మీ పర్సులో ఈ 5 వస్తువులు ఉంటే లక్ష్మీ కాటాక్షం..! ఇక మీకు డబ్బే డబ్బు!!

Purse Vastu

వాస్తు శాస్త్రం ప్రకారం, మన పర్స్ కేవలం డబ్బులు దాచుకునే ఒక బ్యాగ్ మాత్రమే కాదు.. అది లక్ష్మీదేవి నివాసం లాంటిది. మన ఆర్థిక పరిస్థితి మనం మన పర్స్‌ను ఎలా ఉంచుకుంటాము..దానిలో ఏ వస్తువులను ఉంచుకుంటాము అనే దానిపై ఆధారపడి ఉంటుంది.. డబ్బు ఆదా చేయడానికి మన పర్సులో ఏ వస్తువులను ఉంచుకోవాలి..? ఎలాంటి వస్తువులను పెట్టుకోరాదు ఇక్కడ చూద్దాం..

ఎరుపు కాగితం: ఎరుపు రంగు శక్తి, సంపదకు చిహ్నం. ఒక చిన్న ఎరుపు కాగితంపై మీ కోరికను రాయండి (ఉదాహరణకు: నాకు మంచి ఆదాయం కావాలి), దానిని ఎరుపు దారంతో కట్టి మీ పర్సులో ఉంచండి. ఇది మీ చుట్టూ ఉన్న సానుకూల శక్తిని పెంచుతుంది. మీ లక్ష్యాలను సాధించడంలో మీకు సహాయపడుతుంది.

అక్షింతలు (21 బియ్యపు గింజలు): లక్ష్మీదేవికి బియ్యం అంటే చాలా ఇష్టం. 21 బియ్యపు గింజలు తీసుకొని, వాటిపై కొంచెం పసుపు రాసి, ఒక చిన్న కవర్‌లో వేసి, మీ పర్సులో ఉంచుకోండి. ఇలా చేయడం వల్ల అనవసరమైన ఖర్చులు తగ్గుతాయి. దీనివల్ల మీ పర్సులో ఎల్లప్పుడూ డబ్బు ఉంటుంది.

మర్రి చెట్టు ఆకు: హిందూ మతంలో మర్రి చెట్టు చాలా పవిత్రమైనది. శుభ్రమైన మర్రి చెట్టు ఆకును తీసుకొని, గంగా జలంతో కడిగి, దానిపై ‘శ్రీ’ అని కుంకుమతో రాసి, మీ పర్సులో ఉంచుకోండి. ఆ ఆకు ఎండిపోయినప్పుడల్లా, దాని స్థానంలో కొత్తది పెట్టుకోండి. ఇది సంపదను తెస్తుంది.

వెండి నాణెం లేదా గుండ్లు: లక్ష్మీదేవి చిత్రం ఉన్న వెండి నాణెం మీ పర్సులో ఉంచుకుంటే సంపద వస్తుంది. వెండి నాణెం అందుబాటులో లేకపోతే, మీరు మీ పర్సులో రెండు చిన్న లక్ష్మీ గుండ్లు ఉంచుకోవచ్చు. గుండ్లు సముద్రం నుండి వస్తాయి కాబట్టి, సముద్రపు కుమార్తె అయిన లక్ష్మీ దేవి వాటిని చాలా ప్రేమిస్తుంది.

ఆకుపచ్చ యాలకులు: యాలకులు కేవలం సుగంధ ద్రవ్యం మాత్రమే కాదు, ఇది బుధ గ్రహంతో ముడిపడి ఉంది. బుధుడు వ్యాపారం, సంపదకు కారకుడు. మీ పర్సులో 2 లేదా 3 యాలకులు ఉంచుకోవడం వల్ల అదృష్టం వస్తుంది. ఇది మీ పర్సు నుండి ప్రతికూల శక్తిని దూరంగా ఉంచుతుంది.

Note : ఈ వార్తలలో చెప్పిన సమాచారం మత విశ్వాసాలపై ఆధారపడి ఉంది. కేవలం పాఠకుల ఆసక్తి మేరకు, పలువురు పండితుల సూచనలు, వారు తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..