2026 జనవరిలో ముఖ్యమైన పండుగలు, తేదీలు ఇవే!
2026 వస్తూనే జనవరి నెల మొత్తం కొత్త ఉత్సాహం ఉండేలా చేస్తుంది. ఎందుకంటే సంవత్సరంలోని మొదటి నెలలో అనేక పండుగలు ఉంటాయి. అలాగే హిందూ మతంలో సంవత్సరంలోని మొదటి నెల అపారమైన శక్తిని కలిగి ఉంటుందని చెబుతారు పండితులు. ఈ నెలలో ఆధ్యాత్మిక భావన చాలా ఎక్కువగా ఉంటాయి. అలాగే అన్నింటికీ అనుకూలమైన నెల జనవరి నెల. ఇక ఈ జనవరి నెలలో ముఖ్యమైన పండుగలు ఉన్నాయి. కాగా,వాటి తేదీలు ఏవో ఇప్పుడు మనం చూద్దాం.
జనవరి నెలల్లో వచ్చే ముఖ్యమైన పండుగలలో మకర సంక్రాంతి. హిందువులు, ముఖ్యంగా తెలుగు రాష్ట్రాల్లో ఈ పండుగను చాలా ఘనంగా జరుపుకుంటారు. 2026 సంవత్సరంలో జనవరి 14న మకర సంక్రాంతి పండుగను జరుపుకుంటారు. ఈరోజు సూర్య భగవానుడిని పూజించి, ఆయనకు బెల్లం నైవేద్యంగా సమర్పిస్తారు. అదే విధంగా ఈ రోజు షట్టిల ఏకాదశిని కూడా జరుపుకుంటారు. ఈరోజు విష్ణువుకు తులసిని సమర్పించి, ప్రత్యేక పూజలు చేస్తారు.
సంకట చతుర్థి : హిందువులందరూ జనవరి 6,2026లో సంకట చతుర్థి పండుగను జరుపుకుంటారు. ఈ రోజున చంద్రోదయం తర్వాత నెయ్యి దీపాన్ని వెలిగించి, గణేశుడిని పూజించడం వలన ఆర్థిక సమస్యలు, ఒత్తిడి తగ్గిపోయి, కెరీర్ పరంగా సక్సెస్ అవుతారంట. అందుకే జనవరి నెలలో ఈ రోజు చాలా ప్రత్యేకమైనది.
అదే విధంగా 2026 జనవరి 16న మాసిక్ శివరాత్రి పండుగను జరుపుకుంటారు. ఈ రోజున శివ భక్తులు అందరూ శివాలయాలకు వెళ్లి శివుడిని భక్తి శ్రద్ధలతో పూజిస్తారు. ఈ రోజున రాత్రి పూట చంద్రుడికి నీటిని సమర్పించి, కొన్ని నిమిషాలపాటు మౌనంగా కూర్చొంటారు. దీన వలన భావోద్వేగ విముక్తి లభిస్తుందంట. అలాగే చంద్రుడికి నీటిని అర్పించడం వలన ప్రశాంతత లభిస్తుంది.
2026 సంవత్సరంలో జనవరి 18వ తేదీన మౌని అమావాస్య. అన్ని అమావాస్యల్లో కెళ్లా ఇది చాలా ప్రత్యేకమైనది. ఈ రోజున ప్రజలు అందరూ పవిత్ర నది స్నానం ఆచరించి, సూర్య భగవానుడిని పూజిస్తారు. అంతే కాకుండా, కొన్ని ప్రత్యేక పూజలు చేయడం, పిత తర్పణాలు చేయడం చేస్తుంటారు.
అలాగే 2026 సంవత్సరంలో జనవరి 23వ తేదీన వసంత పంచమి. ఈరోజు సరస్వతి దేవికి పువ్వులు, స్వీట్స్ సమర్పించి, పూజలు చేయడం, అక్షరాభ్యాసం, వంటివి చేస్తుంటారు. అలాగే జనవరి 29 వ తేదీన జయ ఏకాదశి పండుగ. ఈ రోజున స్వచ్ఛమైన మనసుతో ధాన్యం, వస్త్రా దానం చేస్తారు. దీని వలన గత కర్మల నుంచి విముక్తి లభిస్తుందని నమ్మకం.