Travelling Tips: మొదటిసారి మీ భాగస్వామితో కలిసి విహారయాత్రకు వెళ్తున్నారా? ఈ పొరపాట్లు అస్సలు చేయకండి..
Travelling Tips: పెళ్లి చేసుకున్న తరువాత గానీ.. ప్రేమలో ఉన్నప్పుడు గానీ.. భాగస్వామితో చేసే తొలి ప్రయాణాలు చాలా ప్రత్యేకమైనవి. వివాహిత జంటలైతే.. హనీమూన్ అని పిలుచుకుంటారు. ఇక లవ్‌ బర్డ్స్ టూర్ ప్లాన్ చేస్తే.. వివాహర యాత్ర అని పిలుచుకుంటారు. పిలుపు ఏదైనా.. యాత్ర మాత్రం వారి జీవితంలో మధురానుభూతులను మిగిలిస్తుంది. అయితే, ప్రతి జంట తమ ప్రయాణంలో కొన్ని పొరపాట్లు..
పెళ్లి చేసుకున్న తరువాత గానీ.. ప్రేమలో ఉన్నప్పుడు గానీ.. భాగస్వామితో చేసే తొలి ప్రయాణాలు చాలా ప్రత్యేకమైనవి. వివాహిత జంటలైతే.. హనీమూన్ అని పిలుచుకుంటారు. ఇక లవ్‌ బర్డ్స్ టూర్ ప్లాన్ చేస్తే.. వివాహర యాత్ర అని పిలుచుకుంటారు. పిలుపు ఏదైనా.. యాత్ర మాత్రం వారి జీవితంలో మధురానుభూతులను మిగిలిస్తుంది. అయితే, ప్రతి జంట తమ ప్రయాణంలో కొన్ని పొరపాట్లు చేస్తుంటారు. తద్వారా.. తమ ఆనందాన్ని పాడు చేసుకుంటారు. మరి జంటలు తమ తొలిప్రయాణంలో చేసే పొరపాట్లు ఏంటో ఓసారి తెలుసుకుందాం..
మీ భాగస్వామితో మొదటి పర్యటనలో.. తెలిసి, తెలియక చేసిన పొరపాట్లు చాలా కాలం పాటు జ్ఞాపకాలలో ఉంటాయి. కొంతమంది ప్రయాణంలో షాపింగ్‌లో బిజీగా ఉంటే, మరికొందరు సెల్ఫీలు తీసుకోవడంలో క్షణాలను వృధా చేసుకుంటారు. అలా చేయడం వలన కాలం వృధా అయిపోయితే.. టూర్‌కి వెళ్లినట్లుగా కూడా ఉండదు.
ఫోటోలతో బిజీగా ఉండటం : గత కొన్నేళ్లుగా సెల్ఫీల క్రేజ్ బాగా పెరిగింది. ప్రజలు ప్రత్యేక సందర్భాల జ్ఞాపకాలను ఫోటోలలో బంధించడానికి ప్రయత్నిస్తుంటారు. కానీ కొన్నిసార్లు వారు ఈ ఫోటోలు తీసుకోవడంలో బిజీగా ఉండటం వలన.. అది వారి భాగస్వామి దృష్టిలో ప్రతికూలంగా మారుతుంది.
ప్రాధాన్యతలను పరిగణనలోకి తీసుకోకపోవడం: ట్రిప్ సమయంలో దంపతులు తమ ప్రాధాన్యతల కోసం ఒకరిపై ఒకరు ఒత్తిడి తెచ్చుకుంటారు. మీకు ఏది ఆసక్తి ఉంటే అది మీ భాగస్వామికి కూడా నచ్చుతుందనే అనవసరం. ప్రయాణంలో, జీవితంలో ఇరువురి ఇష్టాలు, అయిష్టాలను తెలుసుకుని మసులుకోవాలి.
తప్పుడు ప్రదేశాన్ని ఎంచుకోవడం: ప్రయాణిస్తున్నప్పుడు, ప్రకృతి సౌందర్యం, ప్రత్యేకమైన అనుభవం కోసం ఒక టూర్ ప్లాన్ చేస్తే.. అక్కడికి చేరుకున్న తర్వాత ప్రజలు తమకు నచ్చని ప్రదేశాన్ని ఎంచుకుంటారు. లేదంటే అక్కడ కోరుకున్న సౌకర్యం లేకపోవడం వంటివి జరుగుతుంది. అందుకే ఏదైనా ప్రాంతానికి వెళ్లే ముందు.. దానికి సంబంధించి పూర్తి సమాచారాన్ని పొందాల్సి ఉంటుంది.
సీజన్‌లో వెళ్లడం : మీరు హనీమూన్, విహార యాత్రకు వెళ్తున్నట్లయితే.. పీక్ సీజన్‌లో ప్లాన్ చేయకండి. ఈ సమయంలో, రద్దీ కారణంగా ప్రతీది డిమాండ్ ఉంటుంది. పెద్ద సంఖ్యలో జనాలు వస్తారు. రద్దీ కారణంగా అక్కడి వస్తువులు కూడా చాలా ధర పెరుగుతుంది. తద్వారా ట్రిప్‌ను సరిగా ఆస్వాదించలేకపోతాము.