Weekly Horoscope: ఆ రాశుల వారికి పదోన్నతులు.. 12 రాశుల వారికి వారఫలాలు
వార ఫలాలు (మే 11-17, 2025): మేష రాశి వారికి ఈ వారం ఉద్యోగ జీవితం సాఫీగా సాగిపోతుంది. వృత్తి, వ్యాపారాలు కొద్దిగా బిజీగా సాగిపోతాయి. వృషభ రాశివారికి వారమంతా ఆడింది ఆటగా పాడింది పాటగా సాగిపోతుంది. లాభ స్థానంలోకి శని ప్రవేశించినందు వల్ల ఆదాయం ఇబ్బడిముబ్బడిగా పెరుగుతుంది. మిథున రాశి వారు ఉద్యోగం మారకపోవడం చాలా మంచిది. నిరుద్యోగులకు దూర ప్రాంతాల్లో ఉద్యోగం లభించే అవకాశం ఉంది. మేష రాశి మొదలు మీన రాశి వరకు 12 రాశుల వారికి వారఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1): ఉద్యోగ జీవితం సాఫీగా సాగిపోతుంది. వృత్తి, వ్యాపారాలు కొద్దిగా బిజీగా సాగిపోతాయి. ప్రతి పని లోనూ, ప్రతి ప్రయత్నంలోనూ తిప్పట, శ్రమ, వ్యయ ప్రయాసలు ఎక్కువగా ఉంటాయి. స్వల్పంగా అనారోగ్య సమస్యలు, వైద్య ఖర్చులు తప్పకపోవచ్చు. నిరుద్యోగులకు విదేశాల్లో లేదా దూర ప్రాంతంలో ఉద్యోగం లభిస్తుంది. కొద్ది ప్రయత్నంతో ధన లాభాలు కలుగుతాయి. ఆచితూచి పెట్టుబడులు పెట్టడం మంచిది. ఆర్థిక సమస్యలు చాలావరకు తగ్గిపోతాయి. ఉద్యోగ ప్రయత్నాలు, పెళ్లి ప్రయత్నాలకు సానుకూల స్పందన లభిస్తుంది. విద్యార్థులు బాగా కష్టపడితే తప్ప ఫలితం ఉండకపోవచ్చు. ప్రేమ వ్యవహారాలు హ్యాపీగా సాగిపోతాయి. తరచూ శివార్చన చేయించడం లేదా నవ గ్రహాలకు తరచూ ప్రదక్షిణలు చేయడం వల్ల ఏలిన్నాటి శని ప్రభావం బాగా తగ్గుతుంది.
1 / 12
వృషభం (కృత్తిక 2,3,4, రోహిణి, మృగశిర 1,2): ఈ రాశివారికి వారమంతా ఆడింది ఆటగా పాడింది పాటగా సాగిపోతుంది. లాభ స్థానంలోకి శని ప్రవేశించినందు వల్ల ఆదాయం ఇబ్బడిముబ్బడిగా పెరుగుతుంది. విదేశాల్లో ఉద్యోగం చేయాలన్న ఉద్యోగులు, నిరుద్యోగుల కల నెరవేరే అవకాశం ఉంది. ఉద్యోగంలో పదోన్నతులు కలుగుతాయి. వృత్తి, వ్యాపారాల్లో అంచనాలకు మించిన లాభాలు కలుగుతాయి. విద్యార్థులు ఉత్తమ ఫలితాలు సాధిస్తారు. ఉద్యోగులకు బాగా డిమాండ్ పెరుగుతుంది. ఆస్తి వివాదాలు అనుకూలంగా పరిష్కారమవుతాయి. సొంత ఇంటి కల నెరవేరుతుంది. సంతాన యోగానికి అవకాశం ఉంది. సంపన్న కుటుంబంలో పెళ్లి సంబంధం కుదురుతుంది. ఈ రాశివారు విష్ణు సహస్ర నామ స్తోత్రం పఠించడం మంచిది. ఆరోగ్యం బాగానే ఉంటుంది. ప్రేమ వ్యవహారాలు సాఫీగా, సానుకూలంగా సాగిపోతాయి.
2 / 12
మిథునం (మృగశిర 3,4, ఆర్ద్ర, పునర్వసు 1,2,3): ఈ రాశివారికి ఉద్యోగంలో బరువు బాధ్యతలు బాగా పెరుగుతాయి. ఉద్యోగం మారకపోవడం చాలా మంచిది. నిరుద్యోగులకు దూర ప్రాంతాల్లో ఉద్యోగం లభించే అవకాశం ఉంది. ప్రముఖులతో పరిచయాలు వృద్ధి చెందుతాయి. ఉద్యోగంలో స్థిరత్వం లభిస్తుంది. వృత్తి, వ్యాపారాలు నిలకడగా సాగి పోతాయి. వృత్తి, ఉద్యోగాల రీత్యా విదేశాలకు ఎక్కువగా వెళ్లడం జరుగుతుంది. ఆస్తి వివాదాలు, కోర్టు వివాదాల నుంచి విముక్తి లభిస్తుంది. ఆర్థికంగా అంచనాలకు మించిన పురోగతి ఉంటుంది. కొన్ని ముఖ్యమైన వ్యక్తిగత సమస్యలు పరిష్కారమవుతాయి. ఆర్థిక వ్యవహారాలు సంతృప్తికరంగా కొనసాగుతాయి. ఇంట్లో శుభకార్యాలు జరుగుతాయి. విద్యార్థులు తేలికగా విజయాలు సాధిస్తారు. ప్రేమ వ్యవహారాలు ఉత్సాహంగా సాగిపోతాయి. తరచూ సుబ్రహ్మణ్యాష్టకం పఠించడం చాలా మంచిది.
3 / 12
కర్కాటకం (పునర్వసు 4, పుష్యమి, ఆశ్లేష): కొన్ని కష్టనష్టాల నుంచి క్రమంగా బయటపడడం జరుగుతుంది. కుటుంబంలో శుభ పరిణామాలు చోటు చేసుకుంటాయి. ఆదాయం బాగా వృద్ధి చెందుతుంది. కొద్దిగా ఖర్చులు పెరిగే అవకాశం ఉంది. ఉద్యోగ జీవితంలో సానుకూల మార్పులు చోటు చేసుకుంటాయి. వృత్తి, వ్యాపారాలు క్రమంగా బలం పుంజుకుంటాయి. ఆర్థిక వ్యవహారాలను జాగ్రత్తగా నిర్వహించుకోవడం మంచిది. వారాంతంలో కుటుంబ సమస్యలు, ఆరోగ్య సమస్యలు తలెత్తే అవకాశం ఉంది. విద్యార్థులు కొద్దిపాటి శ్రమతో ఉత్తమ ఫలితాలు సాధిస్తారు. కొద్ది ప్రయత్నంతో మంచి పెళ్లి సంబంధం కుదురుతుంది. ప్రేమ వ్యవహారాలు సానుకూలంగా సాగిపోతాయి. నిరుద్యోగులు శుభవార్తలు వింటారు. ఈ రాశివారు సుందరకాండ పారాయణం చేయడం వల్ల జాతక దోషాలు తగ్గిపోయే అవకాశం ఉంది.
4 / 12
సింహం (మఖ, పుబ్బ, ఉత్తర 1): అష్టమ శని ప్రభావం వల్ల ప్రతి పనిలోనూ తిప్పట, శ్రమ ఎక్కువగా ఉంటాయి. అనవసర విషయాలకు ప్రాధాన్యం ఇవ్వడం, ముఖ్యమైన విషయాలను నిర్లక్ష్యం చేయడం జరుగుతుంది. వృత్తి, ఉద్యోగాల్లో పని భారం పెరిగే అవకాశం ఉంది. పెళ్లి, ఉద్యోగ ప్రయత్నాల్లో శుభవార్తలు వింటారు. వారం చివరలో ఆదాయం కొద్దిగా వృద్ది చెందుతుంది. వృథా ఖర్చులు, నష్టదాయక వ్యవహారాలతో ఇబ్బంది పడతారు. ప్రముఖులతో పరిచయాలు ఏర్పడతాయి. రావలసిన సొమ్ము చేతికి అందుతుంది. ముఖ్యమైన అవసరాలు తీరుతాయి. ఆర్థిక సమస్యలు తగ్గుముఖం పడతాయి. ఆహార, విహారాల్లో జాగ్రత్తగా ఉండాలి. విద్యార్థులు బాగా కష్టపడాల్సి ఉంటుంది. ప్రేమ వ్యవహారాలు సాదాసీదాగా ముందుకు సాగుతాయి. తరచూ గణపతి స్తోత్రాన్ని పఠించడం చాలా మంచిది.
5 / 12
కన్య (ఉత్తర 2,3,4, హస్త, చిత్త 1,2): ఉద్యోగంలో మీ ప్రాధాన్యం, ప్రాభవం బాగా పెరుగుతాయి. అధికారులు మీ మీద బాగా ఎక్కువగా ఆధారపడడం జరుగుతుంది. పదోన్నతులు కలుగుతాయి. జీతభత్యాలు బాగా పెరుగుతాయి. వృత్తి, వ్యాపారాలు ఆశాజనకంగా, ప్రోత్సాహకరంగా సాగిపోతాయి. అనేక విధాలుగా ఆదాయం వృద్ధి చెందుతుంది. ఆర్థిక, వ్యక్తిగత, ఆరోగ్య సమస్యల నుంచి చాలావరకు బయటపడడం జరుగుతుంది. అనవసర ఖర్చులు పెరుగుతాయి. ఆర్థిక విషయాల్లో ఆచితూచి వ్యవహరించడం మంచిది. మరింత మంచి ఉద్యోగంలోకి మారడానికి అవకాశం ఉంది. పెళ్లి ప్రయత్నాలకు సానుకూల స్పందన లభిస్తుంది. విద్యార్థులు తేలికగా విజయాలు సాధిస్తారు. ప్రేమ వ్యవహారాలు ఉత్సాహంగా సాగిపోతాయి. తరచూ ఆదిత్య హృదయం పఠించడం వల్ల శుభ ఫలితాలు కలుగుతాయి.
6 / 12
తుల (చిత్త 3,4, స్వాతి, విశాఖ 1,2,3): ఈ రాశివారికి వారమంతా హ్యాపీగా గడిచిపోతుంది. ఉద్యోగంలో రాజయోగాలు పట్టే అవకాశం ఉంది. పట్టిందల్లా బంగారం అవుతుంది. ఏ ప్రయత్నం తలపెట్టినా విజయవంతమవుతుంది. షేర్లు, స్పెక్యులేషన్ల వల్ల అంచనాలకు మించి లాభాలు పొందుతారు. ఆదాయం ఇబ్బడిముబ్బడిగా పెరుగుతుంది. కుటుంబంలో శుభ పరిణామాలు చోటు చేసుకుంటాయి. సంతాన ప్రాప్తికి అవకాశం ఉంది. ఆర్థిక పరిస్థితి బాగా మెరుగుపడుతుంది. వృత్తి, వ్యాపారాల్లో పోటీదార్లపై పైచేయి సాధిస్తారు. ఉద్యోగంలో ఉన్నత పదవులు పొందుతారు. ఉన్నత స్థానాల్లో ఉన్న వారితో పరిచయాలు పెరుగుతాయి. ఆరోగ్యం బాగానే ఉంటుంది. విద్యార్థులు ఉత్తమ ఫలితాలు సాధిస్తారు. ప్రేమ వ్యవహారాలు ఉత్సాహంగా సాగిపోతాయి. ఈ రాశివారు లలితా సహస్ర నామం పఠించడం మంచిది.
7 / 12
వృశ్చికం (విశాఖ 4, అనూరాధ, జ్యేష్ట): ఈ వారంలో కొన్ని కష్టనష్టాల నుంచి, సమస్యల నుంచి బయటపడే అవకాశం ఉంది. ఆదాయం నిలకడగా సాగిపోతుంది. వృత్తి, వ్యాపార, ఉద్యోగాల్లో సానుకూల మార్పులు చోటు చేసుకుంటాయి. ఆరోగ్యం మీద శ్రద్ధ పెట్టడం మంచిది. ఆస్తి వివాదాలు పరిష్కార దిశగా సాగుతాయి. కుటుంబ జీవితం సాఫీగా, సానుకూలంగా సాగిపోతుంది. ఆర్థిక విషయాల్లో ఎంత జాగ్రత్తగా ఉంటే అంత మంచిది. వృథా ఖర్చులు బాగా పెరిగే అవకాశం ఉంది. వ్యాపారాలు నిలకడగా ముందుకు సాగుతాయి. వృత్తి జీవితంలో యాక్టివిటీ పెరుగుతుంది. ఉద్యోగంలో బరువు బాధ్యతలు పెరుగుతాయి. విద్యార్థులు కొద్ది ప్రయత్నంతో ఉత్తమ ఫలితాలు సాధిస్తారు. మంచి పెళ్లి సంబంధం కుదురుతుంది. ప్రేమ వ్యవహారాలు హ్యాపీగా సాగిపోతాయి. హనుమాన్ చాలీసా చదువుకోవడం మంచిది.
8 / 12
ధనుస్సు (మూల, పూర్వాషాఢ, ఉత్తరాషాఢ 1): వృత్తి, ఉద్యోగాల్లో ప్రాధాన్యం బాగా పెరుగుతుంది. అధికారుల నమ్మకాన్ని చూరగొంటారు. ఉద్యోగులు విదేశీ సంస్థల్లోకి ఉద్యోగం మారడానికి అవకాశం ఉంటుంది. వృత్తి, వ్యాపారాలు రాబడి పరంగా దూసుకుపోతాయి. ఆదాయం బాగా వృద్ధి చెందుతుంది. శుభవార్తలు ఎక్కువగా వింటారు. సంపన్న కుటుంబంలో పెళ్లి సంబంధం కుదురుతుంది. నిరుద్యోగులకు విదేశాల్లో ఉద్యోగం లభిస్తుంది. ఏ ప్రయత్నం చేపట్టినా సఫలం అవుతుంది. శుభ కార్యాల మీద ఖర్చులు పెరిగే అవకాశం ఉంది. అనారోగ్యం నుంచి కోలుకోవడం జరుగుతుంది. వ్యక్తిగత సమస్యలు తగ్గుముఖం పడతాయి. కుటుంబ జీవితం హ్యాపీగా, సాఫీగా సాగిపోతుంది. విద్యార్థులు తేలికగా విజయాలు సాధిస్తారు. ప్రేమ వ్యవహారాల్లో సాన్నిహిత్యం పెరుగుతుంది. ఎక్కువగా శివార్చన చేయించడం మంచిది.
9 / 12
మకరం (ఉత్తరాషాఢ 2,3,4, శ్రవణం, ధనిష్ట 1,2): వారం రోజుల పాటు జీవితం సుఖ సంతోషాలతో సాగిపోతుంది. ఉద్యోగంలో సానుకూల మార్పులు చోటు చేసుకుంటాయి. పదోన్నతులు లభించే అవకాశం కూడా ఉంది. వృత్తి, వ్యాపారాలు లాభాల బాటపడతాయి. కుటుంబంలో శుభ పరిణామాలు చోటు చేసుకుంటాయి. ఆదాయం బాగా వృద్ధి చెందుతుంది. కొన్ని ముఖ్యమైన వ్యక్తిగత, ఆర్థిక సమస్యలు పరిష్కారమయ్యే అవకాశం ఉంది. ఖర్చుల విషయంలో జాగ్రత్తగా ఉండడం మంచిది. ఆర్థిక విషయాల్లో ఎవరినీ అతిగా నమ్మకపోవడం శ్రేయస్కరం. స్వల్ప అనారోగ్యానికి అవకాశం ఉంది. ఉద్యోగ, పెళ్లి ప్రయత్నాల్లో శుభవార్తలు వినే అవకాశం ఉంది. కుటుంబ జీవితం సాఫీగా, హ్యాపీగా సాగిపోతుంది. విద్యార్థులకు శ్రమ తప్పకపోవచ్చు. ప్రేమ వ్యవహారాల్లో ఖర్చులు పెరుగుతాయి. ఈ రాశివారు శివార్చన చేయడం మంచిది.
10 / 12
కుంభం (ధనిష్ట 3,4, శతభిషం, పూర్వాభాద్ర 1,2,3): కొద్దిగా ఆర్థిక సమస్యలకు, కుటుంబ సంబంధమైన ఒత్తిళ్లకు అవకాశం ఉంది. ఆర్థిక వ్యవహారాల్లో ఎవరినీ అతిగా నమ్మకపోవడం మంచిది. ఆదాయ ప్రయత్నాల్లో శ్రమ ఎక్కువ ఫలితం తక్కువగా ఉంటుంది. ఆరోగ్యం విషయంలో జాగ్రత్తగా ఉండడం మంచిది. మాట తొందరపాటు వల్ల సమస్యలు తలెత్తుతాయి. వృత్తి, ఉద్యోగ, వ్యాపారాల్లో ఆదాయం నిలకడగా సాగిపోతుంది. రావలసిన సొమ్మును రాబట్టుకుంటారు. షేర్లు, స్పెక్యులేషన్ల వంటివి స్వల్పంగా లాభిస్తాయి. వారాంతంలో వ్యక్తిగత, కుటుంబ సమస్యల నుంచి కొద్దిగా విముక్తి లభిస్తుంది. విద్యార్థులు విజయాలు సాధిస్తారు. ప్రేమ వ్యవహారాలు సవ్యంగా సాగిపోతాయి. పెళ్లి, ఉద్యోగ ప్రయత్నాలు సఫలమవుతాయి. ఈ రాశివారు శివార్చన చేయించడంతో పాటు తరచూ నవ గ్రహాలకు ప్రదక్షిణలు చేయడం అవసరం.
11 / 12
మీనం (పూర్వాభాద్ర 4, ఉత్తరాభాద్ర, రేవతి): ఈ రాశివారు ఆరోగ్యం పట్ల శ్రద్ధ పెట్టాల్సిన అవసరం ఉంది. వ్యక్తిగత సమస్యలు చాలావరకు పరిష్కారం అవుతాయి. ఆదాయం బాగానే వృద్ధి చెందుతుంది. ఆర్థిక వ్యవహారాల్లో లాభాలు పొందే అవకాశం ఉంది. ఆర్థిక విషయాల్లో జాగ్రత్తగా ఉండాల్సిన అవసరం ఉంది. వృత్తి, ఉద్యోగాల్లో ప్రాధాన్యం పెరుగుతుంది. కొద్దిగా ఖర్చులు అదుపు తప్పే అవకాశం ఉంది. కుటుంబ జీవితం సాఫీగా సాగిపోతుంది. సొంత ఇంటి ప్రయత్నాలు ఒక కొలిక్కి వస్తాయి. వృత్తి, వ్యాపారాల్లో లాభాలు కొద్దిగా పెరుగుతాయి. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. బంధువర్గంలో అనుకోకుండా మంచి పెళ్లి సంబంధం కుదురుతుంది. విద్యార్థులకు శ్రమ తప్పకపోవచ్చు. ప్రేమ వ్యవహారాలు సాఫీగా సాగిపోతాయి. ఈ రాశివారు సుబ్రహ్మణ్యాష్టకం చదువుకోవడం చాలా మంచిది.
