Aloe Vera Juice: కలబంద జ్యూస్ తాగితే ఊహకందని ఉపయోగాలు.. తక్కువగా అంచనా వేస్తే నష్టపోయేది మీరే..!
కలబంద జ్యూస్ తాగడం వల్ల అనేక ప్రయోజనాలు ఉంటాయి. ప్రతిరోజూ దీనిని తాగేటప్పుడు కొన్ని జాగ్రత్తలు తీసుకోవడం కూడా తప్పనిసరి. వచ్చేది శీతాకాలం సీజనల్ వ్యాధులకు ఎక్కువ అవకాశం ఉంటుంది. అందుకే శీతాకాలంలో కలబంద రసం అనేక ప్రయోజనాలను అందిస్తుందని ఆయుర్వేద ఆరోగ్య నిపుణులు చెబుతున్నారు. కలబందలో యాంటీఆక్సిడెంట్లు, విటమిన్లు, శోథ నిరోధక లక్షణాలు ఉంటాయి. ఈ రసం జీర్ణక్రియను మెరుగుపరచడంలో, చర్మాన్ని మెరుగుపరచడంలో, రోగనిరోధక శక్తిని బలోపేతం చేయడంలో రక్తంలో చక్కెర స్థాయిలను నియంత్రించడంలో ప్రభావవంతంగా పనిచేస్తుంది. కలబంద పూర్తి ప్రయోజనాలేంటో ఇక్కడ చూద్దాం..
ముఖ్యంగా కలబందతో అనేక చర్మ, జుట్టు సమస్యలను పరిష్కరించవచ్చు. అందుకే చాలా మంది మంచి చర్మం, జుట్టు కోసం కలబందను ఉపయోగిస్తారు. అయితే, కలబంద జుట్టు, చర్మానికి మాత్రమే కాకుండా శరీరానికి కూడా ప్రయోజనకరంగా ఉంటుంది.
రక్తంలో చక్కెర నియంత్రణలో ఉంటుంది: కలబంద మధుమేహ రోగులలో రక్తంలో చక్కెర స్థాయిలను తగ్గిస్తుంది. కలబంద రసం రక్తంలో చక్కెరను తగ్గించడంలో, కొలెస్ట్రాల్ స్థాయిలను మెరుగుపరచడంలో సహాయపడుతుందని అధ్యయనాలు చెబుతున్నాయి. కలబందలోని క్రియాశీల పదార్థాలు అధిక రక్తపోటును తగ్గించడంలో కూడా సహాయపడతాయి.
కలబందలో పెద్ద మొత్తంలో పాలిసాకరైడ్లు ఉంటాయి. ఇవి సంక్లిష్ట చక్కెరలు. అంతేకాకుండా కలబంద రోగనిరోధక శక్తిని పెంచడంలో కూడా సహాయపడుతుంది.
చర్మానికి మేలు చేస్తుంది: కలబంద రసం చర్మాన్ని హైడ్రేట్ చేస్తుంది, స్థితిస్థాపకతను పెంచుతుంది. ముడతలను తగ్గిస్తుంది. దీని శోథ నిరోధక, యాంటీఆక్సిడెంట్ లక్షణాలు మొటిమలతో పోరాడటానికి, చర్మపు మంటను తగ్గించడంలో సహాయపడతాయి.
కలబంద ఆరోగ్యానికి ఎంతో మేలు చేస్తుంది. కలబందను తీసుకోవడం వల్ల అనేక ఆరోగ్య సమస్యలు నయం చేయడంలో ఔషధంలా పనిచేస్తుంది. ఇది రోగనిరోధక శక్తిని పెంచడంలో కూడా సహాయపడుతుంది.