స్టీల్ గిన్నెలు మాడిపోయాయా.? ఇలా క్లీన్ చేస్తే చాలు తళతళా మెరిసిపోతాయంతే.!
ఇప్పుడందరూ కూడా స్టీల్ గిన్నెల్లోనే వంటలు వండుతున్నారు. అయితే వీటిని కొద్దిగా ఎక్కువ వాడితే చాలు.. మెరుపు పోయి.. నల్లగా మారిపోతున్నాయి. ఇక ఆ స్టీల్ పాత్రలకు మళ్లీ మెరుపు తీసుకురావాలంటే..
ఇప్పుడందరూ కూడా స్టీల్ గిన్నెల్లోనే వంటలు వండుతున్నారు. అయితే వీటిని కొద్దిగా ఎక్కువ వాడితే చాలు.. మెరుపు పోయి.. నల్లగా మారిపోతున్నాయి. ఇక ఆ స్టీల్ పాత్రలకు మళ్లీ మెరుపు తీసుకురావాలంటే.. నానా తంటాలుపడాలి. మరి ఈ స్టీల్ గిన్నెలకు మెరుపు ఎప్పటికీ పోకుండా.. మునపటిలానే ఉండాలంటే.. ఏం చెయ్యాలి..
నిమ్మకాయలో బ్లీచింగ్ గుణాలు ఎక్కువ. ఇందులో ఉండే సిట్రస్ మొండి మరకలు, నూనె జిడ్డును తొలగించడానికి సహాపడుతుంది. గిన్నెలో బాగా నల్లబడిన చోట కాస్త నిమ్మరసం వేసి.. కొంచెం సేపు ఉంచి.. ఆ తర్వాత స్క్రబ్బర్తో క్లీన్ చేయండి చాలు.
మొండి మరకలను పోగొట్టేందుకు బేకింగ్ సోడా కూడా బాగా ఉపయోగపడుతుంది. మీరు చేయాల్సిందల్లా ఓ గిన్నెలో కాసింత నీరు పోసి.. దానిలో బేకింగ్ సోడా వేసి.. వాటిని వేడి చేయాలి. ఆ తర్వాత ఆ నీరు చల్లారేక.. మొండి మరకలు ఉన్న చోట వేసి క్లీన్ చేస్తే చాలు..
తుప్పు మరకలకు బేకింగ్ సోడానే బెటర్ ఆప్షన్. మీరు చేయాల్సిందల్లా ఓ బకెట్ నీటిలో బేకింగ్ సోడా వేసి.. బాగా కలపండి. ఆ తర్వాత ఆ నీటిలో తుప్పు మరకలు ఉన్న పాత్రలను కొద్దిసేపు నానబెట్టండి. అనంతరం వాటిని క్లీన్ చేస్తే మరకలు పోతాయి.
మీరు మరకబట్టిన స్టీల్ పాత్రలో మరిగిన నీళ్లు పోసి కాసేపు ఉంచండి. ఆ తర్వాత నీరు చల్లారాక.. వాటిని క్లీన్ చేయండి.. దెబ్బకు మరకలన్నీ మాయం అవుతాయి.