Hindu Beliefs: చీకటి పడ్డాక పొరపాటున కూడా ఈ దేవుళ్ల పేర్లు తలవకూడదట! పెద్దలు చెప్పే ఆధ్యాత్మిక రహస్యం..

హిందూ సంప్రదాయాల ప్రకారం.. కొన్ని శక్తులు, దేవతలకు రాత్రి సమయంతోనే ఎక్కువ సంబంధం ఉంటుంది. ముఖ్యంగా తంత్ర సాధనలు, ఉగ్ర రూపాలు కలిగిన శక్తుల పేర్లను రాత్రి పూట పలకడం అంత మంచిది కాదని పెద్దలు చెబుతుంటారు. అయితే దీని గురించి ధర్మ గ్రంథాల్లో ఎక్కడా కచ్చితమైన నియమాలు లేదా నిషేధాలు లేకపోయినప్పటికీ, తాంత్రిక పద్ధతులు జానపద నమ్మకాల ప్రకారం కొన్ని పేర్లను రాత్రి పూట పలకకుండా ఉండటమే శ్రేయస్కరమని భావిస్తారు. ఆ పేర్లు ఏంటో ఒకసారి పరిశీలిద్దాం..

1. కాల భైరవుడు పరమశివుని ఉగ్ర రూపాలలో కాల భైరవుడు ఒకరు. తాంత్రిక పూజల్లో భైరవుడి ఆరాధన ఎక్కువగా రాత్రి వేళల్లోనే జరుగుతుంది. అందులోనూ భైరవుడి రూపాల్లో అత్యంత భయంకరమైనది ‘శ్మశాన భైరవ’ రూపం. వీటికి ప్రత్యేకమైన పూజా నియమాలు ఉంటాయి కాబట్టి, సాధారణ గృహస్థులు రాత్రి పూట కాల భైరవుడి నామాన్ని పలకకూడదని నమ్ముతారు.

2. నాగ దేవత భారతీయ సమాజంలో పాములను నాగ దేవతగా పూజించడం ఆనవాయితీ. అయితే జానపద నమ్మకాల ప్రకారం, రాత్రి పూట ‘నాగుపాము’ లేదా ‘నాగదేవత’ పేరును ఎక్కువగా పలకకూడదు. అలా పలకడం వల్ల చుట్టుపక్కల ఉండే సర్పాలు ఆకర్షితమై ఇంటి వైపు వచ్చే ప్రమాదం ఉందని, తద్వారా కుటుంబ సభ్యులకు కీడు జరుగుతుందని గ్రామీణ ప్రాంతాల్లో బలంగా నమ్ముతారు.

3. యక్షులు హిందూ గ్రంథాలలో యక్షులను కూడా దేవతలుగానే భావిస్తారు. వీరు భూమిలో దాగి ఉన్న నిధులు, సంపదలకు రక్షకులుగా ఉంటారని నమ్ముతారు. కానీ వీరి రూపం చాలా వికృతంగా, భీతి గొలిపేలా ఉంటుంది. వీరికి చేసే పూజలు కూడా తామసిక పద్ధతిలో ఉంటాయి. యక్షులు రాత్రి వేళల్లో అత్యంత చురుగ్గా ఉంటారని, అందుకే చీకటి పడ్డాక వారి ప్రస్తావన తీసుకురాకూడదని చెబుతుంటారు.

4. భేతాళుడు భారతీయ జానపద కథల్లో భేతాళుడి పేరు మనకు తరచూ వినిపిస్తుంది. భేతాళుడికి శ్మశానాలు, చీకటి రాత్రులు, మంత్ర తంత్రాలతో విడదీయరాని సంబంధం ఉంది. ఈ అదృశ్య శక్తులు రాత్రి వేళల్లో ప్రతికూల శక్తిని కలిగి ఉంటాయని నమ్ముతారు. అందుకే పూర్వం నుంచి గ్రామాల్లో రాత్రి పూట భేతాళుడి పేరును తలవడానికి భయపడేవారు.

గమనిక : ఇది కేవలం సమాచారం మాత్రమే. పైన పేర్కొన్న వివరాలు జానపద నమ్మకాలు, మత గ్రంథాలు మరియు జ్యోతిష్య నిపుణుల అభిప్రాయాల ఆధారంగా అందించబడ్డాయి. దీనికి సంస్థ ఎలాంటి బాధ్యత వహించదు.