రేపే యమవిదియ.. అన్నాచెల్లెళ్ల బంధానికి అద్దంగా నిలిచే భగిని హస్తభోజనం.. శుభ సమయం ఎప్పుడంటే

Bhagini Hastha Hasta Bhojan

ఐదు రోజుల దీపాల పండుగ ప్రతి సంవత్సరం ధన త్రయోదశి నుండి ప్రారంభమవుతుంది. కాగా ఐదు రోజుల దీపావళి పండుగలో అన్నా చెల్లెల పండగ కూడా ఒకటి. ఈ పండుగ సోదర సోదరీమణులకు అంకితం చేయబడింది. ఎందుకంటే ఈ పండుగ అన్నదమ్ముల అక్కాచెల్లెళ్ల ప్రేమకు చిహ్నం. ఈ రోజున సోదరీమణులందరూ తమ సోదరులకు తిలకం దిద్ది భోజనం పెడతారు. తరువాత సోదరుడు తన సోదరికి బహుమతిని అందజేస్తాడు. తన సోదరిని కాపాడుతానని వాగ్దానం చేస్తాడు. ఈసారి దీపావళి పండుగ తేదీ విషయంలో గందరగోళం నెలకొంది. దీంతో దీపావళి తర్వాత వచ్చే పండుగల తేదీల విషయంలో గందరగోళం నెలకొంది. అయితే ఈ ఏడాది అన్నా చెల్లెళ్ళ పండుగను నవంబర్ 3న జరుపుకోనున్నారు.

చాలా ప్రాంతాల్లో ఈ అన్నాచేలేళ్ళ పండగను యమ ద్వితీయ అని కూడా అంటారు. ఈ రోజున వ్యాపారస్తులు చిత్రగుప్తుని పూజిస్తారు. పురాణాల ప్రకారం ఈ పండుగ యమధర్మ రాజు అతని సోదరి యమునల మధ్య ప్రేమకు ప్రతీకగా నిలుస్తుంది. మీరు కూడా అన్నా చెల్లెళ్ళ పండగ రోజున మీ సోదరుడిని ఇంటికి పిలిచి భోజనం పెట్టనున్నట్లు అయితే మీ సోదరుడికి ఎలా తిలకం దిద్దాలి.. ప్లేట్ ఎలా తయారు చేసుకోవాలో తెలుసుకుందాం..

యమ ద్వితీయ తేదీ 2024

పంచాంగం ప్రకారం ఈ సంవత్సరం కార్తీక మాసం రెండవ తిది విదియ తిధి శుక్ల పక్షం నవంబర్ 2వ తేదీ రాత్రి 8:21 గంటలకు ప్రారంభమవుతుంది. అదే సమయంలో ఈ తిధి నవంబర్ 3 రాత్రి 7:52 గంటలకు ముగుస్తుంది. ఉదయ తిథి ప్రకారం ఈసారి అన్నా చెల్లెళ్ళ పండగను నవంబర్ 3న జరుపుకుంటారు.

అన్నా చెల్లెళ్ళ పండగకు అనుకూలమైన సమయం

అన్నా చెల్లెళ్ళ పండగ రోజున పూజ చేయడానికి అత్యంత అనుకూలమైన సమయం నవంబర్ 3వ తేదీ ఉదయం 11:45 నుండి 1:30 వరకు ఉంటుంది.

ఈ రోజున సోదరునికి తిలకం పెట్టే శుభ సమయం నవంబర్ 3వ తేదీ మధ్యాహ్నం 1:10 గంటలకు ప్రారంభమై మధ్యాహ్నం 3:22 వరకు ఉంటుంది.

అన్నా చెల్లెళ్ళ పండగ రోజున థాలీలో ఏమి ఉంచాలంటే

1. సిందూరం- తిలకం రక్షణ , శ్రేయస్సును సూచిస్తుంది.
2. అక్షతలు – అక్షతలు లేని తిలక ధారణ అసంపూర్ణంగా పరిగణించబడుతుంది.
3. చందనం – మీరు థాలీలో కూడా చందనాన్ని ఉంచవచ్చు.
4. దారం – సోదరుని మణికట్టు మీద కట్టుకునే ఎరుపు రంగు దారం ఉండటం కూడా ముఖ్యం.
5. దీపం – తిలకం దిద్దే సమయంలో పళ్ళెంలో దీపం వెలిగించాలి.
6. తమలపాకు – తిలకం సామాన్లు పెట్టె ప్లేట్‌లో తమలపాకును ఉంచండి. అది గణేశుని చిహ్నం.
7. వెండి నాణెం – ఈ థాలీలో వెండి నాణెం ఉంచాలి.
8. కొబ్బరి కాయ – థాలీలో కొబ్బరికాయను కూడా ఉంచాలి.
9. స్వీట్లు – తిలక ధారణ అనంతరం సోదరుడికి మిఠాయిలు తినిపించడం కూడా సంప్రదాయంలో ఒక భాగం.
10. అరటి పండ్లు – బృహస్పతి గ్రహానికి సంబంధించినది కాబట్టి అరటిపండును ఈ థాలీలో తప్పనిసరిగా ఉంచాలి.

సోదరుడికి ఎలా తిలకధారణ చేయాలంటే

1. అన్నింటిలో మొదటిది ఉదయం నిద్రలేచిన తర్వాత సోదరీమణులు, సోదరులు స్నానం చేయాలి.
2. దీని తరువాత సోదరి.. తన దరుడికి తిలకం దిద్దడానికి ఒక ప్లేట్ సిద్ధం చేయండి.
3. ప్లేట్‌లో పండ్లు, పూలు, స్వీట్లు, అక్షతలు, కుంకుమ వంటివి తీసుకోండి.
4. శుభ సమయంలో సోదరునికి తిలకం దిద్దండి
5. ఈ సమయంలో సోదరీమణులు తమ సోదరుడిని స్టూల్‌పై కూర్చోబెట్టాలి.
6. దీని తరువాత సోదరి తన సోదరుడి తలపై ఎర్రటి రుమాలు వేయాలి.
7. తర్వాత సోదరి, సోదరుల చేతుల్లో ఎండు కొబ్బరిని ఇవ్వండి.
8. సోదరి తన ఉంగరపు వేలితో సోదరుడి నుదుటిన చందనం తిలకంగా దిద్దండి.
9. కావాలంటే సోదరుడి మణికట్టుకి ఎర్రటి దారాన్ని రక్షగా కట్టవచ్చు.
10. తిలకం పెట్టిన అనతరం అక్షతలు వేయండి.
11. దీని తరువాత సోదరి తన సోదరుడికి స్వీట్లు తినిపించండి
12. ఆ తర్వాత సోదరి.. తన సోదరులకు హారతిని ఇవ్వండి.
13. అప్పుడు సోదరి తన సోదరుడి దీర్ఘాయువును కోరుకోవాలి.
14. సోదరుడు తన సోదరికి ఏదైనా బహుమతిని ఇవ్వండి
15. చివరగా సోదరుడు తన సోదరిని ఎల్లవేళలా కాపాడతానని వాగ్దానం చేయాలి.

మరిన్ని ఆధ్మాతిక వార్తల కోసం క్లిక్ చేయండి..

Note: పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్ గమనించాలి.