Wood Apple: వెలగ పండుతో అద్భుతాలే.. సంతానలేమి సమస్యలు మాయం!
వెలగ పండు అంటే అందరికీ ఖచ్చితంగా తెలిసే ఉంటుంది. ఈ పండులో ఉండే పోషకాలతో ఎన్నో రకాల దీర్ఘకాలిక సమస్యలు రాకుండా అడ్డుకోవచ్చు. క్యాన్సర్, షుగర్, బీపీ, రక్త హీనత లేకుండా చేస్తుంది. ఈ వెలగ పండు ప్రతిరోజూ తినడం వల్ల అనేక ప్రయోజనాలు ఉన్నాయి..
వెలగ పండు గురించి ప్రత్యేకంగా పరిచయాలు అవసరం లేదు. వినాయకుడికి ఇష్టమైన పండుగా వెలగ పండు గురించి చెబుతారు. ఈ పండు ఖచ్చితంగా ఆ రోజు వ్రతంలో ఉండేలా చూసుకుంటారు. ఈ పండులో ఉండే పోషకాలు అన్నీ ఇన్నీ కావు. అనేక సమస్యలను కంట్రోల్ చేసుకోవచ్చు.
చాలా మంది పురుషుల్లో సంతాన లేమి సమస్యలు కనిపిస్తాయి. ఆ సమస్యలను దూరం చేయడంలో వెలగ పండు హెల్ప్ చేస్తుంది. ఈ సమస్యలు ఉన్నవారు ప్రతి రోజూ వెలగ పండు గుజ్జు తిన్నా, జ్యూస్ తాగినా చాలా మంచిది.
కిడ్నీల్లో రాళ్లను దూరం చేయడంలో కూడా వెలగ పండు హెల్ప్ చేస్తుంది. వెలగ పండును జ్యూస్ రూపంలో తీసుకుంటే కిడ్నీల్లో రాళ్లు కరుగుతాయని ఆరోగ్య నిపుణులు చెబుతున్నారు. కంటి సమస్యలను దూరం చేయడంలో కూడా సహాయ పడుతుంది.
రక్త హీనత సమస్యతో బాధ పడేవారు కూడా వెలగ పండును తరచూ తీసుకుంటే ఈ సమస్య నుంచి బయట పడతారు. ఈ మధ్య కాలంలో చాలా మంది అల్సర్తో బాధ పడుతున్నారు. ఇలాంటి వారు కూడా రెగ్యులర్గా వెలగ పండు తింటే మంచి ఫలితం కనిపిస్తుంది.
వెలగ పండులో మెండుగా యాంటీ ఆక్సిడెంట్లు లభిస్తాయి. ఈ యాంటీ ఆక్సిడెంట్లు కణాలను రిపేర్ చేసి.. ఫ్రీ రాడికల్స్ ఎటాక్ చేయకుండా హెల్ప్ చేస్తాయి. క్యాన్సర్ కణాలు పెరగకుండా చేస్తుంది. అలాగే బ్యాడ్ కొలెస్ట్రాల్, జీర్ణ సమస్యలను కూడా నయం చేస్తుంది. (NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)