Telugu News Photo Gallery Green tea: These Mistakes You Should Stop Making To Get The Best Benefits Of Green Tea
Green Tea: శీతాకాలంలో గ్రీన్ టీ తాగడం మంచిదే.. తాగే సమయంలో ఈ తప్పులు చేస్తే అనారోగ్యానికి వెల్కం చెప్పినట్లే..
గ్రీన్ టీని ఔషధ గుణాల నిధిగా పరిగణిస్తున్నారు. అయితే దానిని ఎప్పుడు, ఎలా తాగాలో చాలా కొద్ది మందికి మాత్రమే తెలుసు. అలాగే రోజూ తాగితే ఏమవుతుందనే ప్రశ్న కూడా జనాల మదిలో మెదులుతోంది. ఆయుర్వేద నిపుణుల నుండి ఈ ప్రశ్నలకు సమాధానాలు తెలుసుకోండి.. గ్రీన్ టీ తాగే సమయంలో మీరు చేసే కొన్ని పొరపాట్లకు దూరంగా ఉండవచ్చు.
గ్రీన్ టీ తాగే ట్రెండ్ ఇప్పుడు బాగా పెరిగింది. ఫ్యాటీ లివర్ లేదా స్కిన్ గ్లో చికిత్స అయినా.. గ్రీన్ టీని తాగడం వల్ల అనేక ప్రయోజనాలు లభిస్తాయని నమ్మకం. దీంతో ఎక్కువ మంది గ్రీన్ టీని తాగడానికి ఆసక్తిని చూపిస్తున్నారు. ప్రస్తుతం ప్రప్రంచ వ్యాప్తంగా గ్రీన్ టీ ప్రసిద్ది చెందినా.. దీని చరిత్ర భారతదేశంలో కూడా చాలా పాతది. ఎక్కువ మంది ఈ పానీయం బరువు తగ్గడంలో చాలా ప్రభావవంతంగా ఉంటుందని నమ్ముతారు. ఇది జీవక్రియ రేటును సరిచేయడం ద్వారా మన జీర్ణవ్యవస్థను మెరుగుపరుస్తుందని నిపుణులు భావిస్తున్నారు. రోజూ సరైన మోతాదులో తీసుకుంటేమ ఈ టీని తాగిన ప్రభావం ముఖంలో మెరుపు రూపంలో కనిపిస్తుంది. ఆరోగ్య నిపుణులు, డైటీషియన్లు కూడా ప్రతిరోజూ ఈ హెల్తీ డ్రింక్ తాగాలని సూచిస్తున్నారు.
1 / 10
గ్రీన్ టీ వినియోగానికి సంబంధించి ప్రజల మనస్సులో చాలా ప్రశ్నలు వస్తాయి. వీటిలో ఖచ్చితంగా ఉత్పన్నమయ్యే ఒక పెద్ద ప్రశ్న ఏమిటంటే అది తాగడం వల్ల ఆరోగ్యంపై ఎలాంటి ప్రభావం ఉంటుంది. అయితే ఈ గ్రీన్ టీని తాగేటప్పుడు చాలా మంది తప్పులు పునరావృతం చేస్తారని మీకు తెలుసా? గ్రీన్ టీ తాగడానికి సంబంధించిన కొన్ని తప్పులు.. ముఖ్యమైన విషయాలను గురించి ఈ రోజు తెలుసుకుందాం..
2 / 10
నిపుణులు ఏమని చెప్పారంటే.. జైపూర్‌కు చెందిన ఆయుర్వేద నిపుణుడు డాక్టర్ కిరణ్ గుప్తా టీవీ9తో ప్రత్యేక సంభాషణలో గ్రీన్ టీ గురించి చాలా ముఖ్యమైన విషయాలు చెప్పారు. గ్రీన్ టీ వంటివి తాగే ముందు శరీర స్థితిగతులకు అనుగుణంగా తగిన జాగ్రత్తలు తీసుకోవాలని నిపుణులు చెబుతున్నారు. ఎవరి స్వభావంలోనైనా వాత లేదా కఫ దోషాలు ఉన్నట్లు అయితే.. ఈ గ్రీన్ టీ వినియోగం అతనికి ప్రయోజనకరంగా ఉంటుంది. చలికాలంలో దీన్ని తాగడం మంచిది. అయితే పొరపాటున కూడా ఎక్కువ మోతాదులో తాగవద్దని నిపుణులు సూచిస్తున్నారు.
3 / 10
ఈ తప్పులు చేయవద్దు.. గ్రీన్ టీని వేసవిలో ఎక్కువగా తాగడం వల్ల ముక్కు నుంచి రక్తం లేదా ఆరోగ్యానికి ఇతర హాని కలుగుతుందని ఆయుర్వేద నిపుణులు తెలిపారు.
4 / 10
చలికాలంలో కూడా దీన్ని ఒకటి లేదా రెండు కప్పులు మాత్రమే తాగమని సూచిస్తున్నారు. కొంతమంది ఎక్కువ ప్రయోజనాలను పొందడానికి ఎక్కువ కప్పులు తాగుతారు. దాని కారణంగా వారికి జీర్ణ సమస్యలు మొదలవుతాయి.
5 / 10
కొంతమంది రోజు మొత్తంలో టీ, కాఫీలతో పాటు గ్రీన్ టీని తాగుతుంటారు. ఆయుర్వేద నిపుణులు ఈ అలవాటును పెద్ద తప్పుగా పేర్కొన్నారు. ఇలా చేయడం వల్ల శరీరానికి లాభానికి బదులు హాని కలుగుతుందని హెచ్చరిస్తున్నారు.
6 / 10
ఇప్పటికే కడుపు ఉబ్బరం, ఎసిడిటీ వంటి జీర్ణ సమస్యలున్నవారు పొరపాటున కూడా గ్రీన్ టీని తాగకూడదు. ఇలా చేయడం వల్ల పొట్ట ఆరోగ్యం పాడవుతుంది. ఇండిజేషన్ ఉన్న వ్యక్తులు గ్రీన్ టీకి దూరంగా ఉండాలి.
7 / 10
గ్రీన్ టీ తాగితే ఏమవుతుందంటే.. గ్రీన్ టీ తాగే విషయంలో సరైన విషయాలను దృష్టిలో ఉంచుకుని గ్రీన్ టీని తీసుకుంటే.. అతిపెద్ద ప్రయోజనం మన బరువు నిర్వహణలో ఉంటుందని నిపుణులు చెప్పారు. జీవక్రియను పెంచడం ద్వారా కడుపు ఆరోగ్యంగా ఉంటుంది. ఆరోగ్యకరమైన జీవితాన్ని గడపగలుగుతారు. ఎందుకంటే పొట్ట ఆరోగ్యం బాగోలేకపోతే శరీరం రోగాలకు నిలయంగా మారుతుంది.
8 / 10
నెల రోజుల పాటు రోజూ గ్రీన్ టీ తాగితే దాని ప్రభావం ముఖంపై కూడా కనిపిస్తుందని డాక్టర్ గుప్తా చెబుతున్నారు. ముఖం రంగు మెరుగుపడుతుంది. చర్మం కూడా ఆరోగ్యంగా మారుతుంది.
9 / 10
గ్రీన్ టీ ద్వారా బ్లడ్ షుగర్ ను కూడా అదుపులో ఉంచుకోవచ్చని ఆయుర్వేద నిపుణులు అంటున్నారు. అయితే మధుమేహ వ్యాధిగ్రస్తులు డాక్టర్ లేదా నిపుణుడి సలహా మేరకు మాత్రమే గ్రీన్ టీని రోజూ తాగాలని సూచిస్తున్నారు.
