యాపిల్తోనే కాదు.. తొక్కలతోనూ అనేక లాభాలు.. తెలిస్తే షాక్..
యాపిల్ ఆరోగ్యానికి ఎంతగానో మేలు చేస్తుంది. రోజుకు ఒక యాపిల్ తింటే డాక్టర్ అవసరం ఉండదు అంటారు. ఇందులో పోషకాలు అధికంగా ఉంటాయి. అయితే చాలా మంది యాపిల్ తొక్కలను తినకుండా బయట పడేస్తుంటారు. కానీ ఆపిల్ తొక్కలు వేసవిలో అనేక ప్రయోజనాలను కలిగిస్తాయి. పిల్ తొక్కలో విటమిన్ కె, ఇ కారణంగా చర్మానికి ఎన్నో లాభాలు ఉన్నాయి. వీటితో చర్మానికి లభించే ప్రయోజనాలు గురించి తెలుసుకుందాం.
ఆపిల్ తొక్కలలో క్వెర్సెటిన్, కాటెచిన్స్, క్లోరోజెనిక్ ఆమ్లం వంటి యాంటీఆక్సిడెంట్లు అధిక మొత్తంలో ఉంటాయి. ఇవి కణాలను ఆక్సీకరణ నష్టం నుండి రక్షించడంలో సహాయపడతాయి. ఆపిల్ తొక్కలు పాలీఫెనాల్స్ యాంటీ ఇన్ఫ్లమేటరీ లక్షణాలను కలిగి ఉంటాయి. ఇవి వాపును తగ్గించడంలో, మొత్తం ఆరోగ్యాన్ని మెరుగుపరచడంలో సహాయపడతాయి.
ఆపిల్ తొక్కలలో ఫైబర్, పొటాషియం, యాంటీఆక్సిడెంట్లు కొలెస్ట్రాల్ స్థాయిలు, రక్తపోటు, వాపును తగ్గించడం ద్వారా గుండె ఆరోగ్యానికి సహాయపడతాయి. ఆపిల్ తొక్కలలోని ఫైబర్, పాలీఫెనాల్స్ రక్తంలో చక్కెర స్థాయిలను నియంత్రించడంలో, ఇన్సులిన్ సెన్సిటివిటీని మెరుగుపరచడంలో సహాయపడతాయి.
ఆపిల్ తొక్కలు ఫైబర్ కి మంచి మూలం, ఇది జీర్ణక్రియను ప్రోత్సహించడంలో, మలబద్ధకాన్ని నివారించడంలో, ఆరోగ్యకరమైన గట్ బాక్టీరియాకు మద్దతు ఇవ్వడంలో సహాయపడుతుంది. ఆవీటిలోని యాంటీఆక్సిడెంట్లు, పాలీఫెనాల్స్ క్యాన్సర్ నిరోధక లక్షణాలను కలిగి ఉండవచ్చని కొన్ని అధ్యయనాలు సూచిస్తున్నాయి. అయితే దీనిని నిర్ధారించడానికి మరిన్ని పరిశోధనలు అవసరం.
చర్మం తేమ తక్కువగా ఉండటం వల్ల పొడిగా ఉంటుంది. చర్మాన్ని పొడిబారకుండా ఉండేందుకు యాపిల్ తొక్కలు ఉపయోగపడతాయి. ఈ తొక్కలను టొమాటోను కలిపి గ్రైండ్ చేసి కాస్త పెరుగు వేసి పేస్ట్ చేసుకోని ఫేస్ కి అప్లై చేసి ఆరిన తర్వాత శుభ్రమైన నీటితో ఫేస్ కడగాలి.
యాపిల్ తొక్కలను పౌడర్లా చేసుకొని బటర్ కలిపి ఫేస్ పై అప్లై చేసి పూర్తిగా ఆరిపోయిన వెంటనే నీటితో శుభ్రం చేసుకోవాలి. ఇలా వారానికి మూడుసార్లు అప్లై చేస్తే ముఖం ఎల్లప్పుడూ నిగారింపు గా ఉంచడంలో సహాయపడుతుందని అంటున్నారు నిపుణులు.