టు వచ్చింది. ఈ 6 ఏళ్లలో దాదాపు టీమ్ ఇండియా మొత్తం మారిపోయింది. గతసారి ఈ మైదానంలో ఆడిన 11 మంది ఆటగాళ్లలో 9 మంది టీ20 కెరీర్ దాదాపు ముగిసింది. మరికొందరు రిటైరవ్వగా, మరికొందరు ఆటగాళ్ల పునరాగమనంపై ఆశలు అడియాశలు అయ్యాయి.

ఇది చదవండి: గోదారి గట్టు సమీపాన మెరుస్తూ కనిపించిన వింత ఆకారం.. ఏంటని చూడగా.. బాబోయ్

ఈ ఆటగాళ్లు చివరిసారిగా..

ఆరేళ్ల తర్వాత టీ20 మ్యాచ్‌లు ఆడేందుకు భారత జట్టు జోహన్నెస్‌బర్గ్‌కు వచ్చింది. 2018లో టీమ్ ఇండియా ఇక్కడ ఆడగా.. ఆ సమయంలో విరాట్ కోహ్లీ కెప్టెన్‌గా ఉన్నాడు. ఈ మ్యాచ్‌లో రోహిత్ శర్మ, శిఖర్ ధావన్ ఓపెనర్లు. సురేశ్ రైనా 3వ స్థానంలోనూ, విరాట్ కోహ్లీ 4వ స్థానంలోనూ బ్యాటింగ్‌కు దిగారు.

మిడిలార్డర్‌లో మనీష్ పాండే, ఎంఎస్ ధోని, హార్దిక్ పాండ్యా బ్యాటింగ్ చేశారు. మరోవైపు భువనేశ్వర్ కుమార్, జయదేవ్ ఉనద్కత్, జస్ప్రీత్ బుమ్రా, యుజువేంద్ర చాహల్ బౌలింగ్‌కు నాయకత్వం వహించారు. ఈ 11 మంది ఆటగాళ్లలో, 9 మంది ఆటగాళ్ల T20 కెరీర్ దాదాపు ముగిసింది, పాండ్యా, బుమ్రా మాత్రమే ఇప్పటికీ జట్టుతో కొనసాగుతున్నారు. సచిన్ టెండూల్కర్ కూడా జోహన్నెస్‌బర్గ్‌లో తన కెరీర్‌లో ఏకైక T20 మ్యాచ్ ఆడటం విశేషం.

ఇది చదవండి: అయ్యబాబోయ్.. ప్రపంచంలోనే అత్యంత భారీ అనకొండ ఇదే.. చూస్తే బిత్తరపోతారు

ఈ ఆటగాళ్లు రిటైరయ్యారు..

ధోనీ, రైనా, రోహిత్, విరాట్, ధావన్ మాత్రమే రిటైర్మెంట్ ప్రకటించినప్పటికీ, మిగిలిన ఆటగాళ్లు కూడా పునరాగమనం చేసే అవకాశం లేదు. ఇప్పుడున్న టీమ్ మేనేజ్‌మెంట్ యువ ప్లేయర్స్‌కి మాత్రమే అవకాశం ఇస్తోంది. ఇలాంటి పరిస్థితుల్లో మనీష్, భువనేశ్వర్, ఉనద్కత్, చాహల్ మళ్లీ టీ20 జట్టులోకి వచ్చే అవకాశం కనిపించడం లేదు. 2018లో దక్షిణాఫ్రికాతో జరిగిన మ్యాచ్‌లో భారత జట్టు 28 పరుగుల తేడాతో విజయం సాధించింది. తొలుత బ్యాటింగ్ చేసిన టీమిండియా 5 వికెట్ల నష్టానికి 203 పరుగులు చేసింది. దీంతో దక్షిణాఫ్రికా జట్టు 175 పరుగులకే ఆలౌటైంది.

ఇది చదవండి: విద్యార్ధులకు గుడ్‌న్యూస్ అంటే ఇది కదా.. ఒక్కొక్కరికి రూ. 6 వేలు 

మరిన్ని క్రీడా వార్తల కోసం ఇక్కడ క్లిక్ చేయండి..