నవంబర్ 2026 పండుగలు: దీపావళి నుంచి కార్తీక పౌర్ణమి వరకు.. ఈ నెలలో వచ్చే పర్వదినాలు ఇవే!

November 2026 Festivals Telugu: హిందూ సంప్రదాయంలో నవంబర్ నెలకు ఎంతో ప్రత్యేకత ఉంది. ఈ నెలలో దీపావళి, గోవర్ధన పూజ, నాగుల చవితి, ప్రబోధిని ఏకాదశి, కార్తీక పౌర్ణమి వంటి అనేక పర్వదినాలు వస్తాయి. ముఖ్యంగా కార్తీక మాసం ప్రారంభం కావడంతో శివారాధన, విష్ణు పూజలు, దీపారాధన, నదీ స్నానాలు, దానధర్మాలకు భక్తులు ప్రాధాన్యత ఇస్తారు. ఉపవాసాలు, వ్రతాలు, పూజలతో ఆధ్యాత్మికంగా గడిపేందుకు ఈ నెల అనువైనదిగా భావిస్తారు.

నవంబర్ 2026లో ముఖ్యమైన పండుగలు, వ్రతాలు

• నవంబర్ 1 – కాలాష్టమి: ఈ రోజున భక్తులు కాలభైరవుడిని ఆరాధిస్తారు. భైరవుడి అనుగ్రహం కోసం ప్రత్యేక పూజలు, ప్రార్థనలు చేస్తారు. ఇదే రోజు ఆంధ్రప్రదేశ్ అవతరణ దినోత్సవాన్ని కూడా జరుపుకుంటారు.
• నవంబర్ 5 – రమా ఏకాదశి: విష్ణుమూర్తికి అంకితం చేసిన ఈ ఏకాదశి రోజున భక్తులు ఉపవాసం పాటించి శ్రీమహావిష్ణువును పూజిస్తారు. ఆధ్యాత్మిక సాధన, భజనలు, విష్ణు సహస్రనామ పారాయణానికి ప్రాధాన్యత ఇస్తారు.
• నవంబర్ 6 – ప్రదోష వ్రతం: శివారాధనకు ప్రదోష కాలం విశేషమైనదిగా భావిస్తారు. ఈ రోజున శివాలయాలను సందర్శించి అభిషేకాలు, దీపారాధనలు చేయడం ఆనవాయితీ. ధన త్రయోదశి, ధన్వంతరి జయంతి.
• నవంబర్ 7 – మాస శివరాత్రి: శివభక్తులు ఉపవాసం, శివనామస్మరణ, అభిషేకాలతో పరమశివుడిని ఆరాధిస్తారు.
• నవంబర్ 8 – దీపావళి: నరక చతుర్దశి/దీపావళి.. దీపాల పండుగగా ప్రసిద్ధి చెందిన దీపావళిని ఆనందోత్సాహాలతో జరుపుకుంటారు. లక్ష్మీదేవి పూజ, దీపాలంకరణ, ఇంటిని శుభ్రం చేసుకోవడం ఈ పండుగలో ముఖ్యమైన ఆచారాలు.
• నవంబర్ 9 – అమావాస్య: పితృదేవతలను స్మరించుకోవడం, దానధర్మాలు చేయడం వంటి ఆచారాలకు ఈ రోజున ప్రాధాన్యత ఉంటుంది.
• నవంబర్ 10 – గోవర్ధన పూజ, కార్తీక మాస ప్రారంభం: శ్రీకృష్ణుడి గోవర్ధన లీలను స్మరించుకుంటూ గోవర్ధన పూజ చేస్తారు. కార్తీక మాసం ప్రారంభంతో శివకేశవుల ఆరాధన, దీపదానం, ఉపవాసాలకు భక్తులు ప్రాధాన్యత ఇస్తారు. బలి పాడ్యమి.
• నవంబర్ 11 – చంద్ర దర్శనం: యమద్వితీయ, భగినీహస్త భోజనం. అమావాస్య తర్వాత కనిపించే చంద్రుడిని దర్శించుకోవడం ఈ రోజులోని ప్రత్యేకత. కొన్ని సంప్రదాయాల్లో చంద్రుడికి ప్రార్థనలు చేసి శుభం కలగాలని కోరుకుంటారు.
• నవంబర్ 13 – నాగుల చవితి: నాగదేవతలను ఆరాధించే పర్వదినం నాగుల చవితి. పుట్ట వద్ద పూజలు చేయడం, పాలు సమర్పించడం వంటి ఆచారాలు కొన్ని ప్రాంతాల్లో కనిపిస్తాయి. కుటుంబ శ్రేయస్సు, సంతాన సౌభాగ్యం కోసం భక్తులు నాగదేవతలను ప్రార్థిస్తారు.
• నవంబర్ 14 – బాలల దినోత్సవం: భారత తొలి ప్రధానమంత్రి జవహర్‌లాల్ నెహ్రూ జయంతిని పురస్కరించుకుని ఈ రోజును బాలల దినోత్సవంగా జరుపుకుంటారు.
• నవంబర్ 15 – స్కంద షష్ఠి: సుబ్రహ్మణ్య స్వామి ఆరాధనకు ఈ రోజు ప్రత్యేకమైనది. భక్తులు స్వామివారికి పూజలు చేసి, కుటుంబ శాంతి, శ్రేయస్సు కోసం ప్రార్థిస్తారు.
• నవంబర్ 16 – వృశ్చిక సంక్రమణం: సూర్యుడు వృశ్చిక రాశిలోకి ప్రవేశించే సందర్భాన్ని వృశ్చిక సంక్రమణంగా పేర్కొంటారు. సంప్రదాయాల ప్రకారం ఈ సమయంలో దానధర్మాలు, పుణ్యకార్యాలకు ప్రాధాన్యత ఇస్తారు.
• నవంబర్ 17 – మాసిక దుర్గాష్టమి: దుర్గాదేవిని ఆరాధిస్తూ ప్రత్యేక పూజలు నిర్వహిస్తారు. అమ్మవారి అనుగ్రహం కోసం భక్తులు ప్రార్థనలు చేస్తారు.
• నవంబర్ 20 – ప్రబోధిని ఏకాదశి: చాతుర్మాస కాలం ముగింపుతో ముడిపడిన ఈ ఏకాదశికి హిందూ సంప్రదాయంలో విశిష్ట స్థానం ఉంది. శ్రీమహావిష్ణువును పూజించడం, ఉపవాసం పాటించడం ముఖ్యమైన ఆచారాలు.
• నవంబర్ 21 – యోగేశ్వర ద్వాదశి: విష్ణు ఆరాధనకు ప్రాధాన్యతనిస్తూ భక్తులు పూజలు, ప్రార్థనలు నిర్వహిస్తారు.
• నవంబర్ 22 – ప్రదోష వ్రతం: పరమశివుడిని ఆరాధిస్తూ ప్రదోష కాలంలో దీపారాధన, అభిషేకాలు చేస్తారు.
• నవంబర్ 23 – శ్రీ సత్యసాయిబాబా జయంతి: సత్యసాయిబాబా బోధించిన ప్రేమ, సేవ, మానవత్వం వంటి విలువలను స్మరించుకుంటూ భక్తులు సేవా కార్యక్రమాలు నిర్వహిస్తారు.
• నవంబర్ 24 – కార్తీక పౌర్ణమి, గురునానక్ జయంతి: కార్తీక పౌర్ణమి సందర్భంగా దీపదానం, శివకేశవుల పూజలు, పవిత్ర స్నానాలకు విశేష ప్రాధాన్యత ఉంటుంది. ఇదే రోజు గురునానక్ జయంతిని కూడా భక్తిశ్రద్ధలతో జరుపుకుంటారు.
• నవంబర్ 27 – సంకష్టహర చతుర్థి: వినాయకుడిని పూజించి, ఉపవాసం పాటించి, చంద్ర దర్శనం అనంతరం వ్రతాన్ని ముగించడం సంప్రదాయం.

మొత్తంగా నవంబర్ నెలలో పండుగలు, వ్రతాలు, పూజలతో ఆధ్యాత్మిక వాతావరణం నెలకొంటుంది. అయితే పంచాంగం, ప్రాంతీయ సంప్రదాయాల ఆధారంగా కొన్ని పండుగల తేదీలు, ఆచారాల్లో మార్పులు ఉండవచ్చు. పూజలు నిర్వహించే ముందు స్థానిక పంచాంగాన్ని పరిశీలించడం మంచిది.

(Disclaimer: ఈ కథనంలో పేర్కొన్న పండుగలు, వ్రతాలు, ఆచారాలు హిందూ సంప్రదాయాలు, మత విశ్వాసాల ఆధారంగా అందించబడ్డాయి. ప్రాంతీయ పంచాంగాలు, స్థానిక ఆచారాలను బట్టి తేదీలు, పూజా విధానాల్లో మార్పులు ఉండవచ్చు. ఖచ్చితమైన వివరాల కోసం స్థానిక పంచాంగాన్ని సంప్రదించండి.)

ఇవి కూడా చదవండి

విశాఖపట్నం నుంచి కర్ణాటక టూర్ ప్యాకేజీ.. 6 రోజుల్లో ప్రముఖ ఆలయాలు

బుధాదిత్య యోగంతో ఈ 4 రాశులకు మహర్దశ? నవంబర్ 4 నుంచి ఏం జరగనుంది?

దీపావళికి ముందు ఇంట్లో ఈ వస్తువులు తొలగించండి.. లక్ష్మీదేవి..

నవంబర్: 1 నుంచి 9 వరకు పుట్టిన తేదీల వారికి ఎలా ఉండబోతోంది?