Garlic: రోజూ రాత్రి పడుకునే ముందు రెండు వెల్లుల్లి రెబ్బలు నమలడం వల్ల ఎన్ని లాభాలో తెలిస్తే..
వెల్లుల్లి.. ప్రతి వంటింట్లోనూ తప్పనిసరిగా ఉండే ముఖ్యమైన సుగంధ ద్రవ్యం. వెల్లుల్లి ఆహారం రుచిని పెంచుతుంది. అంతేకాదు.. ఎన్నో ఆరోగ్య ప్రయోజనాలను కూడా అందిస్తుంది. వెల్లుల్లిని క్రమం తప్పకుండా ఆహారంలో చేర్చుకోవడం వల్ల ఆరోగ్యానికి కూడా మేలు జరుగుతుంది, ఎందుకంటే వెల్లుల్లిలో లభించే రసం ఆహారం సరిగ్గా జీర్ణం కావడానికి సహాయపడుతుంది. అయితే, ప్రతి రోజు రాత్రి పడుకునే ముందు రెండు వెల్లుల్లి రెబ్బలు నమిలి తినడం వల్ల రెట్టింపు ఆరోగ్య ప్రయోజనాలు ఉన్నాయని నిపుణులు చెబుతున్నారు. అవెంటో ఇక్కడ తెలుసుకుందాం..
వెల్లుల్లి ఇమ్యూనిటీ వ్యవస్థను కూడా బలపరుస్తుంది. రాత్రి పడుకునే ముందు వెల్లుల్లి తినడం వల్ల రోగనిరోధక శక్తి బలపడుతుంది. ఎందుకంటే, ఇందులో అల్లిసిన్, విటమిన్ సి, విటమిన్ బి6, మాంగనీస్, సెలీనియం వంటి పోషకాలు ఉంటాయి. మీ శరీరం ఇన్ఫెక్షన్లతో పోరాడటానికి సహాయపడుతుంది. జలుబు, ఫ్లూ, సైనస్ ఇన్ఫెక్షన్లను నివారించవచ్చు.
వెల్లుల్లి గుండె ఆరోగ్యానికి సహాయపడుతుంది. రక్తపోటును కూడా నిర్వహిస్తుంది. హైపర్టెన్షన్ సమస్యలను కూడా తగ్గిస్తుంది. వెల్లుల్లిలో డిటాక్సిఫికేషన్ చేసే గుణం ఉంటుంది. ఇది మన శరీరంలో విషపదార్థాలు బయటకు పంపుతుంది. అంతేకాదు ఇది కాలేయ ఆరోగ్య పరిస్థితిని కూడా మెరుగు చేస్తుంది.
వెల్లుల్లిలో జింక్, సల్ఫర్ ఆధారిత సమ్మేళనాలు ఉంటాయి. ఇవి విశ్రాంతిని ప్రోత్సహిస్తాయి. ఒత్తిడిని తగ్గిస్తాయి. పడుకునే ముందు దీన్ని తీసుకోవడం వల్ల నిద్ర నాణ్యత మెరుగుపడుతుంది. దీనితో పాటు, ఇది నాడీ వ్యవస్థను ప్రశాంతపరచడంలో కూడా సహాయపడుతుంది. పడుకునే ముందు వెల్లుల్లి తినడం వల్ల ఒత్తిడి హార్మోన్లు తగ్గుతాయి. ఇది లోతైన, ప్రశాంతమైన నిద్రకు దారితీస్తుంది.
పడుకునే ముందు వెల్లుల్లి తినడం వల్ల కాలేయ ఎంజైమ్లు సక్రియం అవుతాయి. వెల్లుల్లి తినడం వల్ల శరీరంలో మంట తగ్గుతుంది. వెల్లుల్లిలో డయాలిల్ డైసల్ఫైడ్ వంటి యాంటీ ఇన్ఫ్లమేటరీ సమ్మేళనాలు కీళ్ల, కండరాల నొప్పి నుండి ఉపశమనం కలిగిస్తాయి. వెల్లుల్లి ఆర్థరైటిస్ సమస్యకు ఉపశమనం కలిగిస్తుంది.
వెల్లుల్లి తినడం వల్ల రక్తపోటు తగ్గుతుంది. అధిక రక్తపోటు ఉన్నవారు పడుకునే ముందు వెల్లుల్లి తీసుకోవడం వల్ల ప్రీబయోటిక్గా పనిచేస్తుంది. పేగులోని మంచి బ్యాక్టీరియాను పోషిస్తుంది. వెల్లుల్లి కడుపు ఉబ్బరాన్ని తగ్గిస్తుంది. మలబద్ధకాన్ని నివారిస్తుంది.