Mystery Temple: ఐదు దశాబ్దాలుగా వాడిపోని కొబ్బరి కాయ.. స్వయంభు శివలింగం కపోతేశ్వర స్వామి ఆలయ విశిష్టత ఏమిటంటే..
అంబేద్కర్ కోనసీమ జిల్లా రాజోలు మండలం కడలి గ్రామంలో స్వయంభుగా వెలసిన కపోతేశ్వర స్వామి ఆలయంలో సుబ్బారాయుడి షష్టి సందర్భంగా రాత్రి వల్లి దేవసేన సమేత శ్రీ సుబ్రహ్మణ్యేశ్వర స్వామి కళ్యాణ మహోత్సవం అతి వైభవంగా జరిగింది. తెల్లవారుజాము నుండి షష్టి తీర్థం మొదలయింది. ఈ మేరకు ఇప్పటికే ఆలయ అధికారులు పోలీస్ యంత్రాంగం ఏర్పాట్లు పూర్తి చేశారు.
అంబేద్కర్ కోనసీమ జిల్లా రాజోలు మండలం కడలి గ్రామంలో స్వయంభుగా వెలసిన కపోతేశ్వర స్వామి ఆలయంలో సుబ్బారాయుడి షష్టి సందర్భంగా రాత్రి వల్లి దేవసేన సమేత శ్రీ సుబ్రహ్మణ్యేశ్వర స్వామి కళ్యాణ మహోత్సవం అతి వైభవంగా జరిగింది. తెల్లవారుజాము నుండి షష్టి తీర్థం మొదలయింది. ఈ మేరకు ఇప్పటికే ఆలయ అధికారులు పోలీస్ యంత్రాంగం ఏర్పాట్లు పూర్తి చేశారు.
మార్గశిర మాసం శుక్ల పక్షంలోని షష్టి తిధిని సుబ్రమణ్య షష్టిగా జరుపుకుంటారు. తెలుగు రాష్ట్రాలతో పాటు ఈ పండగను ఎక్కడ సుబ్రహ్మణ్య స్వామి ఆలయాలు ఉంటాయో అక్కడ పూజలను నిర్వహిస్తారు. సుబ్బారాయుడి షష్టి అనగానే తెలుగువారికి ముందుగా గుర్తుకొచ్చేది కోనసీమ జిల్లాలోని కపోతేశ్వర స్వామి ఆలయం. ఇక్కడ సుబ్రహ్మణ్య స్వామి ఒక కొబ్బరి కాయలో వెలిశాడు. అంతేకాదు ఇక్కడ ఉన్న కొబ్బరి కాయ ఐదు దశాబ్దాలు నుంచి పూజలను అందుకుంటుంది.
కపోతేశ్వర స్వామి ఆలయం చారిత్రక నేపథ్యం. క్రీస్తు శకం 15 ,16 శతాబ్దంలో పల్లవులు శ్రీ కపోతేశ్వర ఆలయాన్ని నిర్మించారని ఆలయ ఆవరణలో నాగలిపులో రాసి ఉన్న శాసనం ద్వారా ఈ గుడి చరిత్ర తెలుస్తుంది.
రెండు కపోతాలు ఒక వేటగాడు ప్రాణత్యాగానికి ప్రతీకగా శివుడి ఈ ప్రాంతంలో వెలసినట్టు పురాణ గాధ. బోయవాడు స్వామికి సాష్టాంగ నమస్కారం చేస్తున్నట్టుగా శిలా రూపం ఉంది. అలాగే పురాతన నారికేళం పైభాగాన పడక విప్పిన సర్పరూపం స్పష్టంగా ఇక్కడ కనిపించడం విశేషం.
కడలి కపోతేశ్వర స్వామి ఆలయం విశిష్టత: కపోతం అంటే పావురము ఈ క్షేత్రంలో పావురాలు జంట రూపంలో స్వయంభు శివలింగం వెలసింది ఈ శివలింగంపై కపోతములు రెక్కలు ఆకృతి స్పష్టంగా దర్శనమిస్తోంది
ఈ క్షేత్రంలో సుబ్రహ్మణ్యస్వామి నాగేంద్రుని రూపంలో ఇల వేల్పుగా వెలయడంతో శివలింగంతో పాటు నాగేంద్రుడు కూడా నిత్య పూజలు అందుకుంటున్నారు. ఆలయానికి ఆనుకుని ఉన్న కొలను కపోతగుండంగా ప్రసిద్ధి చెందింది.
కాశీలోని గంగాజలం ఈ గుండంలోకి అంతర్వాహినిగా ప్రవహిస్తుందని భక్తులు విశ్వాసం. ఆదిశంకరాచార్యులు ఈ క్షేత్రాన్ని దర్శించి శ్రీ చక్ర సహిత బాలత్రిపుర సుందర దేవి విగ్రహాన్ని ఇక్కడ ప్రతిష్టించారు.
స్వామివారిని దర్శించుకుని పూజలు చేస్తే పిల్లలు లేని వారికి సంతాన భాగ్యం కలుగుతుందని భక్తులు నమ్మకం. ప్రతి మాఘమాసం ఆదివారం నాడు కాశీ నుంచి గంగాజలం అంతర్వాహినిగా వచ్చి కపోతగుణంలో కలుస్తుందని ఆరోజు మారేడు దళాలు ఆ గుండంలో వేస్తే మునిగిపోతాయని అర్చకులు వివరిస్తున్నారు. ఆ రోజున కపోత గుండంలో స్నానమాచరించిన కపూతేశ్వరుని దర్శిస్తే మోక్షం కలుగుతుందని భక్తులు చెప్తున్నారు.
రాత్రి జరిగిన సుబ్రహ్మణ్యేశ్వర స్వామి వారి కళ్యాణానికి అమలాపురం ఎంపీ గంటి హరీష్ బాలయోగి స్థానిక శాసనసభ్యులు దేవ వరప్రసాదరావు సహా భారీ సంఖ్యలో భక్తులు హాజరయ్యారు. ఈ రోజు వేకువ జాము నుంచి స్వామివారి దర్శనం కోసం వేలాది మంది భక్తులు క్యూ కట్టారు. భక్తులకు ఎటువంటి అసౌకర్యం కలగకుండా ఇప్పటికే ఆలయ అధికారులు, పోలీస్ అధికారులు అన్ని ఏర్పాట్లు చేశారు.