Travel India: దేశంలో అందమైన సరస్సులు… ఇక్కడ పర్యటన ప్రకృతి ప్రేమికులకు అందమైన అనుభూతి..
Indian lakes: మీరు ప్రకృతి ప్రేమికులైతే.. ప్రయాణంలో అందమైన దృశ్యాల కోసం వెతుకుతూ ఉంటే.. మనదేశంలో అనేక ప్రదేశాలున్నాయి. ప్రకృతి సౌందర్యానికి నిధిగా సరస్సులు దర్శనమిస్తాయి. కనుల విందు చేస్తాయి.
భారతదేశంలో అందమైన ప్రదేశాలు చాలా ఉన్నాయి. ప్రకృతిలో గడపడం గొప్ప అనుభూతిని ఇస్తుంది. ఈరోజు మనదేశంలోని అందమైన గురించి తెలుసుకుందాం..
చిల్కా సరస్సు: ఒడిశాలోని చిల్కా సరస్సు భారతదేశంలోని అతిపెద్ద సరస్సులలో ఒకటి. నవంబర్ నుండి ఫిబ్రవరి మధ్య ఈ సరస్సును సందర్శించడానికి సరైన సమయం. ఈ సమయంలో ఇక్కడి వాతావరణం ఆహ్లాదకరంగా ఉంటుంది.
దాల్ లేక్: కాశ్మీర్ భారతదేశంలో ప్రసిద్ధ హనీమూన్ డెస్టినేషన్. ఇక్కడ ఉన్న దాల్ సరస్సు ఒక ప్రత్యేకమైన, అద్భుతమైన అందాన్ని కలిగి ఉంది. పెళ్ళైన కొత్త దంపతులు హనీమూన్ కు దాల్ లేక్ సరస్సు మంచి ఎంపిక.
లోక్‌తక్ సరస్సు: ఈ సరస్సు దేశంలోని ఈశాన్య భాగంలో ఉన్న మణిపూర్‌లో ఉంది. ఈ సరస్సును మంచినీటి సరస్సు అని కూడా అంటారు. దీని అందం హృదయానికి హత్తుకునేలా ఉంటుంది.
సోన్ బీల్ సరస్సు: అస్సాంలోని కరీంగంజ్ ప్రాంతంలో ఉన్న దీనిని చిత్తడి నేల అని కూడా పిలుస్తారు. వేసవిలో, మీరు ఈ సరస్సును సందర్శించడం ద్వారా అద్భుతమైన క్షణాలను సొంతంచేసుకోవచ్చు. శీతాకాలంలో సరస్సులోని కొన్ని ప్రాంతాల్లో వ్యవసాయం చేస్తారు.