Money Astrology: మార్చి నెలలో మారనున్న నాలుగు కీలక గ్రహాలు.. ఆ రాశుల వారిపై కనక వర్షం పక్కా..!
ఈ నెల (మార్చి) నాలుగు ప్రధాన గ్రహాలు రాశులు మారడం జరుగుతోంది. రవి, బుధ, శుక్ర, కుజులు మారడం వల్ల తప్పకుండా కొన్ని రాశుల వారి మీద ప్రభావం ఉంటుంది. ఈ నెల 8వ తేదీన బుధుడు మీన రాశిలోకి, శుక్రుడ కుంభ రాశిలోకి మారుతుండగా, ఈ నెల 16న రవి మీన రాశిలోకి, కుజుడు కుంభ రాశిలోకి మారడం జరుగుతుంది.
ఈ నెల (మార్చి) నాలుగు ప్రధాన గ్రహాలు రాశులు మారడం జరుగుతోంది. రవి, బుధ, శుక్ర, కుజులు మారడం వల్ల తప్పకుండా కొన్ని రాశుల వారి మీద ప్రభావం ఉంటుంది. ఈ నెల 8వ తేదీన బుధుడు మీన రాశిలోకి, శుక్రుడ కుంభ రాశిలోకి మారుతుండగా, ఈ నెల 16న రవి మీన రాశిలోకి, కుజుడు కుంభ రాశిలోకి మారడం జరుగుతుంది. మొత్తం మీద ఈ నెల 8వ తేదీ నుంచి ఏప్రిల్ 16 వరకు నాలుగు గ్రహాల రాశి మార్పు ప్రభావం ఏడు రాశుల మీద ఉండే అవకాశం ఉంది. మేషం, వృషభం, మిథునం, తుల, ధనుస్సు, మకరం, కుంభ రాశుల వారు ఈ గ్రహాల వల్ల అత్యధికంగా ప్రయోజనం పొందబోతున్నారు.
మేషం: ఈ రాశివారికి లాభ స్థానంలో శని, శుక్ర, కుజులు కలవడం వల్ల ఊహించని స్థాయిలో ఆర్థిక బలం పట్టే అవకాశం ఉంది. అన్ని విధాలుగానూ, అన్ని మార్గాలలోనూ ఈ రాశివారి ఆదాయం, సంపద పెరిగే సూచనలున్నాయి. ఆర్థికంగా ఎటువంటి ప్రయత్నం తలపెట్టినా విజయవంతం అవుతుంది. వృత్తి, ఉద్యోగాల్లో ప్రాధాన్యం పెరగడంతో పాటు జీతభత్యాలు కూడా అంచనాలకు మించి పెరిగే అవకాశం ఉంది. ఆస్తి కలిసి వస్తుంది. ఆస్తి విలువ పెరుగుతుంది. లాభదాయక పరిచయాలు ఏర్పడతాయి.
వృషభం: ఈ రాశికి దశమ, లాభ స్థానాల్లో గ్రహాల మార్పు జరుగుతున్నందువల్ల ఏ పని తలపెట్టినా, ఏ ప్రయత్నం చేపట్టినా తప్పకుండా విజయం సాధించడం జరుగుతుంది. వృత్తి, ఉద్యోగాలపరంగా విశేషమైన పురోగతి ఉంటుంది. ఉద్యోగంలో కొన్ని ఊహించని శుభ వార్తలు వినడం, శుభ పరిణా మాలు చోటు చేసుకోవడం వంటివి జరుగుతాయి. నిరుద్యోగులకే కాక, ఉద్యోగులకు కూడా మంచి జీతభత్యాలతో కూడిన ఆఫర్లు అందుతాయి. అన్ని విధాలుగానూ ఆదాయం కలిసి వస్తుంది.
మిథునం: ఈ రాశివారికి ఈ గ్రహాల మార్పు వల్ల వృత్తి, ఉద్యోగాల్లో రాజయోగం ఏర్పడుతుంది. విదేశాల నుంచి కూడా ఆఫర్లు అందే అవకాశం ఉంది. వృత్తి జీవితం కొత్త పుంతలు తొక్కుతుంది. వ్యాపా రాల్లో అంచనాలకు మించి లాభాలు పెరుగుతాయి. మొత్తం మీద ఆర్థికంగా లక్ష్మీ యోగం పట్టే అవకాశం ఉంది. ఉన్నత స్థాయి వ్యక్తులతో లాభదాయక పరిచయాలు పెరుగుతాయి. వృత్తి, ఉద్యో గాలపరంగా విదేశీ ప్రయాణాలకు అవకాశం ఉంది. ఒక ప్రముఖ వ్యక్తిగా గుర్తింపు పొందుతారు.
తుల: ఈ రాశివారికి దాదాపు ఈ నాలుగు గ్రహాలూ అనుకూలంగా మారడం జరుగుతోంది. ఫలితంగా ఈ రాశివారికి విపరీత రాజయోగం ఏర్పడుతోంది. వృత్తి, ఉద్యోగ, వ్యాపారాల్లో ప్రాభవం, ప్రాధాన్యం పెర గడంతో పాటు అంచనాలకు మించిన ఆర్థికాభివృద్ధి కలుగుతుంది. అదనపు ఆదాయ మార్గాలు పెరుగుతాయి. భారీ జీతభత్యాలతో కూడిన ఉద్యోగావకాశాలు అంది వస్తాయి. ప్రముఖులతో పరిచ యాలు పెరగడం వల్ల సామాజిక, ఆర్థిక ప్రయోజనాలు కలుగుతాయి. ఆర్థిక సమస్యలు తగ్గిపోతాయి.
ధనుస్సు: దాదాపు గ్రహాలన్నీ అనుకూలంగా సంచారం చేస్తున్నందువల్ల ఈ రాశివారి జీవితంలో కొన్ని శుభ పరిణామాలు చోటు చేసుకుంటాయి. చిన్న ప్రయత్నమైనా ఉత్తమ ఫలితాలనిస్తుంది. ఆర్థికంగా అంచనాలకు మించిన అభివృద్ధి ఉంటుంది. వృత్తి, ఉద్యోగాల్లో తప్పకుండా అధికార యోగం పడు తుంది. తమ రంగంలో ప్రాధాన్యం, ప్రాభవం పెరగడంతో పాటు, విశేషంగా ఆర్థిక లాభాలు చేకూరు తాయి. ఆస్తి విలువ పెరగడం, ఆస్తి సమకూరడం, ఆదాయ మార్గాలు పెరగడం వంటివి జరుగుతాయి.
మకరం: ఈ రాశివారికి ఈ గ్రహాల మార్పు వల్ల ధన స్థానం మరింత బలోపేతం అవుతోంది. ఫలితంగా ఆకస్మిక ధన లాభానికి అవకాశం ఉంది. ఊహించని విధంగా సంపద పెరుగుతుంది. ఆర్థిక సమస్యలు బాగా తగ్గిపోవడంతో పాటు, ఇతరులకు సహాయం చేయగల పరిస్థితి ఏర్పడుతుంది. పితృవర్గం నుంచి ఆస్తిపాస్తులు కలిసి వస్తాయి. వృత్తి, ఉద్యోగాల్లో జీతభత్యాలు పెరుగుతాయి. అత్యధిక జీత భత్యాలతో కూడిన ఉద్యోగంలోకి మారే అవకాశం ఉంది. నిరుద్యోగులు బాగా లాభపడతారు.
కుంభం: ఈ రాశిలో మూడు గ్రహాలు, ధన స్థానంలో మూడు గ్రహాలు చేరడంతో ఎటువంటి ప్రయత్నం తల పెట్టినా విజయవంతం అవుతుంది. ఆర్థిక పరిస్థితి బాగా మెరుగుపడుతుంది. వృత్తి, వ్యాపారాల్లో ఊహించనంత ఆర్థికాభివృద్ధి ఉంటుంది. వృత్తి, ఉద్యోగాల్లో ప్రాధాన్యం పెరగడంతో పాటు జీత భత్యాల పెరుగుదలకు కూడా అవకాశం ఉంది. దాదాపు పట్టిందల్లా బంగారం అవుతుంది. ఆస్తి వివాదం ఒకటి పరిష్కారం అయి, ఆస్తి కలిసి వస్తుంది. ఆస్తి విలువ ఆశించినంతగా పెరుగుతుంది.