Moto G04s: రూ. 7 వేలలో కళ్లు చెదిరే ఫీచర్స్‌.. మోటో నుంచి స్టన్నింగ్ స్మార్ట్ ఫోన్‌
ప్రముఖ స్మార్ట్ ఫోన్‌ దిగ్గజం మోటోరోలా ఇటీవల వరుసగా బడ్జెట్ ఫోన్‌లను విడుదల చేస్తూ వస్తోంది. మరీ ముఖ్యంగా రూ. 10 వేల లోపు మార్కెట్‌ను టార్గెట్‌ చేసుకొని కొత్త ఫోన్‌ను తీసుకొచ్చింది. మోటీ జీ04ఎస్‌ పేరుతో ఈ ఫోన్‌ను తీసుకొస్తున్నారు. వచ్చే నెల మొదటి వారం నుంచి అందుబాటులోకి రానున్న ఈ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
ప్రముఖ ఎలక్ట్రానిక్‌ దిగ్గజం మోటోరోలా భారత మార్కెట్లోకి కొత్త ఫోన్‌ను లాంచ్‌ చేస్తోంది. బడ్జెట్ మార్కెట్‌ను టార్గెట్‌ చేసుకొని మోటో జీ04ఎస్‌ పేరుతో ఈ కొత్త ఫోన్‌ను తీసుకొస్తున్నారు. గతేడాది తీసుకొచ్చిన మోటో జీ04 స్మార్ట్ ఫోన్‌కు అప్‌డేట్ వెర్షన్‌గా ఈ ఫోన్‌ను తీసుకొస్తున్నారు. ఇంతకీ ఈ ఫోన్‌లో ఎలాంటి ఫీచర్లు ఉన్నాయి.? ఇప్పుడు తెలుసుకుందాం.
మోటో జీ04ఎస్‌ స్మార్ట్ ఫోన్‌ గురువారం లాంచ్‌ అవుతుండగా జూన్‌ మొదటి వారం నుంచి సేల్స్‌ ప్రారంభంకానున్నాయి. ప్రముఖ ఈకామర్స్‌ సంస్థ ఫ్లిప్‌కార్ట్ వేదికగా ఈ స్మార్ట్ ఫోన్‌ను విక్రయించనున్నారు.
ఇక ఈ ఫోన్‌ ఫీచర్ల విషయానికొస్తే ఇందులో.. యూనిసోక్ టీ606 ఎస్వోసీ ప్రాసెసర్‌ను అందించారు. ఈ ఫోన్‌లో 4 జీబీ ర్యామ్‌, 64 జీబీ స్టోరేజ్‌ను అందించారు. ఆండ్రాయిడ్‌ 14 ఆపరేటింగ్ సిస్టమ్‌తో పనిచేస్తుంది.
ఈ స్మార్ట్ ఫోన్‌లో డాల్బీ ఆట్మోస్‌ సౌండ్‌ను అందించారు. 6.6 ఇంచెస్‌తో కూడిన డిస్‌ప్లేను అంచారు. 90 హెర్ట్జ్‌ రీఫ్రెష్‌ రేట్‌ను అందించారు. కార్నింగ్ గొరిల్లా గ్లాస్ 3 ప్రొటెక్షన్‌ను ఇచ్చారు.
ఇదిలా ఉంటే ఈ స్మార్ట్ ఫోన్‌లో 500 ఎంఏహెచ్‌ బ్యాటరీని అందించారు. కెమెరా విషయానికొస్తే స్మార్ట్ ఫోన్‌లో 50 మెగాపిక్సెల్స్‌తో కూడిన ఫ్రంట్‌ కెమెరాను అందించారు. 4 జీబీ ర్యామ్‌, 64 జీబీ స్టోరేజ్‌ వేరియంట్‌ ధర రూ. 6,999 కాగా.. 8 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 7,499గా ఉండొచ్చని అంచనా వేస్తున్నారు