Ascendant Sign: లగ్నాధిపతి బాగుంటే అంతా బాగున్నట్టే! మరో ఏడాది పాటు ఆ రాశులవారికి తిరుగులేదు.. పట్టిందల్లా బంగారమే..!
Ascendant in Astrology: జ్యోతిష శాస్త్రంలో లగ్నానికి ఎంతో ప్రత్యేకత ఉంది. శిశువు పుట్టిన సమయాన్ని ఆధారంగా చేసుకుని లగ్నాధిపతి లేదా రాశి నాథుడు నిర్ణయించబడుతుంది. జాతక చక్రంలో గానీ, గ్రహచారంలో కానీ లగ్నాధిపతి బలంగా ఉంటే జీవితం సాఫీగా ప్రశాంతంగా సాగిపోతుందని చెప్పవచ్చు.
జ్యోతిష శాస్త్రంలో లగ్నానికి ఎంతో ప్రత్యేకత ఉంది. శిశువు పుట్టిన సమయాన్ని ఆధారంగా చేసుకుని లగ్నాధిపతి లేదా రాశి నాథుడు నిర్ణయించబడుతుంది. జాతక చక్రంలో గానీ, గ్రహచారంలో కానీ లగ్నాధిపతి బలంగా ఉంటే జీవితం సాఫీగా ప్రశాంతంగా సాగిపోతుందని చెప్పవచ్చు. జాతకంలో లేదా గోచారంలో యోగాలు ఉన్నా లేకపోయినా, రాశినాథుడు సరైన స్థానంలో ఉంటే ఎన్నో శుభయోగాలు పట్టినట్టే భావించవచ్చు. యోగాలు ఉన్నప్పటికీ రాశినాథుడు లేదా లగ్నాధిపతి బలహీనంగా ఉన్న పక్షంలో ఆ యోగాలు ఫలించే అవకాశం ఉండదు. ప్రస్తుత గ్రహచారం ప్రకారం ఏ రాశి వారికి వారి అధిపతి బలంగా ఉన్నాడో, ఎటువంటి జీవితం ఇవ్వబోతున్నాడో ఇక్కడ పరిశీలిద్దాం.
మేష రాశి: ఈ రాశి వారికి కుజుడు అధిపతి. ప్రస్తుతం ఈ గ్రహం కర్కాటక రాశిలో నీచపడి ఉంది. పైగా అక్కడ శుక్ర గ్రహంతో కలిసి ఉంది. జూలై 1వ తేదీ వరకు కర్కాటక రాశిలో సంచరించిన కుజ గ్రహం ఆ తర్వాత తన మిత్ర క్షేత్రమైన సింహరాశి లోకి ప్రవేశిస్తుంది. కుజ గ్రహం కర్కాటక రాశిలో నీచపడి ఉన్నంతకాలం మేష రాశి వారు ఉద్యోగ పరంగా కుటుంబ పరంగా కొద్దిగా ఇబ్బందులు పడటం అనుకున్న పనులు కాకపోవడం, ప్రయత్నాలు సఫలం కాకపోవడం వంటివి జరిగే అవకాశం ఉంది. జూలై 1 తరువాత ఈ రాశి వారి ప్రయత్నాలు పూర్తిగా ఫలిస్తాయి. కష్టనష్టాలు వెనక పట్టు పడతాయి.
వృషభ రాశి: ఈ రాశి వారికి శుక్రుడు అధిపతి. ప్రస్తుతం ఈ శుక్ర గ్రహం కర్కాటక రాశిలో సంచరిస్తూ ఉంది. ఈ రాశిలో కుజ గ్రహంతో కలిసి ఉంది. కర్కాటక రాశి శుక్ర గ్రహానికి శత్రు క్షేత్రం. జూలై ప్రారంభంలో ఈ గ్రహం సింహ రాశిలోకి ప్రవేశిస్తుంది. సింహరాశి కూడా శుక్ర గ్రహానికి శత్రు క్షేత్రమే అవుతుంది. అందువల్ల మరో రెండు నెలల పాటు వృషభ రాశి వారికి మధ్య మధ్య సమస్యలు, ఆటంకాలు, అవరోధాలు ఎదురయ్యే అవకాశం ఉంది. ఆర్థిక ప్రయత్నాలు ఒక పట్టాన కలసి రావు. ఉద్యోగపరంగా జీవితం సాఫీగా సాగిపోతుంది. కుటుంబ జీవితం కూడా మధ్య మధ్య చికాకులకు లోనవుతూ ఉంటుంది.
మిథున రాశి: ఈ రాశికి బుధుడు అధిపతి. ఈ గ్రహం తన మిత్ర క్షేత్రమైన వృషభ రాశిలో సంచరిస్తోంది. ఈనెల 24 తరువాత తన స్వక్షేత్రమైన మిధున రాశిలోకి ప్రవేశిస్తుంది. దాదాపు 45 రోజులపాటు బుధ గ్రహం మిధున రాశి వారికి అనుకూలంగా ఉండబోతోంది. దీనివల్ల ఆర్థికంగా పురోగతి చెందటం, ఉద్యోగంలో అభివృద్ధి కనిపించడం, నిరుద్యోగులకు ఉద్యోగం లభించడం, ఆరోగ్యం మెరుగుపడటం, కుటుంబ జీవితం సంతోషంగా సాగిపోవటం, వృత్తి, వ్యాపారాలు పురోగతి సాధించడం వంటివి జరుగుతాయి. ఉద్యోగ పరంగా, ఆర్థికంగా స్థిరత్వం లభిస్తుంది. మనసులోని కోరికలు నెరవేరుతాయి.
కర్కాటక రాశి: ఈ రాశి వారికి చంద్రుడు అధిపతి. ఈనెల 19 నుంచి వారం పది రోజులపాటు చంద్రగ్రహం స్వక్షేత్రంలోనూ, మిత్ర క్షేత్రాలలోనూ సంచరించటం జరుగుతుంది. అందువల్ల ఈ రాశి వారికి అనుకున్న పనులు పూర్తి కావడం, ఒకటి రెండు వ్యక్తిగత సమస్యలు పరిష్కారం కావడం, ఆర్థిక పరిస్థితి ఆశాజనకంగా మారటం, కుటుంబ జీవితం ప్రశాంతంగా సాగిపోవటం, డాక్టర్లకు లాయర్లకు డిమాండ్ పెరగటం వంటివి తప్పకుండా చోటుచేసుకుంటాయి. చంద్రుడు ఆరోగ్యానికి కారకుడు కనుక ఆరోగ్యం కూడా మెరుగుపడే అవకాశం ఉంది. దాంపత్య జీవితంలో అన్యోన్యత పెరుగుతుంది.
సింహ రాశి: ఈ రాశికి అధిపతి అయిన రవిగ్రహం ప్రస్తుతం తన మిత్ర క్షేత్రమైన మిధున రాశిలో సంచరించడం జరుగుతోంది. సెప్టెంబర్ 17వ తేదీ వరకు రవిగ్రహం సింహ రాశి వారికి అనుకూలంగా ఉండటం జరుగుతుంది. అందువల్ల ఈ రాశి వారు వృత్తి ఉద్యోగాలపరంగా పురోగతి సాధించడానికి, నిరుద్యోగులకు ఉద్యోగం లభించడానికి, పెళ్లి ప్రయత్నాలు సఫలం కావడానికి, ఆదాయం ఆశించిన స్థాయిలో పెరగటానికి అవకాశం ఉంది. జాతక చక్రంలో కానీ గ్రహచారంలో కానీ రవి గ్రహం అనుకూలంగా ఉన్న పక్షంలో కోటి దోషాలైనప్పటికీ కొట్టుకుపోవడం జరుగుతుంది. ఆరోగ్యం కూడా అనుకూలంగా ఉంటుంది.
కన్యా రాశి: ఈ రాశికి అధిపతి అయినటువంటి బుధ గ్రహం ప్రస్తుతం ఈ నెల 24 వరకు తన మిత్ర క్షేత్రమైన వృషభ రాశిలో, ఆ తర్వాత తన స్వక్షేత్రమైన మిధున రాశిలో సంచరించడం జరుగుతుంది. దీనివల్ల కన్యా రాశి వారికి ఉద్యోగం, ఆర్థిక పరి స్థితి, విదేశీయానం వంటి కీలకమైన అంశాలలో సమయం అనుకూలిస్తుంది. ఉద్యోగ ప్రయత్నాలు ఉద్యోగం మారటానికి చేసే ప్రయత్నాలు తప్ప కుండా సత్ఫలితాలను ఇస్తాయి. విద్యార్థులు తాము కోరుకున్న లేదా ఆశించిన కోర్సులలో చేరటానికి అవకాశం ఉంది. వృత్తి ఉద్యోగాలలో సానుకూల మార్పులు చోటుచేసుకుంటాయి. ఆరోగ్యం కూడా అనుకూలంగా ఉంటుంది.
తులా రాశి: ఈ రాశికి అధిపతి అయిన శుక్ర గ్రహం ప్రస్తుతం తన శత్రు క్షేత్రమైన కర్కాటక రాశిలో సంచరిస్తోంది. జూలై నెల ప్రారంభంలో ఇది తనకు మరో శత్రు క్షేత్రమైన సింహరాశిలోకి ప్రవేశిస్తుంది. దీనివల్ల వ్యక్తిగత పురోగతిలో కొద్దిగా ఆటంకాలు ఏర్పడే అవకాశం ఉంది. ఆర్థిక ప్రయత్నాలు సంతృప్తికరమైన ఫలితాలను ఇవ్వకపోవచ్చు. అయితే, ఉద్యోగ జీవితం, కుటుంబ జీవితం ప్రశాంతంగా సాగిపోవచ్చు. ఆరోగ్యం పట్ల శ్రద్ధ చూపించడం మంచిది. వృత్తి వ్యాపారాలలో కొద్దిగా అసంతృప్తి అసమ్మతి తలెత్తే అవకాశం ఉంది. కుటుంబ జీవితానికి తాత్కాలికంగా దూరం అయ్యే సూచనలు కూడా ఉన్నాయి.
వృశ్చిక రాశి: ఈ రాశికి అధిపతి అయినటువంటి కుజగ్రహం ప్రస్తుతం తన నీచరాశి అయిన కర్కాటక రాశిలో సంచరిస్తోంది. జూలై 1 తరువాత తనకు మిత్ర క్షేత్రమైన సింహ రాశిలోకి ప్రవేశిస్తుంది. అందువల్ల జూలై ఒకటవ తేదీ వరకు ఈ రాశి వారికి కాలం అనుకూలంగా లేదని చెప్పవచ్చు. ముఖ్యమైన పనులలో అవరోధాలు ఎదురయ్యే అవకాశం ఉంది. అనారోగ్యాలకు గురికావడం, ప్రమాదాలు జరగటం, డబ్బు నష్టం అవటం, స్నేహితులెవరో మోసం చేయడం వంటివి అనుభవానికి రావచ్చు. కొద్దిగా అప్రమత్తంగా ఉండవలసిన అవసరం ఉంది. ఆర్థిక ప్రయత్నాలు, ఉద్యోగ ప్రయత్నాలు అనుకూలిస్తాయి.
ధనూ రాశి: ఈ రాశికి అధిపతి అయిన గురుగ్రహం తన మిత్ర క్షేత్రమైన మేషరాశిలో సంచరించడం జరుగు తోంది. ఈ రాశిలో గురుగ్రహం వచ్చే ఏడాది ఏప్రిల్ 24 వరకు కొనసాగుతుంది. అందువల్ల ఈ రాశి వారు అనేక విధాలుగా అనేక శుభయోగాలను అనుభవించే అవకాశం ఉంది. సంతానం లేని వారికి సంతానం కలగటం, పిల్లలు వృద్ధిలోకి రావటం, ఈ రాశి వారి ఆలోచనలు ప్రయత్నాలు, నిర్ణయాలు, సత్ఫలితాలను ఇవ్వటం, ఆర్థిక ప్రయత్నాలలో విజయం సాధించటం, ఉద్యోగం సంపాదించడం, కోరుకున్న ఉద్యోగంలోకి మారటం వంటివి జరిగే అవకాశం ఉంది. దీర్ఘకాలిక రోగులు సైతం కోలుకునే అవకాశం ఉంది.
మకర రాశి: ఈ రాశికి అధిపతి అయిన శనీశ్వరుడు తన స్వక్షేత్రమైన కుంభరాశిలో 2025 జూలై వరకు సంచరించడం జరుగుతుంది. ఈ రాశి వారికి ఈ రెండేళ్ల కాలం యోగదాయక కాలంగా చెప్ప వచ్చు. మధ్య మధ్య చిన్న చిన్న సమస్యలు ఆటంకాలు ఆలస్యాలు అవరోధాలు ఎదురైన ప్పటికీ మొత్తం మీద ఈ రాశి వారికి ఆర్థికంగా, వృత్తి, ఉద్యోగాల పరంగా సుస్థిరత్వం లభించడం జరగవచ్చు. స్వయంకృషితో ఉద్యోగం సంపాదిం చడం మంచి ఉద్యోగంలోకి మారటం ఆదాయం గడించడం ఆరోగ్యాన్ని మెరుగుపరుచుకోవడం వంటివి తప్పకుండా జరిగే అవకాశం ఉంది. ఒకటి రెండు ముఖ్యమైన శుభ పరిణామాలు చోటు చేసుకునే సూచనలు కూడా ఉన్నాయి.
కుంభ రాశి: ఈ రాశికి అధిపతి అయినటువంటి శనీశ్వరుడు కుంభరాశిలోనే స్వక్షేత్రంలోనే రెండేళ్ల పాటు సంచరించడం జరుగుతుంది. ప్రస్తుతం ఈ రాశి వారికి ఏలినాటి శని జరుగుతున్నప్పటికీ ఉద్యోగ భద్రత ఆర్థిక భద్రత ఏర్పడే అవకాశం ఉంది. ముఖ్యమైన పనులు సైతం ఆలస్యం కావడం జరుగుతుంది. ఉద్యోగ, ఆర్థిక, ఆరోగ్య యోగాలు ఆలస్యం కావడం జరగవచ్చు కానీ అవి అనుభవానికి రాకుండా ఉండే అవకాశం లేదు. జీవితం అనేక విధాలుగా మలుపులు తిరిగే సూచనలు ఉన్నాయి. వృత్తి ఉద్యోగాలలో బాగా డిమాండ్ పెరగడం జరుగుతుంది. ఆరోగ్యం చాలావరకు అనుకూలంగా ఉంటుంది.
మీన రాశి: ఈ రాశి వారికి గురుడు అధిపతి. సహజంగా శుభ గ్రహమైన గురు గ్రహం తన మిత్ర క్షేత్రమైన మేష రాశిలో వచ్చే ఏడాది ఏప్రిల్ 24 వరకు సంచరిస్తూ ఉన్నందువల్ల ఈ రాశి వారికి ఆర్థికంగా అదృష్టం పట్టే అవకాశం ఉంది. ఆకస్మిక ధన లాభం, ధనయోగం, కుటుంబవృద్ది, శుభవార్త శ్రవణం, ఉద్యోగ ప్రాప్తి వంటివి అనుభవానికి వస్తాయి. ఆధ్యాత్మిక చింతన కొత్త పుంతలు తొక్కుతుంది. తీర్థయాత్రలకు అవకాశం ఉంది. సమాజంలో ముఖ్యమైన వ్యక్తులతో పరిచ యాలు అవుతాయి. పలుకుబడి పెరుగుతుంది. కొత్త నైపుణ్యాలు అబ్బుతాయి. వ్యాపారంలో ఉన్నవారికి బాగా కలిసి వస్తుంది.