Hyderabad: స్వాభిమాన్ యాత్ర పేరుతో సరికొత్త ఈవెంట్.. పాల్గొన్న యువకులు..
హైదరాబాద్‌లోని LGBTQIA కమ్యూనిటీకి చెందిన 600 మందికి పైగా సభ్యులు మూడు సంవత్సరాల తర్వాత క్వీర్ స్వాభిమాన యాత్ర అని పిలవబడే ప్రైడ్ మార్చ్‌లో పాల్గొన్నారు. కోవిడ్ కారణంగా రద్దయిన ఈ వేడుక తిరిగి మూడేళ్ళ తర్వాత ప్రారంభించారు. చాలా సంవత్సరాల తరువాత సన్నిహిత మిత్రులను కలుసుకుని అందరం ఒకరినొకరు పలకరించుకున్నామని ఆనందం వ్యక్తం చేశారు.
హైదరాబాద్‌లోని LGBTQIA కమ్యూనిటీకి చెందిన 600 మందికి పైగా సభ్యులు మూడు సంవత్సరాల తర్వాత క్వీర్ స్వాభిమాన యాత్ర అని పిలవబడే ప్రైడ్ మార్చ్‌లో పాల్గొన్నారు.
సుందరయ్య విజ్ఞాన కేంద్రం, ధర్నా చౌక్ , ఇందిరా పార్క్ మధ్య సాగిన ఈ యాత్రలో డోల్ , సంగీతం, నృత్యం, ప్లకార్డుల ప్రదర్శనతో పాటు అనేక నినాదాలతో ఉత్సాహంగా వేడుకలు జరుపుకున్నారు.
క్వీర్ స్వాభిమాన యాత్ర ఆదివారం మధ్యాహ్నం వివిధ రంగాలకు చెందిన 600 మందితో విజయవంతంగా సాగింది. ఇందులో అన్ని కమ్యూనిటీలకు, కళలకు చెందిన వారు ఒక్కటయ్యారు.
మధ్యాహ్నం 1 గంటకు ఊరేగింపుగా ప్రారంభమైన ఈ మార్చ్ సాయంత్రం 6 గంటలకు ముగిసింది. చివరగా ఇందిరా పార్క్‌లో ఒక గొప్ప సభ ఏర్పాటు చేశారు.
స్వలింగ వివాహాలకు చట్టబద్ధత కల్పించాలని, విద్య, ఉద్యోగాల్లో రిజర్వేషన్లు కల్పించాలని ఇందులో పాల్గొన్న యువత కోరారు. పాత స్నేహితులను కలుసుకోవడానికి, సమాజం నుండి ప్రేమను స్వీకరించడానికి ఈ ఈవెంట్ సరైన అవకాశం అని ఇందులో పాల్గొన్న సభ్యులు తెలిపారు.