Lava Blaze 3: రూ. 10 వేలలో గ్లాస్ ఫినిషింగ్.. అదిరిపోయే ఫీచర్లతో లావా కొత్త ఫోన్
ఓవైపు చైనాకు చెందిన స్మార్ట్ ఫోన్ దిగ్గజ సంస్థలు భారత మార్కెట్లోకి బడ్జెట్ పోన్లను తీసుకొస్తున్నాయి. తక్కువ ధరలో యూజర్లను ఆకట్టుకునేందుకు అదిరిపోయే ఫీచర్లతో వస్తోంది. ఇదే క్రమంలో ప్రముఖ దేశీయ స్మార్ట్ ఫోన్ తయారీ సంస్థ లావా సైతం మంచి ఫోన్స్ను తీసుకొస్తోంది. ఈ క్రమంలోనే తాజాగా కొత్త ఫోన్ను తీసుకొచ్చింది..
భారతదేశానికి చెందిన ప్రముఖ స్మార్ట్ ఫోన్ తయారీ సంస్థ లావా మార్కెట్లోకి కొత్త ఫోన్ను తీసుకొచ్చింది. లావా బ్లేజ్ 3 పేరుతో ఈ ఫోన్ను తీసుకొచ్చారు. తక్కువ ధరలో అధునాతన ఫీచర్లతో ఈ ఫోన్ను లాంచ్ చేశారు. రూ. 10 వేల లోపు అందుబాటులో ఉన్న ఈ ఫోన్కు సంబంధించిన పూర్తి వివరాలు ఇప్పుడు తెలుసుకుందాం.
లావా బ్లేజ్ 3 స్మార్ట్ ఫోన్లో 6.5 ఇంచెస్తో కూడిన హెచ్డీ+ ఐపీఎస్ పంచ్ హోల్ డిస్ప్లేతో కూడిన స్క్రీన్ను అందించారు. 90Hz రిఫ్రెష్ రేట్ ఈ స్క్రీన్ సొంతం. ఈ స్మార్ట్ ఫోన్ ఆండ్రాయిడ్ 14 ఆపరేటింగ సిస్టమ్తో పనిచేస్తుంది.
బ్యాటరీ విషయానికొస్తే ఈ స్మార్ట్ ఫోన్లో 18 వాట్స్ ఫాస్ట్ ఛార్జింగ్కు సపోర్ట్ చేసే 500 ఎంఏహెచ్ బ్యాటరీని అందించారు. సెక్యూరిటీ కోసం ఇందులో సైడ్ ఫింగర్ ప్రింట్ సెన్సర్, ఫేస్ అన్లాక్ వంటి ఫీచర్లను అందించారు.
కెమెరా పరంగా చూస్తే ఈ ఫోన్లో 0 మెగాపిక్సెల్స్, 2 మెగాపిక్సెల్స్తో కూడిన డ్యూయల్ రెయిర్ కెమెరా సెటప్ను అందించార. ఇక సెల్ఫీలు, వీడియో కాల్స్ కోసం ఇందులో 8 మెగాపిక్సెల్స్తో కూడిన ఫ్రంట్ కెమెరాను అందించారు.
ఈ స్మార్ట్ ఫోన్ను గ్లాస్ ఫినిసింగ్తో తీసుకురావడం విశేషం. రూ. 10 వేల బడ్జెట్లో ఈ ఫీచర్ అందించడం విశేషం. డ్యూయల్ స్టీరియో స్పీకర్ అందించిన ఈ ఫోన్ను గ్లాస్ గోల్డ్, గ్లాస్ బ్లూ రంగుల్లో తీసుకొచ్చారు. ధర విషయానికకొస్తే ర. 9,999గా నిర్ణయించారు. లావా అధికారిక వెబ్సైట్తో పాటు, అమెజాన్లో సెప్టెంబర్ 18వ తేదీ నుంచి ఈ ఫోన్ అందుబాటులోకి రానుంది.